吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 人．原來好化學生命．原來好脆弱

心聲留言今日: 0|主題: 17563

收藏本版

發帖

返回列表

跳至頁

查看: 3962 | 回覆: 21

人．原來好化學生命．原來好脆弱 [複製鏈接]

wing

伯爵府

積分: 18896

分享愛貓狗褓姆魅力公主好媽媽勳章醒目開學勳章 2011精緻種植勳章畀面勳章環保接龍勳章親子達人勳章

1^#

發表於 04-12-7 09:25 |只看該作者

人．原來好化學生命．原來好脆弱

心情好沉重..好似發左場夢咁...我過左一個非常唔開心既週末...

4/12 17:00

剛剛想行去巴士站搭車..電話響起..原來係我媽咪.."輝哥入左急症..好嚴重..可能唔得..我趕緊去"
收線後我即刻飛的左趕去...去到急症室見到亞媽..佢好徬徨..話問唔到輝哥係邊..於是我同佢去問D差佬..有個差佬帶我地去到急救室門口..佢話輝哥係入面急救緊..叫我地係門口等...
無耐有E生出黎同我亞媽傾..傾左好耐..亞媽擰轉身行過黎時..我已察覺情況並不樂觀.."E生話電擊左幾次都無反應..要我地做好心理準備"....
我真係再忍唔住...我喊左出黎...雖然佢並唔係我親生爸爸..但畢竟相處左十幾年..件事黎得太突然la...我根本無辦法去接受...
D時間過得好慢..我地不停係度等..等..等...真係希望有奇跡出現......

4/12 18:XX

E生終於出黎..同我地講"我地經過多次搶救..用盡所有藥物..可惜都係救唔到佢.."呢一刻...我個人好似崩潰咁...我見到亞媽望住E生個樣...係幾咁無助...我心好酸....點解會咁...

人..真係好化學...
生命....真係好脆弱...

之前一日仲見到佢龍精虎猛..有邊個會估到...一日之後會變成咁?????

心..仲有好痛...
眼淚..仲未流乾...想起從前種種..總係忍唔住喊..但又唔想係媽咪面前喊...我點都要撐住...其實個心好辛苦..

輝哥... 我好後悔從前無對你好...而家..你走左la..再講任何野都無用..你放心啦..我會好好照顧媽咪...

我地永遠都唔會忘記你.......

我而家最擔心既...係我媽咪...我真係怕佢捱唔住 :-(

私人傳訊

Michellemama

大宅

積分: 3494

2^#

發表於 04-12-7 09:28 |只看該作者

Re: 人．原來好化學生命．原來好脆弱

唔好咁難過,節哀順變. :-(

私人傳訊

andreaaaa782004

禁止訪問

積分: 30347

3^#

發表於 04-12-7 09:33 |只看該作者

Re: 人．原來好化學生命．原來好脆弱

提示: 作者被禁止或刪除內容自動屏蔽

私人傳訊

kako

複式洋房

積分: 398

4^#

發表於 04-12-7 10:20 |只看該作者

Re: 人．原來好化學生命．原來好脆弱

人人總有生與死，我們更加要珍惜還活著的人。妳要堅持，早日收拾心情，妳媽咪在這失去伴侶的日子，要多陪伴她，給她安慰，希望日子過去可以沖淡一點。保重喔！

私人傳訊

joycetsui

別墅

積分: 875

5^#

發表於 04-12-7 10:26 |只看該作者

Re: 人．原來好化學生命．原來好脆弱

[size=small]wing,
人...跟本真係好化學, 話走就走, 幾個月前我已經領略到!

令我又想起...:cry:
幾個月前我嫲嫲離開左我地, 記得佢之前都好精神, 只係健康時好時壞, 又點會預計到佢入左醫院後就冇再番屋企, 雖然佢由病至彌留果刻我都陪伴佢左右, 但係到呢家我都仲好掛住佢, 記得果朝早6點幾姑娘打電話黎, 話叫家人去醫院, 果日我好早起左身, 而且仲換晒衫, 我即刻第一個去到醫院, 其實我係好驚自己一個人去醫院, 我好怕嫲嫲走左...! 去到醫院, 嫲嫲眼睛緊閉, 姑娘話佢尋晚叫極都唔醒, 以佢地既經驗, 嫲嫲將會離開...我同嫲嫲講叫佢唔駛驚, 我黎左喇~ 之後我幫佢誦經, 而家人都陸續到醫院, 姑娘幫我地開一間獨立房俾我地陪坐嫲嫲, 到八點幾各人都有D肚餓, 我被安排第一批落去食早餐..., 我剛食完時電話鈴聲響起, 我老公叫我地快D上去病房...當上到去, 見嫲嫲雙眼睜開, 好似想講野, 但係講唔到, 我叫佢"嫲嫲...", 而爸爸叫佢放心走....! 我望住嫲嫲雙眼慢慢閉上, 接住透一啖氣, 呼吸亦慢慢停頓...8:45分, 佢就離開左我地, 記得家人大家協議左唔可以喊, 要俾嫲嫲安心咁離開, 但係我做唔到...我喊左出黎~! 我真係好唔捨得佢, 到呢家...我仲好掛住佢~!!

嫲嫲既離開, 令我覺得, 真係要"珍惜眼前人"

節哀順便... :cry:

Joyce

私人傳訊

markli

別墅

積分: 734

6^#

發表於 04-12-7 11:19 |只看該作者

Re: 人．原來好化學生命．原來好脆弱

是的，有時人真係好化學，令我想起好耐之前，我家姐和姐夫原本去旅行，但在出發前幾日，姐夫半夜突然心臟病發，就係咁就離開佐我家姐和兩個女，當時無人知佢有心臟病，去得真係好突然，姐夫去佐，可鄰我家姐要帶住兩個女得幾歲大，真係辛苦！
今時今日家姐生活都好開心，個大女都讀緊大學。

私人傳訊

wl1231

洋房

積分: 162

7^#

發表於 04-12-7 13:42 |只看該作者

Re: 人．原來好化學生命．原來好脆弱

又等我講下我既經歷, 我今年22歲, 我有一個哥哥, 佢大我五年, 佢不嬲身體好好, 但係佢響上一個月, 十一月二日開始病, 起初以為佢係腸胃炎, 過多幾日, 佢又唔退燒, 於是就送左佢去醫院, 入到醫院又未知道係乜病菌, 到左七號佢嚴重到入左加護病房, 之後就響十一月十日離開左我, 佢去既時候只有二十八歲, 果日仲係佢既生日. 事情到了今天, 我仲未可以接受, 但係事實就係事實, 唯有希望到有一日我既生命要終結既時候, 我可以在那一地方與他相見. 哥哥, 一路順風, 我會好好照顧自己同爸爸, 你係我既光榮!!

WING WING :lalala: ;-) 8-) :-D

私人傳訊

hidemode

大宅

積分: 3473

好媽媽勳章醒目開學勳章

8^#

發表於 04-12-7 13:51 |只看該作者

Re: 人．原來好化學生命．原來好脆弱

kako 寫道:
人人總有生與死，我們更加要珍惜還活著的人。妳要堅持，早日收拾心情，妳媽咪在這失去伴侶的日子，要多陪伴她，給她安慰，希望日子過去可以沖淡一點。保重喔！

私人傳訊

racar

子爵府

積分: 10379

9^#

發表於 04-12-7 18:06 |只看該作者

Re: 人．原來好化學生命．原來好脆弱

wl1231 寫道:
又等我講下我既經歷, 我今年22歲, 我有一個哥哥, 佢大我五年, 佢不嬲身體好好, 但係佢響上一個月, 十一月二日開始病, 起初以為佢係腸胃炎, 過多幾日, 佢又唔退燒, 於是就送左佢去醫院, 入到醫院又未知道係乜病菌, 到左七號佢嚴重到入左加護病房, 之後就響十一月十日離開左我, 佢去既時候只有二十八歲, 果日仲係佢既生日. 事情到了今天, 我仲未可以接受, 但係事實就係事實, 唯有希望到有一日我既生命要終結既時候, 我可以在那一地方與他相見. 哥哥, 一路順風, 我會好好照顧自己同爸爸, 你係我既光榮!!

真係好突然!

其實究竟咩事呢?

私人傳訊

sumsam0622

大宅

積分: 2194

10^#

發表於 04-12-7 21:21 |只看該作者

Re: 人．原來好化學生命．原來好脆弱

保重呀~~~

☆以上純屬本人立場☆

私人傳訊

遙遙爸爸

伯爵府

積分: 15089

11^#

發表於 04-12-7 22:35 |只看該作者

Re: 人．原來好化學生命．原來好脆弱

我有一個小學同學, 移左民去加拿大, 約十年前佢同孖生細佬一齊係唐人街比人搶頸鍊, 咁佢係後面追, 但係唔小心跌倒撞親頭, 入左深切治療幾日就去左....

另一個朋友係中學同學, 前幾年大家住同一屋苑, 年初三同佢拜年一齊飲茶. 年初八佢開車返工去機場, 途中爬頭撞燈柱, 咁又去左....

除左意外, 我身邊因病去既亦好多, 癌症已經帶走左我好多親戚, 最細兩個都係得十幾歲....

私人傳訊

wing

伯爵府

積分: 18896

分享愛貓狗褓姆魅力公主好媽媽勳章醒目開學勳章 2011精緻種植勳章畀面勳章環保接龍勳章親子達人勳章

12^#

發表於 04-12-8 09:09 |只看該作者

Re: 人．原來好化學生命．原來好脆弱

好多謝你地..其實我本身心情已平伏左好多..但我相信我媽咪仲需要多D時間..畢竟都相處左十幾年..

其實我自己親生爸爸當年都係咁..突然間暈低就咁去左..所以我媽咪今次會咁傷心..唉..都唔知個天係咪玩佢..兩個老公都係咁..一句都無留低就走左..

我尋晚帶yoyo去接亞媽放工..陪佢去巴士站搭車..叫做陪下佢LAW..唔係我都唔知仲可以做D咩..