心聲留言今日: 0|主題: 17522

收藏本版

發帖

返回列表

跳至頁

查看: 13624 | 回覆: 4

心酸 [複製鏈接]

nalinacc

男爵府

積分: 5353

1^#

發表於 21-4-3 14:05 |只看該作者 |倒序瀏覽 |打印

本帖最後由 nalinacc 於 21-4-3 14:52 編輯

細個聽屋企人話阿爸有買保險俾我地，果時記得我媽話第時會有錢攞返，到呢幾日我問返我媽。
阿爸係咪有買份保險俾我。阿媽話已經買完啦。我問佢咁係咪以後會有錢拎返。佢話無。
跟住阿媽話供完就咩都無。其實當我聽到咁，心入面都已知咩事。
明明以前成日聽到佢地話我同我媽果份供完，講得「供」都會有儲蓄，點會咩都無。大概應該係佢地同我供完後就拎走舊錢。其實我聽完真係好心寒。
由細到大，我爸媽都對我孤寒。
咁樣我寧願佢當初唔好在我面前話同我買保險。咁樣我仲覺得無咁心寒，
可能大家會話我做咩要貪佢地啲錢
實情佢地咩都同我講錢。
結婚當天我印象最深刻既就係

0 0 0

私人傳訊

nalinacc

男爵府

積分: 5353

2^#

發表於 21-4-3 14:10 |只看該作者

阿爸話我：你結咗婚睇你都唔會俾家用俾屋企。呢句我永世都唔會忘記。
成日聽到啲人結婚果陣。父母都會抱住個囡喊，唔捨得。我完全無呢啲場面。
講真同阿媽住果陣，佢都一直想趕走我。成日趕我快啲嫁。
在家就成日俾佢罵，折磨。到成廿歲仲俾我爸打過。
我一出黎返工一直都有俾家用。試過返份工，人工幾好，出到2萬，我都俾一萬俾我媽。呢樣我都知道父母養育恩。
細個一做錯事就是俾媽打，罵（阿媽無做野）其實我寧願佢出去返工，我無咁慘。佢成日將啲氣發在我身上。跟住果時阿爸一個返工搵食（返地盤）阿媽一返黎就同阿爸告狀。阿爸就會返黎打我。
我仲有個阿妹

私人傳訊

nalinacc

男爵府

積分: 5353

3^#

發表於 21-4-3 14:19 |只看該作者

回覆樓主：

本帖最後由 nalinacc 於 21-4-3 14:21 編輯

我媽本身想追仔，但最後又生到囡。
如果生左仔，我諗我在屋企完全無地位。
我媽開頭喊，話唔係仔。
但後來慢慢接受阿妹係囡。之後佢地就非常錫佢。當然阿妹我都錫佢，不過見我妹都俾佢地寵到。。。而家都會黎話我，批評我。阿妹讀緊U,阿媽佢地覺得好驕傲。
我去到16歲就堅持唔想讀書。在咁既家庭下，我寧願想快啲出黎搵野做。因為我細個佢地基本無咩俾零用錢我。我到16歲後大部啲錢都是用自己，讀書都係。
而阿妹學費都是阿媽佢地出，佢地非常肯洗錢俾我妹，又買APPLE 既電腦，又俾好多零用錢佢。阿妹返兼職可以俾$500家用，而家我當年16歲出黎返KFC,俾左我媽$500

私人傳訊

nalinacc

男爵府

積分: 5353

4^#

發表於 21-4-3 14:24 |只看該作者

回覆樓主：

本帖最後由 nalinacc 於 21-4-3 14:29 編輯

我阿爸仲走黎話我做咩唔俾家用阿媽。
以前我玩一下電腦，拎住部電話就俾人罵。話我識享受。

果時我買樓爭少少錢首期，想問我媽借，可能爭幾萬，佢話無，擺左定期拎唔到，咁我就唯有揀間好細啲既地方買。買完諗住開心帶我爸去睇，佢仲話淨係得咁咋。我自己出首期，還可以點，老公負責供。我都想買大啲架。
我父母對出面既人十分之慷慨，人地有需要借錢，佢地就肯借俾人。
連我果時辛辛苦苦去排隊想讀毅進（果時排好長隊，要出面暴晒）返去同我媽想讀，佢話我唔孝順。