其實男女都有更年期，大家都唔想，但奈何冇得控制，要嚟就嚟，身體變化令人心情煩燥，年紀又去到咁上下，份工又去到咁上下，父母年紀大問題多，屋企嘅麻煩嘢又一件接一件，換句話講就係生活壓力加身體機能不如前，不自覺就會脾氣唔好，當事人自己點面對好關鍵，家人幫手配合至有出路。
我屋企果個有段時間情緒好差，加埋當時老爺病，佢一日喺屋企只想瞓唔想郁，脾氣又差，成日見佢都好煩躁咁，我驚佢有情緒病，要佢去睇醫生，佢個醫生話呢種叫中年危機，亦即係更年期，解決方法就只有面對，可以開抗抑鬱藥，但最終都係靠自己，老公話唔食藥可以點? 醫生叫佢返去如常返工放工，如常生活，總之夠鐘就起身，夠鐘就瞓覺，多D運動，多D出去晒下太陽，唔開心就同老婆仔女傾吓。而家佢接受咗自己年紀唔細，有D嘢在所難免，有時都發脾氣架，咪由得佢發完再醒佢，我已經提佢：你今日咁樣，第時到我，你就咪話我發顛，我今日受嘅，你一定會受番晒，我可能更顛。
花旗太太生活在花旗國，留意時差，你問我未必即時答到。
發表於 
真係好難頂！請問有冇高手教下點可以相處到？
嗰陣，你試吓效法我頭像中嘅動物，企（企喺度）鵝（哦哦哦），到咁上下佢鬧夠就會停。
返回列表
