3歲或以上今日: 0|主題: 8855

收藏本版

發帖

返回列表

跳至頁

查看: 4778 | 回覆: 2

孩童教養問題，比你地，你地又會點教？ [複製鏈接]

shanshan886

民房

積分: 22

1^#

發表於 21-1-29 23:20 |只看該作者 |倒序瀏覽 |打印

今日行商場，見到有個目測三歲嘅細路女，張佢樽水灑落地下
媽媽同婆婆追住佢，阻止佢，佢即時大喊
之後，兩個家長，即時又抱又呵，又抹眼淚
絲毫冇諗過要抹反啲水
我拎紙巾岀黎抹反乾，兩個家長都係得個睇字！

如果大家係呢個媽媽，你會點做？
會唔會氹反自己個小朋友先？
會唔會鬧佢？
會唔會唔比佢喊？
會唔會叫佢清潔反？
會唔會要佢道歉？

以下係我個人一直堅持嘅做法，呢五年都係咁
自己做嘅事，必須要自己負上責任
要喊，我係唔會理
要認清件事錯係邊
如果上面件事發生，我會第一時間，問佢拎反個樽
佢要喊，我會揀個唔阻到人嘅位，比佢喊
同佢講，慢慢黎，想喊就喊岀黎先，喊哂再講
期間小眼神接觸
一，要比小朋友發洩反情緒
二，比佢知，我地唔受呢套，喊都冇用
喊哂，就係問野環節
點解喊？
點解想咁做？
此問，幫助家長去了解自己小朋友
其次，我會問
記唔記得之前跌親/如果你自己跌親會點？
會唔會痛？
咁如果啲水係地下，人地行過，跌親，會唔會同你一樣咁痛？
如果屋企週圍都濕哂，好似個地下咁，你會唔會舒服？
咁啲人見到地下濕哂，會唔會好似你咁，咁唔舒服？
呢啲問題都係幫小朋友去理解，點解件事唔做得
做左會點樣？幫佢地去體諒人地感受
最後一定要承認過錯，道歉清理

我想分享，係因為我覺得小朋友中英數好，不如家教好
呢啲野係自細教岀黎
我唔係話咁教就一定岩，適合自己小朋友就得
但如果唔教就萬萬不能
個細路女生得好可愛，眼大大，白雪雪
如果變成港女會點？
我見兩位家長，當佢一喊，就呵反鍚反
一係就Stop佢喊，越stop 就喊得越大聲，
最後又抱住呵反
歉唔使道，連幫佢清潔左都唔使thank you
我行埋去忍唔住岀聲，
我真心想佢地明白，生得就有責任教
唔好等遲啲先後悔冇教

純分享，都可以分享下你地教小朋友嘅心得