吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 1-3歲› 求疫情下安排工人姐姐一打二心得

1-3歲今日: 1|主題: 19689

收藏本版

發帖

返回列表

跳至頁

查看: 4743 | 回覆: 12

求疫情下安排工人姐姐一打二心得 [複製鏈接]

leaf_jac

大宅

積分: 1033

1^#

發表於 21-1-7 17:53 |只看該作者 |倒序瀏覽 |打印

家姐 2.5 yr
妹妹 1.5 month

原先安排左家姐返N ，等佢上午放學下午訓晏覺。應該幾易應付。
疫情下，家姐無得出街放電日日困係屋企，仲要日日幫佢開機陪住上zoom 45mins...反而仲多左個負擔
搞家姐三餐 + 氹訓 + 陪玩已經好忙
仲要湊多個newborn

我放緊產假既呢段時間，日日都要全副精神幫手湊一個先搞得掂

如果復左工...好難想像工人點樣一打二
求心得

ps 我工人唔駛負責買餸煮飯。主要湊小朋友 + 清潔

0 0 0

私人傳訊

CCHINGC

子爵府

積分: 12137

2^#

發表於 21-1-8 10:08 |只看該作者

我個情況同你差不多，姐姐仲要煮埋飯，佢係應付到，大前提係佢係比較聰明，亦識變通，大個個小朋友識基本自理，同時你要求又唔好太高。

家姐 3 yrs
細佬 4.5 months

停課下家姐留係屋企，學校無zoom，而係拍左影片，d片就我放工先同佢睇。早上工人姐姐0630起身煮早餐，我老公會先餵細佬食第一餐奶，姐姐煮完早餐，就會接手處理細佬，細佬瞓左，就會放衫落洗衣機洗，再叫醒家姐換衫刷牙，整簡單早餐俾佢，家姐識自己食，然後自己玩，工人姐姐再餵細佬，餵完就曬衫，家姐會幫姐姐手，之後再一齊玩。

細佬瞓左，姐姐就煮午餐，之後同家姐一齊食，佢地係食同樣食物，唔需要分開煮，細佬扭計，姐姐會一邊抱住細佬，一邊食，食完俾d野細佬玩，姐姐就去洗碗，我個女自己玩，玩完家姐就午睡，姐姐餵細佬食奶，兩個瞓左，佢就去拖地洗廁所，再幫細佬沖涼，呢個時候約下午4時，我奶奶會過來，抱住細佬，姐姐就可以幫家姐沖涼，俾茶點佢，然後餵細佬。

餵完奶，我奶奶會睇住佢地，姐姐就煮晚餐，煮完晚餐，我老公同我已經返到屋企，我地陪個女一齊食飯，是但一個食完，就接手細佬，姐姐食飯洗碗，我地就一個睇細佬一個陪個女睇片做功課。

如果你無長老幫手睇，晚餐就需要外賣，但點都要煮俾家姐食，同時多左個小朋友家務都會多左，所以星期日姐姐放假，我地會自己洗多一轉衫，姐姐唔需要出街買野買餸，全部我地買。

私人傳訊

Nbs

水晶宮

積分: 65415

3^#

發表於 21-1-8 14:31 |只看該作者

CCHINGC 發表於 21-1-8 10:08
我個情況同你差不多，姐姐仲要煮埋飯，佢係應付到，大前提係佢係比較聰明，亦識變通，大個個小朋友識基本自 ...

Wow 你個姐姐好能幹(emoji)

私人傳訊

靛青女

大宅

積分: 3225

4^#

發表於 21-1-8 15:30 |只看該作者

回覆 CCHINGC 的帖子

真心一句，睇文字都覺攰

一湊二堅辛苦

私人傳訊

honeybid2

男爵府

積分: 8127

5^#

發表於 21-1-8 16:53 |只看該作者

CCHINGC 發表於 21-1-8 10:08
我個情況同你差不多，姐姐仲要煮埋飯，佢係應付到，大前提係佢係比較聰明，亦識變通，大個個小朋友識基本自 ...

真係好強。咁睇返。我屋企姐姐真係舒服到暈

私人傳訊

kaobebe

大宅

積分: 4816

6^#

發表於 21-1-9 06:25 |只看該作者

CCHINGC 發表於 21-1-8 10:08
我個情況同你差不多，姐姐仲要煮埋飯，佢係應付到，大前提係佢係比較聰明，亦識變通，大個個小朋友識基本自 ...

你姐姐好勁！

私人傳訊

leaf_jac

大宅

積分: 1033

7^#

發表於 21-1-9 13:21 |只看該作者

CCHINGC 發表於 21-1-8 10:08
我個情況同你差不多，姐姐仲要煮埋飯，佢係應付到，大前提係佢係比較聰明，亦識變通，大個個小朋友識基本自 ...

你個姐姐超班...

睇黎一打二起碼要兩對手先搞等掂？

長輩成日話我以前一個湊幾個都係咁...
究竟係點

私人傳訊

leaf_jac

大宅

積分: 1033

8^#

發表於 21-1-9 13:24 |只看該作者

CCHINGC 發表於 21-1-8 10:08
我個情況同你差不多，姐姐仲要煮埋飯，佢係應付到，大前提係佢係比較聰明，亦識變通，大個個小朋友識基本自 ...

我大果個仲要人陪玩氹訓
我唔想變電視放題

請問你姐姐幾點可以收工

私人傳訊

CCHINGC

子爵府

積分: 12137

9^#

發表於 21-1-9 14:04 |只看該作者

本帖最後由 CCHINGC 於 21-1-9 14:14 編輯

回覆 leaf_jac 的帖子

首先，你幾時放完產假？我個時仔仔兩個月半時，我先放完產假，頭一個月仲有請陪月，第二個月主要係我同姐姐一齊Handle兩個小朋友，而我個女開始返學，無錯，就係返左30幾日左右就停課，之後姐姐就要睇住兩個，原本如果我奶奶(住隔離座)唔得閒過來，我係諗住請鐘點幫姐姐煮晚餐同埋清潔，你經濟情況許可？因為真係唔係個個姐姐願意咁做，願意做亦唔代表做得唻，當然，我事前有同姐姐溝通過，而初期我奶奶係會唻得密d，老爺間中又會過來。
另一樣就要訓練大嘅小朋友自理能力同自己玩具，早係我懷第二胎前已經著手教佢，我姐姐開頭只係睇我大女時係好輕鬆，佢做家務、煮飯時，我個女會自己搵野玩，同時亦會同佢互動，我姐姐只要回應下佢就可以，宜家如果姐姐做緊野，細佬係BB床喊，我個女會走去同佢傾偈，拍下佢叫佢唔好喊，當然呢樣野又係要一早灌輸。

另外，屋企設計都有幫助，細佬係瞓BB床，而床係擺係廳，廚房無門，姐姐係廚房做野時，亦可以望到廳情況，同時叮囑姐姐唔用嘅話關上其他房門、廁所門，咁大個個只會係廳度玩，實望到，因為佢地呢個年紀最喜歡攪攪陣。

電視我一向無俾小朋友睇，宜家只有睇學校影片時，先會睇電視，所以我個女唔會扭睇電視，除非絕無他法，否則唔建議用。

晚上儘可能俾姐姐早D休息，BB夜更由父母去睇，咁姐姐精神會好D。

仲有一樣，如果姐姐要煮晚餐，儘量安排佢煮D簡單D，例如蒸魚、炒菜芯，D新款菜式就儘量唔好安排呢段時間俾佢學，係我生之前，姐姐起碼掌握20道中國菜，宜家就loop住來煮，重點佢仲要係煮得好食嘅

私人傳訊

kayi_jo

別墅

積分: 563

10^#

發表於 21-1-11 09:13 |只看該作者

leaf_jac 發表於 21-1-7 17:53
家姐 2.5 yr
妹妹 1.5 month

同你情況差唔多～
哥哥2.5y
妹妹3.5m
我已經復左工，姐姐一打二冇長老，姐姐由哥哥出世前已入屋，一手湊大，哥哥都肯聽姐姐話，但自理能力偏低，唔肯自己食飯，未戒片～
姐姐唔駛煮大人早餐，我起身就會交妹妹俾佢，哥哥本身都係同我地房，基本上我地起身佢就會起身，起左身我沖一支奶俾佢，之後佢食完自己玩/去姐姐房兒童床繼續瞓～
我地出左門姐姐先開始開機洗衫、吸塵拖地，期間我仔一係仲瞓緊，一係睇電視，如果妹妹要食奶，佢會暫停清潔餵奶先～大約10:30am姐姐做晒家務會食早餐+整少少俾我仔食，食完我仔自己玩玩具，姐姐收衫+晾衫，