吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 5年追B+搵命博生產記錄（極長文）

懷孕前後今日: 8|主題: 330522

收藏本版

發帖

返回列表

跳至頁

查看: 6952 | 回覆: 41

5年追B+搵命博生產記錄（極長文） [複製鏈接]

12 3

candice0088

大宅

積分: 2304

2018復活節勳章

1^#

發表於 20-6-16 20:12 |只看該作者 |倒序瀏覽 |打印

生左2個細路既我，5年前我會覺得生囝咋嘛？！好似生瘡咁話咁易啦，想要多一個，唔避孕實好快中，事實比我好易有又係咪應份生得出。原來真係唔係，5年前我生完2胎後，因為大囝同二寶相差太多年。亦覺得自己經濟能力，環境各方面都可以生3胎，想比二寶多個伴，生完二寶後已經密密再造人，一開始我玩排卵紙、口水放大鏡（睇口水有無結晶判斷排卵）觀察分泌有無拉絲，係有中過但又化學過，仲要變到50日先來一次M, 覺得身體好似唔正常，就去搵婦科抽血做一次檢查，醫生話我荷爾蒙失調，皮質醇偏低，亦有卵巢多囊症。不過唔係好嚴重。。佢話唔減肥佢係唔會幫我打排卵針，當時我覺得難

0 0 0

私人傳訊

candice0088

大宅

積分: 2304

2018復活節勳章

2^#

發表於 20-6-16 20:15 |只看該作者

回覆樓主:

以置信，畢竟自己都生過兩個，但報告係唔會呃人，我唯有上網睇下有咩食療，維他命去改善下，我就睇到肥胖好影響荷爾蒙分泌，做運動亦可以改善體質，的确自己生完第二胎後肥左30磅都無減過，因為諗住追3胎梗係生埋先減，無諗過肥係會影響咁大。跟住我就開始減肥跑步，每天跑1小時。再加上食左聖潔莓，m由50日變番30日來一次。調理左2年幾終於有左，歡天喜地等到6週私家已照到有心跳，但一直有流啡，要去政府早期妊娠科跟進，8週再入政府照已無心跳。果刻真係好傷心，雖然我有兩個細路，但呢胎我努力左好耐，亦係我人生第一次小產要去做藥流，醫院幫我塞左藥就比我番屋企，回家第

私人傳訊

candice0088

大宅

積分: 2304

2018復活節勳章

3^#

發表於 20-6-16 20:16 |只看該作者

回覆樓主:

一曰都好多血，40cm 長既m巾可以換完一陣又換。企一陣都覺得好暈，全日休息下第二日少左啲。但仲未排到醫生所講既組織，夜晚食飯前去廁所未除褲已經覺得個肚好痛，突然有一舊野我一除褲跌左出來。我都未反應得切佢已經跌左落地，地下，大肶，我手，成地都沾滿血。我果刻情緒忍唔到咁爆發，我企響廁所喊，我先生就衝入來，見到成地血又無著褲又失控喊既我即刻攬實我，幫我清潔左啲血，用左個盒仔入起左一舊灰色既組織。應該係bb了，醫院話要帶番比佢地，但我無咁做到，我將佢葬左響我家既盆栽度。跟住我飲左月安補就當坐左月。小產後我無再玩排卵紙，我專心工作，加上新工我好忙

私人傳訊

candice0088

大宅

積分: 2304

2018復活節勳章

4^#

發表於 20-6-16 20:18 |只看該作者

回覆樓主:

老闆又好睇重我。我慢慢就忘記追3胎一切隨緣，點知番左2個月我發覺m無來，我又驗到有左。個心係開心但同時亦帶更多恐懼。畢竟小產既情境，心情仲係記得好清晰，但我無辭到職繼續工作，只係lightduty，不過一直流血上司好好就叫我停薪留職等我生完再繼續番去工作，咁我就一直產檢，休息，一直都好順利，直到我13週我鼻敏感好嚴重，演變成鼻豆炎，右邊面勁痛。。我就去睇耳鼻喉專科，醫生比左7日抗生素，係孕婦都食得。我食晒藥好左。到我15週去產檢發覺bb 細左2週。。到我19週再去照, bb心跳已停左。size 停左響15週。當醫生話bb無心跳後我根本接受唔到直頭坐左起身唔想佢再照。我走左出

私人傳訊

candice0088

大宅

積分: 2304

2018復活節勳章

5^#

發表於 20-6-16 20:20 |只看該作者

回覆樓主:

醫生房好勉強地等比錢。眼淚已經快忍唔住，但同自己講診所好多人望住。。點都忍到落樓下先可以喊。。最後我響地鐵站先真正咁喊，番到屋企老公同我一齊喊，幸好兩個細路仲未放學，平伏左心情，又要面對一次藥流，因為未夠24週都只可以在病床上排出來，都係一樣朝早塞藥，但今次佢唔比我番屋企，就叫我留一晚直到排出來先得，塞左藥後下午開始大痛，很快我就感覺有一大舊野想痾出來，感覺好實在，我就諗住衝去廁所，一落床bb就響我條褲管跌左落地下。。灰色有臍帶好似隻貓仔咁大隻，靜靜地仆轉左在地上，護士見到即刻扶住我叫同事幫我，因為臍帶在bb跌出時斷左。所以胎盤仲響體

私人傳訊

candice0088

大宅

積分: 2304

2018復活節勳章

6^#

發表於 20-6-16 20:22 |只看該作者

回覆樓主：

本帖最後由 candice0088 於 20-6-16 22:07 編輯

內，醫生要我用一個尿盤墊在底下訓，個盤令我股骨勁痛。但佢地都一定要我墊住，如果排唔出要刮宮，好彩最後都響護士幫助下排晒出來。
臨出院姑娘就問我地想唔想見bb最後一面。我同老公都希望同佢講再見。其實我當時已無再喊心情平伏左一曰，但當我見到佢著住件衫仔，帶住帽，訓響個籃裡，我再一次崩潰大喊。。我同佢講：媽媽無用，身體差帶唔到你來這個世界。媽媽應承你會好好休養，身體最健康時你再番來我身邊。我同爸爸等你。哥哥姐姐都等你。

因為上次小產週數更大，我就搵左中醫調理，調理左半年，幸運地2019年10月1日我再一次驗到懷孕，今次我心態更複雜，擔心，期待，緊

私人傳訊

candice0088

大宅

積分: 2304

2018復活節勳章

7^#

發表於 20-6-16 20:23 |只看該作者

回覆樓主:

張乜都有，每次產檢我手心都出汗，醫生每次唔出聲專心照既時候，我心跳勁快，我好怕佢同我講bb無心跳。果種恐懼一直到催生果日先停止。懷孕中期我更要面對妊娠高血壓，bb輕磅，腳細3週，肚細4週，我抱住關關難過關關過，每日我都同bb講，頂住呀，成家人都等你出世，我由一曰食3餐變成1日5餐，每餐勁高蛋白質，花膠、雞汁、牛排，雞蛋，媽媽奶，我每日都食，為左能夠5磅我食到嘔都要食，終於捱到醫生比催生期我，最後一次照bb都只有4磅。但唔緊要只要佢安全出世一定可以追番生長線，終於來到催生日，一開始非常順利，唔需要塞藥軟化宮頸，我直接落產房吊藥催生，上2胎都係順產既我

私人傳訊

candice0088

大宅

積分: 2304

2018復活節勳章

8^#

發表於 20-6-16 20:24 |只看該作者

回覆樓主:

其實對程序已不會陌生，一開始3ml 一小時，每一個鐘加double, 加到36ml 我還是無咩痛既感覺，我仲同護士講笑咁講不如加到48，佢咁細粒一下就生出來，一路仲同老公講產房應該要有電視機，好悶架嘛，突然周圍嘟嘟嘟咁響。護士話bb心跳跌，不過好快就升番，醫生即刻入來停左個催生藥，話要觀察一陣先，我以為個肚部心跳機甩左

私人傳訊

candice0088

大宅

積分: 2304

2018復活節勳章

9^#

發表於 20-6-16 20:25 |只看該作者

回覆樓主:

，唔係好收到bb心跳。停左藥一陣bb心跳一直好正常，醫生建議再重新放藥。不過要再由3ml1個鐘開始吊，我地繼續嘻嘻哈哈咁過左幾個鐘。不過我既陣痛開始有了。當陣痛大時我血壓更高。。又要停催生藥，醫生主動要幫我打無痛，降血壓藥仲要加多一次，怕我真係生既時候有危險，打完無痛下肢好似唔屬於自己，但血壓真係穩定好多。仲有少少覺得放鬆想訓覺，醫生再次開番催生藥，再一次由3ml 開始，但催生12小時如果都未夠3度就要開刀，當時再開番藥已經得番2個小時，醫生響最後半小時入來再探宮頸，因為我前2胎都順產，我真係唔希望開刀，我求佢比多少少時間我，佢探完宮頸後發覺我勉強開

私人傳訊

candice0088

大宅

積分: 2304

2018復活節勳章

10^#

發表於 20-6-16 20:27 |只看該作者

回覆樓主:

開到3度，比多4個鐘我嘗試，醫生再次將藥調到36ml 1 小時，心跳機再一次響bb心跳再跌，勁多姑娘，醫生衝入來，摸我肚，又拆又重新放過心跳機，有人就鍊住我手脈搏，因為bb心跳跌到接近我既心跳，大家都希望係部機測錯我心跳而唔係bb, 但一直都搵唔到過百既心跳。嚇到我都喊左出來，然後有姑娘就拎住個家用果種心跳機再揾，幸好搵番bb心跳，因為比佢地嚇一嚇，我唔堅持了，我直接同醫生講我開刀啦，醫生無出聲一直對住電腦打字，直至部機再響，醫生先話：唔好博了，開刀啦，所有姑娘再次忙起上來，有啲幫我著襪，有啲拆機，醫生比文件我簽，我老公本身落左去買床墊，番上來一臉漠然

私人傳訊

candice0088

大宅

積分: 2304

2018復活節勳章

11^#

發表於 20-6-16 20:28 |只看該作者

回覆樓主:

一臉漠然咁望住佢地做野，我同佢講我要開刀，佢都答我唔到野咁，一堆人快快手咁攪掂晒就搭lift上手術室，因為我係半麻開刀，老公都可以陪住我。我就好似被釘截字架咁訓響手術房。慢慢我膊頭對下更無知覺，更開始feel 到肚有拉扯，而且我覺得非常凍，個頭，嘴唇牙齒一直在震，震到我好吃力先可以講到一句說話，因為我從未做過手術我真係好驚會出事，我老公都好驚我出事。佢一路流住眼淚摸住我個頭，跟住突然聽到醫生講要call 唔知咩人。我當時意識好攰好似快要訓著咁，唔知點解我會響訓一刻同我老公講：我好愛你。跟住我無意識了。呢段後尾聽老公講番醫生話子宮傷口太大失血太多

私人傳訊

candice0088

大宅

積分: 2304

2018復活節勳章

12^#

發表於 20-6-16 20:29 |只看該作者

回覆樓主:

醫生call埋佢既上司來幫手，明明半個鐘但攪左個半鐘，打左枝止血針，好彩我都止到血，最終量過我流左2L 血，但無輸血，亦發現有個畸胎瘤，醫生果陣順便幫我割埋，當我模模糊糊又震緊時聽到一聲喊聲。。我知道我囡出世了，終於出世了，護士抱埋來比我老公抱住，老公抱比我睇。我地兩個感動到喊終於捱過左。。之後就係縫針，留產房觀察血色素，轉普通產後房，第一次落床去廁所勁痛，呢啲都唔重要。。重要係感恩個天能比我囡平安出世。。