吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 《挪亞方舟》充實多元化的親子好去處

親子旅遊今日: 11|主題: 161405

收藏本版

發帖

返回列表

跳至頁

查看: 3035 | 回覆: 11

[本地] 《挪亞方舟》充實多元化的親子好去處

LittlePanMama

大宅

積分: 2320

發表於 19-12-26 16:42 |顯示全部帖子

往年聖誕有帶小朋友去過挪亞方舟扮空姐體驗唔錯，今年聖誕唔知安排咩節目好，於是又去左挪亞方舟玩，但驚喜地今年既體驗比扮職業更充實！未出發前小朋友已經好期待去夾糖同整爆谷（因為佢哋好鐘意食糖同埋每次入海洋公園都話要買爆谷而冇買到）

私人傳訊

LittlePanMama

大宅

積分: 2320

發表於 19-12-26 16:44 |顯示全部帖子

夾糖整爆谷
我地既策略係一早去到玩左要攞籌既夾糖同整爆谷先，今次冇制服只有圍裙仔俾小朋友，三個小朋友一組整一份爆谷，每組都有一個工作人員教小朋友點整，唔夠高仲有櫈仔，大人可以企前面不停影相唔使落手，整好後每個小朋友有一杯爆谷拎走。夾糖就喺同一間房，不過要分開排隊，每個小朋友有一個紙盒仔同夾俾佢地自己夾，每人可以免費帶走100g, 旁邊有個磅，個個都一邊夾一邊磅下夠唔夠（唔知超重係咪要俾錢買番)不過啲糖全部擺埋一齊，啲小朋友一次過堆埋一齊去夾好迫，好容易跌糖落地，如果可以分散啲糖，俾多啲空間慢慢夾就好好多。

私人傳訊

LittlePanMama

大宅

積分: 2320

發表於 19-12-26 16:45 |顯示全部帖子

坐鹿車
以前都有坐過其他動物車，由於聖誕節，所以個個小朋友都爭住坐電動鹿車，啲小朋友寧願排隊等都唔願坐腳踏既動物車（呢個要用遊戲券，每次兩張，入場本書仔裡面包左10張券，因為唔多人，我啲小朋友玩左三次）好處係如果小朋友太細大人可以一齊坐

跳充氣彈床
有條迷你滑梯（有個工作人員喺入面幫小朋友爬上滑梯頂，真係辛苦晒）又係要兩張券，不過比較細，但小朋友都玩到好開心

三輪車賽道
剛去到時有電動車，見啲小朋友玩速度都幾快，後來轉左做腳動三輪車，啱啲細啲既小朋友，個工作人員話電動車要券，三輪車唔使，朋友個小朋友玩左十次，因為唔使點排，玩完又玩！

私人傳訊

LittlePanMama

大宅

積分: 2320

發表於 19-12-26 16:46 |顯示全部帖子

人肉保齡球
呢個係個小朋友走入個巨型球裡面爬，個波就會向前，撞向前面既保齡球樽度。仲有另一個係扣住安全帶半天飛索去另一邊（要7歲以上才可玩）我地都冇玩到。

火箭遊樂設施
好似公園既遊樂場，應該係新整既，上次去冇，條滑梯應該有兩層樓咁高，仲要扭住咁，好在係全包住，好刺激！佢都算幾多元化，有唔同既花款，好處係唔多人，又喺橋底唔曬，旁邊又有洗手間（如果可以換一換啲水龍頭同加幾張腳踏俾小朋友洗手就perfect!!)

私人傳訊

LittlePanMama

大宅

積分: 2320

發表於 19-12-26 16:46 |顯示全部帖子

lunch
我地喺裡面食佢個mini buffet, 比想像中好，有洋蔥圈，雞翼雞髀，豬扒，豬手，炒飯，長通粉，意粉，啫喱糖，布甸，蛋糕，咖啡茶，例湯等（不過係輪住加不同食物，keep住有4-5款野食喺度。小朋友可以行出行入拎野食就好開心。)

食完飯, 餐廳隔離有啲小攤位（免費）玩，可以自己砌架車去旁邊既賽道玩，呢個我都幾鐘意，因為佢既賽道好長又高又低，小朋友真係要想辦法令架車夠衝力行完成條賽道，同埋要夠快，呢個值得推介！
旁邊仲有啲其他小遊戲。

小朋友嘈住要睇動物，於是就去室內睇真動物(大咀鳥，爬蟲類嗰啲)

點評

wcpcelia

發表於 19-12-27 14:41

私人傳訊

LittlePanMama

大宅

積分: 2320

發表於 19-12-26 16:48 |顯示全部帖子

e-planet
呢個館係新開既，一入去有好多動物既森林投射左喺成間房，地下有啲青蛙，田鼠，踩佢會跳走，牆上有啲動物摸佢會跳同有叫聲，小朋友不停四圍跳同拍好興(emoji)。下一間房有條3D片睇，戴住個眼鏡睇水底，有啲魚游來游去，小朋友以為係真既係咁伸手摸。
第三間房係四季，由於地下都有投射，啲小朋友以為真雪真落葉，趴哂喺地，仲要瞓埋落去
第四間房我個人覺得最好玩，就係俾啲車，機械人既圖小朋友填色，之後scan個圖像落牆上，就會見到自己架車嗰度行，模佢會彈Hello個字，機械人摸佢會執粟米，好搞笑。

私人傳訊

LittlePanMama

大宅

積分: 2320

發表於 19-12-26 16:50 |顯示全部帖子

不過佢有限時間，填色要時間，scan左上牆見到自己既作品小朋友就會好興奮想再油多一幅，所以如果可以長啲時間就好啲，小朋友玩到唔捨得走。

最後一站係去整毛公仔，自己揀一款公仔，工作人員會俾張form你，原來係用嚟幫只公仔整出世紙(好搞笑), 有工作人員幫手將棉花整入只公仔（小朋友只需負責踩腳制，控制棉花出幾多，跟工作人員指示就ok，入完棉花有人教你點縫，縫好就可以拎返印好既出世紙(有主人名，寵物名，出生日期，毛色，高度等）自己親手整既公仔寧舍鐘意，而且價錢都合理$100個，衫仔$60套（只限啤啤先有衫著）所以好多人都整，樹熊同松鼠公仔又比較特別。

私人傳訊

LittlePanMama

大宅

積分: 2320

發表於 19-12-26 16:52 |顯示全部帖子

臨走去換埋份禮物（玩遊戲有印仔，儲四個就有禮物換，係一條充氣長頸鹿，小朋友好耐之前去已經想買，今次可以免費拎走，好抵呀（以前好似賣$70）！

離開時經過鹿車冇咩人排隊又再玩多兩次先走！

今次去既體驗好好，因為玩左好多唔同既野，上次淨係扮職業，比較單一，今次又有好多禮物（爆谷，軟糖，吹氣長頸鹿，自製毛公仔）拎走，玩左成日，大人細路都冇哂電，如果住埋酒店就perfect！出年如果去要早啲plan book埋buffet 同酒店，玩完食飽就上去瞓，第日可以再去玩火箭滑梯！