Baby Kingdom - 親子王國 香港 討論區 › 首頁 › 懷孕前後› 早產雙胞胎經歷

懷孕前後

收藏本版
發帖
返回列表
跳至頁
早產雙胞胎經歷 [複製鏈接]

首頁
123

尾頁
   2
Mik0ka_1020


別墅

積分: 590


1#
發表於 21-8-19 19:30 |只看該作者
由今年2月中懷上第二胎，心情當然係好開心

記得係5w時流啡，有上胎經驗都知流啡係剛剛懷孕時好常見既問題，所以一直冇理，到6w6d仲有流啡就去急症室到照下，順手睇埋有閃閃未，當時只見到一個未有閃閃既胎囊，醫生安排左7w4d再去產科到照清楚，最後係7w4d照到兩個肚囊兩個閃閃，記得當時好驚訝，仲未接受到個事實，始終同老公都冇雙胞胎既基因，竟然咁幸運地懷上同卵分裂既雙胞胎
私人傳訊

Mik0ka_1020


別墅

積分: 590


2#
發表於 21-8-19 19:31 |只看該作者
Mik0ka_1020 發表於 21-8-19 19:30
由今年2月中懷上第二胎，心情當然係好開心

記得係5w時流啡，有上胎經驗都知流啡係剛剛懷孕時好常 ...

隨即晚上就開始同老公傾，因為我地由結婚及經濟上都打算係生兩個，當晚我地最後都冇結論，經過左一星期後，我地再傾返個問題，我地就開始討論兩個都吾要，減胎留返一個等等既話題，但最後我地都決定辛苦啲，兩個我地都要，始終減走邊個或者兩個都吾要我地都吾想
私人傳訊

mavis222


大宅

積分: 1307


3#
發表於 21-8-19 22:19 |只看該作者
Mik0ka_1020 發表於 21-8-19 19:30
由今年2月中懷上第二胎，心情當然係好開心

記得係5w時流啡，有上胎經驗都知流啡係剛剛懷孕時好常 ...

上天的禮物
私人傳訊

noodle_noodle


伯爵府

積分: 19472


4#
發表於 21-8-19 23:36 |只看該作者
Mik0ka_1020 發表於 21-8-19 19:31
隨即晚上就開始同老公傾，因為我地由結婚及經濟上都打算係生兩個，當晚我地最後都冇結論，經過左一星期後 ...

本帖最後由 noodle_noodle 於 21-8-19 23:40 編輯

bb們無問題點解要決定減胎嘅?兩個都健康做咩唔要?唔係咁容易有twins架

私人傳訊

Mik0ka_1020


別墅

積分: 590


5#
發表於 21-8-19 23:45 |只看該作者
Mik0ka_1020 發表於 21-8-19 19:31
隨即晚上就開始同老公傾，因為我地由結婚及經濟上都打算係生兩個，當晚我地最後都冇結論，經過左一星期後 ...

本帖最後由 Mik0ka_1020 於 21-8-21 00:37 編輯

之後就一直上網睇雙胞胎既併發症，收集多啲雙胞胎資料，到10w既時候就抽血驗panorama，報告出黎所有野一齊正常，仲知道係同卵分裂兩個都係仔仔

因為雙胞胎關係，所以政府跟得好足，每隔兩至三星期都會比期照超聲波，同樣地抽血都比一般產檢多

終於到12w係政府第一次產檢，照既時候醫生都話兩個係仔仔，發展各方面都正常，但始終仲係早期懷孕，所以都冇鬆一口氣，而我最擔心係最常見既雙胞胎輸血症…..

由政府一直照到20w都冇咩特別問題，終於到期待已久既結構係20w5d照，仲記得醫生講左一句個腦同心臟生得好靚，其他器官運作正常，咁岩兩個都照到吸啜果一刻
私人傳訊

Mik0ka_1020


別墅

積分: 590


6#
發表於 21-8-20 00:06 |只看該作者
Mik0ka_1020 發表於 21-8-19 23:45
之後就一直上網睇雙胞胎既併發症，收集多啲雙胞胎資料，到10w既時候就抽血驗panorama，報告出黎所有野一齊 ...

直到25w5d飲糖水，報告超出左0.1，所以中左妊娠糖尿，要每一星期篤兩日手指

之後一直落去既政府產檢一如既往冇咩特別事發生，醫生都一直話陀得好好，而我最擔心既雙胞胎輸血症醫生都話發生機率好微，而我以為可以鬆一口氣既時候……

到27w6d就係惡耗既開始，同樣地9:30入房照超聲波，突然A醫生照照下叫埋B醫生入黎研究，由於佢地一輪咀全部英文，我一句都聽吾明，不過都心知不妙，只係同我講佢地照清楚之後再慢慢講比我知，記得足足照左成個鐘，當日咁岩老公放假有陪我產檢，當醫生叫埋老公入黎聽既時候都知吾係小事咁簡單…..
私人傳訊

Mik0ka_1020


別墅

積分: 590


7#
發表於 21-8-20 00:39 |只看該作者
Mik0ka_1020 發表於 21-8-20 00:06
直到25w5d飲糖水，報告超出左0.1，所以中左妊娠糖尿，要每一星期篤兩日手指

之後一直落去既政 ...

醫生印左兩個仔仔既心臟照聲波圖比我地睇，細仔心臟出現左罕有心臟畸形（心室憩室），機率係20萬分之1機會，醫生隨即排期去啟德兒童醫院心臟科醫生到照清楚，我同老公一心都諗照結構都話冇事，一切落黎都正常，應該醫院照錯姐冇問題既…….

兩日後去啟德醫院再照，同樣照左一個鐘，照哂再去醫生房坐底傾，心臟科醫生都確定左細仔心臟的確有問題，而香港冇病例，所以醫生都係睇文獻解釋比我地知依個係咩病，出世後要點處理各樣
私人傳訊

Mik0ka_1020


別墅

積分: 590


8#
發表於 21-8-20 00:53 |只看該作者
Mik0ka_1020 發表於 21-8-20 00:39
醫生印左兩個仔仔既心臟照聲波圖比我地睇，細仔心臟出現左罕有心臟畸形（心室憩室），機率係20萬分之1機會 ...

之後變左一星期兩次產檢，婦產科及心臟科分別各一日，連續兩星期心臟問題都冇咩變化，只係婦產科及心臟科既建議令到我地有些少矛盾….

因為始終雙胞胎關係，婦產科都擔心會吾會影響大仔，所以問我地會吾會選擇30w 32w 34w就開刀提早出世，但心臟科就認為一路照都冇發現問題變差左，所以建議我地36w足月先開刀，因為心臟科醫生都擔心太早出世，細仔咁細個用藥方面會太少，所以我同老公收集左兩方面意見，傾好左打算32w/34w開刀，免得夜長夢多，同醫院傾好左32w再照既時候冇問題就押後到最遲34w開刀…..
私人傳訊

Mik0ka_1020


別墅

積分: 590


9#
發表於 21-8-20 01:06 |只看該作者
Mik0ka_1020 發表於 21-8-20 00:53
之後變左一星期兩次產檢，婦產科及心臟科分別各一日，連續兩星期心臟問題都冇咩變化，只係婦產科及心臟科 ...

之後我地想隔日就返醫院駁心跳機，一直睇住情況，醫院都好配合我地，除左照超聲波外，再比隔日期我地駁住心跳機

就係30w6d，第一次返去駁心跳機就出事，細仔心跳好弱，之後再照超聲波，見到細仔點照都冇郁，肺有小積水，醫生建議即時開刀，我一聽到即刻要開刀提早拎兩個仔出黎我比吾到任何反應，淨係訓係到驚到震哂，之後護士叫老公入埋產檢房，佢見到我震哂都驚埋一份，始終一入到黎眼見5個醫生商量緊，7個護士幫我換手術杉及整理文件，當刻我做吾到任何選擇，由老公親口同醫生講相信醫生決定即刻開刀，所有手術細節我都聽吾清楚咁簽哂名…..
私人傳訊

Mik0ka_1020


別墅

積分: 590


10#
發表於 21-8-20 01:07 |只看該作者
Mik0ka_1020 發表於 21-8-20 00:53
之後變左一星期兩次產檢，婦產科及心臟科分別各一日，連續兩星期心臟問題都冇咩變化，只係婦產科及心臟科 ...

本帖最後由 Mik0ka_1020 於 21-8-20 23:16 編輯

一入到產房，第一下就打左一針強肺針，之後就立刻入左手術室，係我咩都未準備下已經被全身麻醉，印象中生完個半小時左右醒左，當然第一時間係問bbs情況，記得護士同我講哥哥醒出黎有喊而細佬完全冇喊過，之後醫生走過黎同我講手術好成功叫我休息下，但bbs就去左nicu，而且細佬情況危殆，試問一個媽媽知道自己個仔危殆點放心休息，當刻我只能默默祈禱求神…..

過左1小時左右，終於可以去產後房，被推出產房果刻聽到老公同其他親人講bbs過左危險期，佢地穩定返，當堂安心哂，入到產後房終於可以休息了…..
私人傳訊

Mik0ka_1020


別墅

積分: 590


11#
發表於 21-8-20 23:30 |只看該作者
Mik0ka_1020 發表於 21-8-20 01:07
本帖最後由 Mik0ka_1020 於 21-8-20 23:16 編輯

一入到產房，第一下就打左一針強肺針，之後就立刻入左 ...

第二朝老公打比我，兒科醫生想見父母傾下細佬既情況，係未見醫生之前，老公向我坦白，原來細佬出世到依家郁都冇郁喊都冇喊過，仲係危殆中，出世既時候已經心跳吾穩定，要進行搶救，仲話出世後幾個鐘後有機會離世，由於要係大髀種豆比藥，醫生話有機會冇左隻腳等等…..

一聽到種種話細佬情況好危險，我就隨即慢慢爬落床，但由於產後未夠24小時，醫院吾比落床，所以要姐姐推輪椅去nicu…..
私人傳訊

Mik0ka_1020


別墅

積分: 590


12#
發表於 21-8-20 23:42 |只看該作者
Mik0ka_1020 發表於 21-8-20 23:30
第二朝老公打比我，兒科醫生想見父母傾下細佬既情況，係未見醫生之前，老公向我坦白，原來細佬出世到依家 ...

見到醫生既時候，第一句細佬情況係危殆有生命危險，由出世冇郁冇喊再加上冇痾尿腦電波較弱，種種跡象加埋醫生講左一句會盡力去醫細佬，但吾好期望太高，就算醫得到都要有心理準備細佬都吾會係一個正常小朋友，作為媽媽只係諗吾正常就吾正常，都吾想冇左細佬

同醫生傾完終於可以推得入去見細佬果一刻真係心如刀割，一個小小既身體全身部滿哂喉同插滿哂針，心情真係難以形容，再見埋哥哥，始終都係一個早產bb，同樣地插哂喉插滿針……

見完兩個仔之後，只係諗兩個仔仲打緊仗既時候我仲可以咁安心休息，返到產後房只能祈禱求奇蹟出現…..
私人傳訊

Mik0ka_1020


別墅

積分: 590


13#
發表於 21-8-20 23:54 |只看該作者
Mik0ka_1020 發表於 21-8-20 23:42
見到醫生既時候，第一句細佬情況係危殆有生命危險，由出世冇郁冇喊再加上冇痾尿腦電波較弱，種種跡象加埋 ...

本帖最後由 Mik0ka_1020 於 21-8-21 00:11 編輯

跟住落黎既日子就係每日見醫生講哥哥細佬情況，哥哥情況都係預期之內變成穩定，而細佬情況一日比一日差，去到第4日我出院當日細佬都冇郁冇喊冇痾過尿，由於一直比營養液但一直都冇排過任何水份出黎，醫生都認定腎功能已經去到好差，所以身體一日比一日腫，當下我依然相信有奇蹟出現…..

去到第5日再去探細佬，我竟然見到細佬張片有藍色線，即刻問護士細佬係咪有尿痾啦，係咪腎功能慢慢變好，護士好好咁答我，細佬的確有尿痾，不過係好小好小，但我都即刻同細佬講由0到1都好叻叻，吾洗幫媽媽慳尿片錢，盡情咁痾多啲，探完之後滿心歡喜同老公講細佬好叻好有進步……
私人傳訊

Mik0ka_1020


別墅

積分: 590


14#
發表於 21-8-21 00:08 |只看該作者
Mik0ka_1020 發表於 21-8-20 23:54
跟住落黎既日子就係每日見醫生講哥哥細佬情況，哥哥情況都係預期之內變成穩定，而細佬情況一日比一日差， ...

本帖最後由 Mik0ka_1020 於 21-8-21 00:11 編輯

去到第6日醫生約左我地下午再傾下細佬情況，今次除左主診醫生仲有埋腦科醫生係到，主診醫生突然同我地講要有定心理準備，細佬有機會今日至未來兩日內會走，我即刻問細佬痾返尿吾係代表佢好轉咩點解會咁突然，主診醫生話雖然有返尿但極其量太小，所以現時吾係一個好狀態，而腦科醫生再照腦電波，已經比之前差了，如果照計現時腦電波圖黎計，兩歲以上已經被定位腦幹死亡，所以情況已經去到極差，醫生問我地會吾會進行舒緩治療等細佬吾洗太辛苦咁走，情況已經去到咁壞，所以我地決定舒緩治療，同樣傾好都可以去望一望細佬，再同細佬打氣，只要你吾放棄，媽媽仲相信奇蹟出現…..
私人傳訊

Mik0ka_1020


別墅

積分: 590


15#
發表於 21-8-21 00:21 |只看該作者
Mik0ka_1020 發表於 21-8-21 00:08
本帖最後由 Mik0ka_1020 於 21-8-21 00:11 編輯

去到第6日醫生約左我地下午再傾下細佬情況，今次除左主 ...

第7日醫生再約我地黃昏既時候見面，醫生同我地講睇得出細佬都想放棄，會吾會選擇拔喉係懷抱中攬住細佬走，當然我地真係講吾出口，明明仲有心跳做咩要拔走條喉逼佢走，所以我地決定如果細佬想走就等佢自然走，醫生都好尊重我地意見….

第8日下午再見醫生，大致上情況一樣講既野都係一樣，冇變好只係變差，記得昨晚臨走細佬心跳係140幾，今日見到已經跌到落90，心知係差吾多時間，即刻同老公飛奔出去買套靚靚杉比細佬著住走，點知係比錢果一刻醫院打黎情況好嚴重要即刻趕去醫院，去到已經見到心跳變為0…..
私人傳訊

Mik0ka_1020


別墅

積分: 590


16#
發表於 21-8-21 00:36 |只看該作者
Mik0ka_1020 發表於 21-8-21 00:21
第7日醫生再約我地黃昏既時候見面，醫生同我地講睇得出細佬都想放棄，會吾會選擇拔喉係懷抱中攬住細佬走， ...

依一刻我心信只有媽媽先會明白當期時既感受，醫院好好咁幫細佬著左我地買既靚靚套裝之後隨即比我地抱，攬住細佬果一刻啲眼淚流不停，同細佬講你好叻捱左8日，陪左爸爸媽媽8日，做左爸爸媽媽心目中既小戰士，我地為你驕傲，終於可以同其他小朋友去玩，吾洗再訓係到插滿針同喉，總有一天我地會係天國再聚……

醫院好好咁比我地同細佬影相及整手摸腳摸，仲有一小段時間比我地好好同細佬道別，道別過後就係送細佬落殮房，去到殮房門口強忍淚水say goodbye
私人傳訊

iamyiten


男爵府

積分: 8790


17#
發表於 21-8-21 00:51 |只看該作者
Mik0ka_1020 發表於 21-8-21 00:36
依一刻我心信只有媽媽先會明白當期時既感受，醫院好好咁幫細佬著左我地買既靚靚套裝之後隨即比我地抱，攬 ...

細佬好叻叻咁過左8日，祝福您快快走過傷痛，重拾心情照顧好自己同哥哥，加油(emoji)(emoji)支持您
私人傳訊

noodle_noodle


伯爵府

積分: 19472


18#
發表於 21-8-21 01:11 |只看該作者
Mik0ka_1020 發表於 21-8-21 00:36
依一刻我心信只有媽媽先會明白當期時既感受，醫院好好咁幫細佬著左我地買既靚靚套裝之後隨即比我地抱，攬 ...

對唔住，我之前仲以為你地唔想要兩個，我睇到喊到收唔到聲，我細仔出世時面黃要照燈我都喊左成晚，好明白你嘅心情
私人傳訊

Mik0ka_1020


別墅

積分: 590


19#
發表於 21-8-21 01:40 |只看該作者
Mik0ka_1020 發表於 21-8-21 00:36
依一刻我心信只有媽媽先會明白當期時既感受，醫院好好咁幫細佬著左我地買既靚靚套裝之後隨即比我地抱，攬 ...

事發到今日第5日，記得第2日知道細佬危殆既時候覺得佢要自己一個走冇爸爸媽媽係身邊照顧，加上十萬個吾捨得細佬，打算細佬走既時候都一齊走，但平靜過後再諗我仲有大囡同哥哥要照顧，吾可以就咁走左去，之後每一日都係到等奇蹟來臨…..

回想返依兩個星期都冇真真正正休息，每一日收到醫院電話都好驚係咪細佬要走啦，一電話響就有一種無形既壓力，又怕自己miss左任何電話，訓又訓吾安，食又食吾落，不停係到諗係咪自己食錯野？自己做錯事？定係冇聽產科意見30w開刀？明明抽血結構都話所有野正常，點解會咁？有無限個原因去怪責自己……
私人傳訊

Mik0ka_1020


別墅

積分: 590


20#
發表於 21-8-21 02:12 |只看該作者
Mik0ka_1020 發表於 21-8-21 01:40
事發到今日第5日，記得第2日知道細佬危殆既時候覺得佢要自己一個走冇爸爸媽媽係身邊照顧，加上十萬個吾捨 ...

當初知道細佬心臟有問題之後，醫生都有哂心理準備比我地，但當要黎既時候，幾早既準備都係冇準備，事後再同醫生尋找死因，但因為要解剖關係所以我地拒絕左，醫生都話做左廿幾三十年都未見過咁既情況，只能講大機會都係因為心臟問題有血塊上左腦同落左腎，就算咩原因都好我地都知係心臟問題，所以我地就由佢過去，吾想細佬仲要捱一刀去話比我地知….

經過今次終於知道懷孕既過程真係吾易，明明上胎好順利，所有野都合格又冇嘔行得走得咁，今胎只係腰辛苦啲同抖氣比較難，但原來一路走落黎仲有咁多關要過，我實在睇得太輕…..
私人傳訊


首頁
123

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見