自由講場今日: 1119|主題: 1313743

收藏本版

發帖

返回列表

跳至頁

查看: 7845 | 回覆: 45

12 3

積分: 24432

2024年龍年勳章

1^#

發表於 20-6-2 18:56 |只看該作者 |倒序瀏覽 |打印

32歲的高海寧（高Ling）與44歲的前無綫音樂總監鄧智偉的緋聞傳足5年，據知，最近鄧智偉捲入桃色糾紛，但女主角不是高Ling，而是一名25歲的圈外女子K小姐（化名）。鄧智偉於今年2月到警署報案，稱遭一名女子恐嚇，但至今未有人被起訴，《蘋果》向警察公共關係科查詢，獲電郵回覆：「深水埗警署於2月18日接獲一名44歲男子報案，指他與一名女子因感情問題爭執，其後被她以言語恐嚇。警方經初步調查，拘捕一名25歲女子，涉嫌刑事恐嚇。她獲准保釋候查，於5月中旬向警方報到，案件由深水埗警區刑事調查隊第七隊跟進。」

《蘋果》日前聯絡到涉案的K小姐，相約在觀塘一大廈內接受訪問，身材嬌小的K小姐年約20餘歲，透露自己是單親媽媽，去年3月經做演唱會幕後朋友介紹認識鄧智偉，飯局後鄧主動找司機接載離開，雙方交換微信，不久便開始交往。她聲稱兩人於去年3月拍拖，今年1月分手，反面收場。

K小姐提供了多張與鄧智偉的微信對話截圖，指鄧智偉為人小心，拍拖期間從來沒有影過合照，但男方好識冧女，每日早晚都會在微信噓寒問暖，講「good morning」和「nitz」。去年5月，鄧智偉與高海寧突傳婚訊，當時高Ling回覆傳媒：「得啖笑！」K小姐為此多次以短訊質問男友：「咁係因為個八婆5月話結婚」、「個bxtch否認結婚，但冇否認同你拍拖。」等，鄧智偉起初都有O氹K小姐送攬攬公仔，後來疑嫌太煩，留言：「I didn't marry」、「But I have plenty girlfriends」，K小姐嬲爆回覆：「我覺得你好污糟，同咁多女人上床，同我唔用套。」鄧智偉亦不客氣提分手：「頂唔順可以bye」。

K小姐表示鄧一直聲稱與高海寧沒有拍過拖，她說：「佢實牙實齒話冇嘢，係記者亂咁寫，佢同樂瞳就真係拍過拖，鄧智偉覺得高Ling幫到佢，唔介意呢段緋聞繼續寫，博見報之嘛，佢仲話自己呢世都唔會結婚，因為冇錢。仲成日講到自己好多女朋友，但我上過佢屋企，裏面一啲女人嘢都冇。」鄧智偉和高Ling早前被發現取消追蹤對方的IG賬戶，K小姐稱是她的主意：「我好嬲，次次發脾氣，就迫佢取消關注。」記者問可覺得鄧智偉一腳踏兩船？她帶點猶豫說：「我唔知呀...我最近諗都覺得係，但鍾意都要信佢。」

鄧智偉近年轉戰北京發展，曾向K小姐透露公司陷財困，加上分隔兩地最終分手。K小姐曾想過挽留感情，但從K小姐提供的微信截圖可見，鄧智偉非常決絕，曾爆粗問候女方：「你X母，阻我工作，一定要死！」K小姐聲稱有報警指遭鄧智偉發死亡恐嚇，但未被受理，反而被警方以涉嫌刑事恐嚇拘捕，記者為此多次追問因由，她解釋：「佢惡人先告狀，口同鼻拗！我而家都踢咗保，但警方未畀番部電話我，話要再查。」她稱曾有人致電其公司指她被通緝，公司逼放無薪假，最終決定自行辭職，K小姐覺得好受委屈，所以才爆內幕。

《蘋果》聯絡鄧智偉求證，但沒有回覆。