論盡家傭今日: 4|主題: 134059

收藏本版

發帖

返回列表

跳至頁

查看: 1161 | 回覆: 2

真係好火滾 [複製鏈接]

greenbaby

大宅

積分: 1196

1^#

發表於 09-5-21 00:33 |只看該作者 |倒序瀏覽 |打印

我個印印做咗1年半, 上個月佢某日同我講佢用咗我屋企電話地址資料俾個朋友去財務借錢wor........佢講完第二日即炒....印姐姐走咗後開始成日有人打嚟搵佢追數, 同佢地講咗已經炒咗, 佢唔再係度做...入境處封信我都已經收到....都禮禮貌貌同佢地講, 覺得人地都係做野點都要追下數搵下個債仔。點知尋日下午打嚟, 佢問我有冇入境處封信叫我fax俾佢, 我話ok. 就抄低佢fax no....點知佢6點幾又打嚟, 我媽聽電話, 由於佢地都係印尼人講中文唔係好清楚, 我媽聽唔清楚問多句 "搵咩人呀??" 佢就兇我媽 "搵人囉, 你唔係人呀??財務公司呀..." (當時我幫小朋友沖緊涼), 我媽拎個電話俾我話"唔知咩財務wor, 鬼咁惡死".....我叫我媽睇住小朋友就出咗去聽 :
"你搵邊個?"
財 : "搵你工人呀搵邊個...你扮咩野扮唔知...快d叫佢嚟聽電話..."
我 : "咪同你地講咗好多次炒咗啦, 你地今日下晏仲俾咗fax no我fax封信俾你地丫嘛"
財 : "咁你fax咗未丫, 唔好扮哂野wor你..有本事你就唔好住係度"
~~嘩...我即時真係火都嚟~~
我 : "而家我借你錢呀?你咁惡咩事呀?咩叫有本事唔好住係度呀??你有本事就唔好再打電話嚟...果封信我係唔會fax嘅, 你有本事就過嚟收, 你嚟收我一定搵埋警察".....
財 : "好丫, 你而家搵差人拉我囉..."
~~我都費事同佢講就cut埋佢線, 佢就不停打嚟 (當然係唔會有來電顯示啦), 我就唔聽再拎個電話跟身費事小朋友or我媽唔覺意拎咗嚟聽....
呻完~~多謝