懷孕前後 今日: 1 | 主題: 330428

積分: 1026

1^#

發表於 20-4-17 09:19 |只看該作者 |倒序瀏覽 |打印

4月7日我剛喺威院生左bb, 生bb前都上黎呢度揾左好多最新安排，但去到都有好多預料唔到既野。

我係穿水加見紅入醫院，朝早6點幾發現自己見紅，諗住去沖涼突然醒起自己穿埋水，我唔係穿好多水，用安睡褲已經可以頂到去醫院。

去到產前病房7點，都俾個惡護士話我點解唔係即刻入院，我其實都幾即刻la, 只係食左個蕃薯先出門口遮。本身我叫我老公幫我買個早餐，因為我之前入過產前病房見啲大肚婆都係喺入面等，可以食下野。點知，檢查完我就即刻去左產房，護士檢查話宮頸一度都冇開，要催生，胎水有啲混濁要種豆（雖然我之前冇b鏈），食同飲都禁止，隨身物品佢地keep晒，我本身準備左一啲止痛香薰油同暖水袋都收左，連手提電話都收埋，我入左去之後，就冇見過我老公。。。。。。生仔真係一條好孤單既路。

8點，護士安排我催生，開始有M痛feel, 但宮頸都係一度都開唔到，我問可否無痛分娩，第一個護士同我解釋啲風險，想我諗下若頂得順就唔好用。之後有個好好人既護士見我開唔到度數，幫我人手係宮頸再穿多啲水出黎以幫助開度數，然後我就開始不自主咁喊，當時都係開左1度。。。。。。

之後我都冇時間觀念了，因為冇鐘冇電話，淨係覺得好痛，開始默默喊，威院護士聽到我喊過黎睇過我好多次，主動幫我諗不同舒緩痛楚方法。

0 0 0

私人傳訊

積分: 1026

2^#

發表於 20-4-17 09:56 |只看該作者

我先後用左暖水袋，電力止痛（貼背），全部都唔太work, 笑氣已經停左。其時聽到對面有個印度大肚婆叫到拆天，我feel到姑娘有啲燥底，因為個女人真係每一下痛都叫一次姑娘，仲大吵大鬧要丈夫陪伴，結果佢既止痛安排安排得慢過我，我覺得你唔去request, 反而啲姑娘會幫你諗更多。而呢個時候有個姑娘見我咁辛苦主動問我要不要無痛分娩

好感動，我即刻話要，但我以前試過尾龍骨裂，我擔心唔做得，姑娘好好人，立即幫我問麻醉師

喺呢個時候我已經打過電話俾我老公2次，家姐1次，媽媽1次

由12點開始，我就越來越痛，大約3點幾，我安排到去生產既地方，3:45pm進行無痛分娩，果時再check都只係開到2度，無痛分娩後痛楚感覺少左好多，但唔係零痛楚，會feel到子宮收縮既微痛。

去到6點左右，醫生做緊checking, 開到6度，呢個時候bb 心跳突然跌，兩個醫生好緊張，人手伸入宮頸推bb要佢心跳，果時已經feel唔到平時check宮頸會痛既感覺，應該係害怕多過一切，心諗係咪要開刀，好彩又恢復返正常心跳。最驚係見到醫生推完後成手既血滴緊—》即係我啲血

到8:30左右，我開始痛到痴左，應該去到8度左右無痛分娩對我黎講係冇咩用。我問係咪可以生，姑娘話可以試下，但另外有姑娘話要停左無痛分娩機一個鐘先可以生，因為要feel到果下痛才痾得出。之後姑娘話要準備下，我就再打電話俾我老公喪喊，打完電話有個姑娘又問我係咪好痛，我話我好驚，然後我捉住佢隻手，我覺得威院啲姑娘真係個個都好好又好温柔，唔會話你喊咩生仔係咁㗎la

我一路都好驚佢熄部無痛機，我又同姑娘講其實我feel到痛架，俾我試生。姑娘好好心地，肯幫我叫我試下先，果時係好多姑娘喺附近，但冇人睇住我，我自己試下先。試左幾次，有2個（1個醫生1個護士）走過黎同我講話痾屎力加 pat pat抬起少少，我就咁3下就生左

再痾多下胎盤都出埋，剪果下冇咩感覺，係熱熱地feel, 我以為自己冇咩裂，但原來唔係，鏈左超過1個鐘

真係好神奇，補充返我一直係戴住口罩，由朝早7點入院到果時晩上9點都係戴住同一個口罩生既時候都唔可以除，手上既豆一直插住勁痛，豆係入抗生素同埋吊salt water。

私人傳訊

KongLeeman

積分: 271

3^#

發表於 20-4-17 11:39 |只看該作者

Lily2020 發表於 20-4-17 09:19
4月7日我剛喺威院生左bb, 生bb前都上黎呢度揾左好多最新安排，但去到都有好多預料唔到既野。

我係穿水加見 ...

你係咪去待產房催生啊？然後打無痛先上去產房啊？我上年年尾生都係威院生，產房d人好d

私人傳訊

積分: 1026

4^#

發表於 20-4-17 11:53 |只看該作者

回覆 KongLeeman 的帖子

應該係，我痛到都唔知自己係邊度待產，淨係知唔係產前病房，一打無痛時就已經喺產房，喺果度成9個鐘。
威院既姑娘除左產前病房果個有啲串咀外，其他姑娘都好好人，呢期有實習同學，佢地都好好。

私人傳訊

facialma

積分: 4202

5^#

發表於 20-4-17 12:11 |只看該作者

回覆 Lily2020 的帖子

真好有比你打無痛，你係咪自己按掣加藥，恭喜生咗B！

私人傳訊

00ling

積分: 2100

6^#

發表於 20-4-17 12:29 |只看該作者

多謝你分享呀。仲以為見紅可以快手沖過涼tim...
入產房無電話可用咪度日如年... 又無人陪，又訓唔到，得個痛。
雖然有得打無痛，但都係痛，都唔知好定唔好。
辛苦媽媽啦，休息多d

私人傳訊

KongLeeman

積分: 271

7^#

發表於 20-4-17 12:59 |只看該作者

Lily2020 發表於 20-4-17 11:53
回覆 KongLeeman 的帖子

應該係，我痛到都唔知自己係邊度待產，淨係知唔係產前病房，一打無痛時就已經喺產 ...

待產係產前房對面，我全程邊度都有實習，冇用任何止痛生，但我係穿水去生，但吾係即刻有催生，後面未等到催生已經作動

私人傳訊

積分: 1026

8^#

發表於 20-4-17 15:08 |只看該作者

回覆 facialma 的帖子

係呀，自己按制，最多每十分鐘加一次，你唔按佢都有一定既劑量

私人傳訊

積分: 1026

9^#

發表於 20-4-17 15:10 |只看該作者

回覆 00ling 的帖子

講得好啱，你係比平時更集中係痛楚上，平時m痛仲可以玩下手機分散注意力，但果度真係冇，我本身仲save低左啲短片諗住睇

私人傳訊

積分: 1026

10^#

發表於 20-4-17 22:20 |只看該作者

回覆 KongLeeman 的帖子

好勁冇用止痛，我真係頂唔到，連啲姑娘都話我頂唔到，幫我做無痛

私人傳訊

KongLeeman

積分: 271

11^#

發表於 20-4-17 23:01 |只看該作者

Lily2020 發表於 20-4-17 22:20
回覆 KongLeeman 的帖子

好勁冇用止痛，我真係頂唔到，連啲姑娘都話我頂唔到，幫我做無痛 ...

我係5指先叫姑娘，我穿水去產前，話排隊催生，前面都係小小痛甘訓吾著，到好似一分鐘痛一次先行去叫姑娘，幫我睇下已經5指，先去待產，去到就好痛，5到8用佐4個鐘

私人傳訊

龍琪

積分: 339

12^#

發表於 20-4-18 17:33 |只看該作者

Lily2020 發表於 20-4-17 09:19
4月7日我剛喺威院生左bb, 生bb前都上黎呢度揾左好多最新安排，但去到都有好多預料唔到既野。

我係穿水加見 ...

我11號都系威院生左，痛到4指，2就要求打無痛。當日姑娘都好好人，我打左無痛之後系完全沒感覺就生左个B出來。

私人傳訊

Jaciteran

積分: 270

13^#

發表於 20-4-18 23:09 |只看該作者

本帖最後由 Jaciteran 於 20-4-18 23:10 編輯

恭喜樓主順利生B, 太好啦有威院最新情況可以有個預算

姑娘比唔比帶住眼鏡生B架?諗緊好唔好戴住con

私人傳訊

胡楓掃落葉

積分: 2095

14^#

發表於 20-4-18 23:33 |只看該作者

Jaciteran 發表於 20-4-18 23:09
恭喜樓主順利生B, 太好啦有威院最新情況可以有個預算

姑娘比唔比帶住眼鏡生B架?諗緊好唔好戴住con ...

千祈唔好帶con
一黎醫院係唔俾的
二黎你唔知自己生幾耐

私人傳訊

積分: 1026

15^#

發表於 20-4-19 14:30 |只看該作者

回覆 Jaciteran 的帖子

真係唔好戴, 一切以自己舒適為要, 你又唔知道自己要陣痛幾耐。聽過最唔好彩係30小時陣痛。

私人傳訊

GB2020

積分: 1938

16^#

發表於 20-4-19 22:07 |只看該作者

Lily2020 發表於 20-4-17 09:19
4月7日我剛喺威院生左bb, 生bb前都上黎呢度揾左好多最新安排，但去到都有好多預料唔到既野。

我係穿水加見 ...

恭喜(emoji)(emoji)
請問威院有冇提供埋隔尿墊for 穿羊水？
定要我地自備？

私人傳訊

mercy_maxwell

別墅

積分: 603

17^#

發表於 20-4-20 12:49 |只看該作者

Lily2020 發表於 20-4-17 09:56
我先後用左暖水袋，電力止痛（貼背），全部都唔太work, 笑氣已經停左。其時聽到對面有個印度大肚婆叫到拆天 ...

聽到可以打無痛真係好開心！我真怕自己頂唔到痛！

私人傳訊

積分: 1026

18^#

發表於 20-4-21 22:41 |只看該作者

回覆 mercy_maxwell 的帖子

係呀，即刻覺得個護士係天使，打救我

私人傳訊

積分: 1026

19^#

發表於 20-4-21 22:44 |只看該作者

回覆 GB2020 的帖子

佢好似冇問我攞，一入院時佢俾左張我，係bb尿片同濕紙巾，佢（姐姐）一定要你俾即使係半夜佢都好意思叫你揾屋企人即刻買🙄，我見我隔離床位個媽媽就係咁

私人傳訊

Apapta