結婚頭3年都係搬出去租屋住左3年,就係一早同老公講明唔想同6299住,相處好,同住難,但我本身只係做part time, 加埋老公嗰份都只係剛剛夠生活,之後有左bb就決定搬去同6299住,再申請公屋,我有左bb心情起伏得勁,已經為左擔心同6299住嘅不快事,寄人離下而喊過無數次,但因為要留錢養bb,唯有頂到臨生先搬去老爺99度住,搬到過去,99已經晚晚同老公傾計,成日同老公講叫我點點點去配合佢屋企嘅習慣,唔會直接同我講,我配合唔到就yo我老公,要佢同返我講,但每次佢地喺廳傾,我喺房湊仔,每次我都聽到,感覺好難受。終於有次聽到佢話我食飯放部電話上枱同放舊屎上黎冇分別。。