懷孕前後 今日: 2 | 主題: 330626

積分: 735

1^#

發表於 20-4-18 03:12 |只看該作者 |倒序瀏覽 |打印

我第一胎，我31週去產檢，因為我成日有假宮縮，成個肚硬晒，所以私家醫院醫生用陰道超聲波幫我check子宮頸長度。
點知一check話扎界得2.5cm
開咗口服小白球俾我，打左強肺針，同我埋叫瞓床休息。
亦話31週唔會幫我落托
bb重4磅1oz
咁我努力咁瞓床無岀過街，一日真係有>21hr都係瞓係床到。其餘時間都係沖涼食野或者喺梳化挨住坐下。
瞓咗床後胃口好差，唔想食嘢，大便亦去得好差。

今日33w3再產檢，上磅發現我瞓左十幾日床之後，輕左2磅
bb得4磅5oz（姐係呢兩星期以來無咩點大過）
至於宮頸長度得返2cm
而且bb個頭已經有一半入左盆

0 0 0

私人傳訊

積分: 735

2^#

發表於 20-4-18 03:14 |只看該作者

回覆樓主：

本帖最後由 siufamama 於 20-4-18 03:16 編輯

醫生話之後bb會再入盆多啲
所以佢預計宮頸長度會隨住bb入盆同長大而再短啲

私家醫院醫生再三強調我好大機會會早產
一作動起來bb會好快岀世
佢亦都講如果早過35週作動，叫我返公立醫院生，因為私家醫院無新生嬰兒深切治療部（NICU）

我有少少失望瞓咗兩個星期keep唔到宮頸長度，而家短到得返2cm。
亦好擔心如果真係早產bb會發展有問題。
我會好內疚。
同埋仲掙扎緊至底係咪應該返公立醫院生（威爾斯），雖然無得陪產，無得探病，無笑氣，仲要帶住口罩生，但係有NICU，好似對BB支援好啲。

私人傳訊

積分: 735

3^#

發表於 20-4-18 03:14 |只看該作者

有無媽媽可以分享下？
我而家33w3，宮頸長度得返2cm，係咪真係好大機會早產。有冇奇蹟真係可以挨到bb足37週？
有無早產媽媽可以分享下bb早產係咪會住好耐NICU？早產bb係咪真係同足月差好多？
我到底應該去私家定公立醫院生？

我真係好六神無主，喊過唔知幾多次
希望大家可以幫下我

私人傳訊

Elsa324

積分: 649

4^#

發表於 20-4-18 05:03 |只看該作者

siufamama 發表於 20-4-18 03:14
有無媽媽可以分享下？
我而家33w3，宮頸長度得返2cm，係咪真係好大機會早產。有冇奇蹟真係可以挨到bb足37週 ...

本帖最後由 Elsa324 於 20-4-18 05:04 編輯

唔好咁擔心放鬆啲先

有啲嘢你控制唔到要釋懷我情況冇你咁複雜不過差唔多我嗰陣就係太緊張成日都緊張過頭 35w就早產了

一個月就追番磅同人哋足月冇分別你個心情唔多唔少都會影響到你而家可以做嘅就係保持開朗搵啲細藝做下放鬆吓淨係訓都未必好祝福你母子平安

私人傳訊

積分: 735

5^#

發表於 20-4-18 06:27 |只看該作者

Elsa324 發表於 20-4-18 05:03
本帖最後由 Elsa324 於 20-4-18 05:04 編輯

唔好咁擔心放鬆啲先有啲嘢你控制唔到要釋懷我 ...

多謝你啊，我都真係要學習下保持心境開朗，
你bb 35w早產有無係醫院住咗好耐？岀世幾多磅？

私人傳訊

ching84

複式洋房

積分: 457

6^#

發表於 20-4-18 09:34 |只看該作者

siufamama 發表於 20-4-18 06:27
多謝你啊，我都真係要學習下保持心境開朗，
你bb 35w早產有無係醫院住咗好耐？岀世幾多磅？

真係要保持心境開朗，放鬆d！
講真，唔一定足月，bb夠磅數就可以出院架，仲有好多因數！所以你唔好緊張啦，放鬆d!
好似我bb個時39w出生，都係岩岩得5.1磅！但都3日出到院！
我嫂個b都40w 足哂月出生，bb成8磅，但佢bb都要成個星期先出到院！

所以好多因數，冇得講既！
你而家要做就好好瞓下床，休息多d！
到之後bb出左生，你想瞓下都冇啦！
唔好諗咁多啦！悶就上黎傾下計囉！

私人傳訊

ASP2019

積分: 7047

7^#

發表於 20-4-18 10:22 |只看該作者

siufamama 發表於 20-4-18 03:14
有無媽媽可以分享下？
我而家33w3，宮頸長度得返2cm，係咪真係好大機會早產。有冇奇蹟真係可以挨到bb足37週 ...

樓主早晨啊。
同事家姐有類似情況，當時我地一切搵和研究有咩尿片啱早產bb,但冇驚動同事家姐啊，只是鼓勵她放心，不想她多心和影響心情。
結果同事家姐足月生b啊，大小平安，所以樓主一定要保持心情愉快啊。

後記:
當時同事問過醫院，有私家醫院34周生都可以，但最緊要有醫生接你生意先。

另外，印象中如果bb在私家出世後有事，係會送去公立醫院既（Yumiko當年在灣仔港安生完，梁浸浸立即被送去東區醫院（好似個肺有d事），同埋我朋友在瑪麗私家生完，bb都送咗去瑪麗公立NICU）,所以呢方面樓主反而唔使太擔心。
祝樓主足月生產啊。

私人傳訊

rainbowflower

積分: 2402

8^#

發表於 20-4-18 11:15 |只看該作者

siufamama 發表於 20-4-18 03:14
有無媽媽可以分享下？
我而家33w3，宮頸長度得返2cm，係咪真係好大機會早產。有冇奇蹟真係可以挨到bb足37週 ...

本帖最後由 rainbowflower 於 20-4-18 11:16 編輯

冷靜d先我私家醫生同我講過 bb 34週個肺發展就基本成熟到時bb識自己呼吸就穩陣好多你宜家都33wk3 好快到34wk 所以其實都基本上安全唔洗太擔心因為你宜家都控制唔到唯有訓床

如果係咁唔洗諗一定返公立生公立呢方面既support比私家好同埋相關經驗都比較多而且私家有咩事都係會叫你返公立生如果touchwood你真係早產左我覺得公立既follow-up對你同bb都比較好

加油呀媽媽

唔好喊情緒都會影響bb架

私人傳訊

Nagomi

積分: 3178

9^#

發表於 20-4-18 12:02 |只看該作者

回覆樓主:

我都同意咁情況的話返政府比較好，始終設備較齊全同埋bb唔知出世後有無需要follow up, 另外如果私家醫生講到隨時生得仲要好快，會唔會叫佢寫紙比你返公立瞓床？好似咁樣安全D啊

私人傳訊

hhhhhhhh

積分: 2500

10^#

發表於 20-4-18 12:19 |只看該作者

siufamama 發表於 20-4-18 03:12
我第一胎，我31週去產檢，因為我成日有假宮縮，成個肚硬晒，所以私家醫院醫生用陰道超聲波幫我check子宮頸 ...

加油啊

私人傳訊

Joyful.family

積分: 3774

11^#

發表於 20-4-18 15:52 |只看該作者

我兩個囡都早產，大囡35wk1d出世5.1磅，只係喺嬰兒加護病房觀察左幾日就同我一齊出院，滿月體重翻倍，有10磅. 細囡31wk作早產，入左醫院瞓床同打左三針強肺針，34wk0d出世得4.1磅，出世氣促插左兩日喉，喺nicu同嬰兒加護病房住到滿月先返屋企，出世果個月都只係增左一磅.

So far兩個喺發展上都冇咩問題，係細囡頭一年比較難湊，因為佢唔鐘意食野，其他同同齡小朋友冇分別，一樣活潑，考幼稚園亦有幾間好好既offer.

私人傳訊

Joyful.family

積分: 3774

12^#

發表於 20-4-18 15:55 |只看該作者

因為妹妹住左一個月醫院既原因，我喺醫院識左好多早產兒媽媽，其實大部分超過33週出世既小朋友喺發展上都冇太大既影響，所以你唔駛太擔心發展上既問題，但我個人覺得，如果亞b 36前出世都係返政府生好啲，生妹妹果時係兒科醫生喺旁邊standby,一出世就已經即時檢查.

我好明白要面對早產果種徬徨同憂心，祝樓主亞b足月出世，加油(emoji)(emoji)

私人傳訊

kissapplegirl

積分: 7232

13^#

發表於 20-4-18 16:56 |只看該作者

siufamama 發表於 20-4-18 03:14
有無媽媽可以分享下？
我而家33w3，宮頸長度得返2cm，係咪真係好大機會早產。有冇奇蹟真係可以挨到bb足37週 ...

政府既NICU係最好，私家就算肯幫你接生，萬一有嚴重問題都會送返政府，BB咁樣轉院咪仲危險?而且私家既費用可以無底深潭... 公立醫院每年都有好多早產嬰兒出世，醫院已有豐富嘅經驗去照顧早產bb
媽媽你應該正面啲諗呀，你能夠捱到33週已經好叻啦，有啲媽咪喺好突然間情況下廿幾週就早產，得1磅2磅佢地既BB都捱得到健康長大，所以你要正面d諗野，你都需要為bb可能會早產作好準備，你除咗去廁所盡量都唔好離開張床，叫屋企人幫你洗好bb衫，執好走佬袋
樂觀啲諗，你忍多3個星期就夠36w，好安全!

私人傳訊

cometingliu

積分: 6731

14^#

發表於 20-4-18 23:07 |只看該作者

你講無得陪產、無得聞笑氣、戴口罩生，喱啲都係自己嘅慾望，而家最重要係諗私家定政府生會對bb生命有保障啲

私人傳訊

xfaganza

民房

積分: 24

15^#

發表於 20-4-19 15:41 |只看該作者

siufamama 發表於 20-4-18 03:12
我第一胎，我31週去產檢，因為我成日有假宮縮，成個肚硬晒，所以私家醫院醫生用陰道超聲波幫我check子宮頸 ...

樓主唔好咁大壓力我share自己既經歷
我剛3月中生完 25weeks個陣醫生話我宮頸短 2.5cm 同你個情況一樣當時我好驚對住老公喊之後同公司講home office 一到咁上下就上床訓響到日日就上網睇早產bb既資料同有d媽媽因為咁要訓床既經歷搞到日日都擔心但發現個情緒好受影響所以後期無再去睇但係我個醫生就好似無乜concern 純粹叫我唔好行咁多其實響知道宮頸短前我行兩步就肚緊放完工個肚感覺墮得好緊要.. 至於你話落左盤...我小朋友每次照個頭都去到好低所以我個段時期真係好驚我完全明你感受我最終既target係希望撐到34weeks 最後我39weeks小朋友先出世加油呀唔好咁擔心食多d野唔好行咁多就ok!

私人傳訊

積分: 735

16^#

發表於 20-4-19 19:03 |只看該作者

xfaganza 發表於 20-4-19 15:41
樓主唔好咁大壓力我share自己既經歷
我剛3月中生完 25weeks個陣醫生話我宮頸短 2.5cm 同你個情況一樣當 ...

多謝你啊，見你都可挨到39週
希望我都可以挨到足月啦
我會俾心機好好咁休息盡量瞓床

私人傳訊

Panda366