想生BB 今日: 1 | 主題: 109454

積分: 317

1^#

發表於 21-9-7 14:15 |只看該作者 |倒序瀏覽 |打印

本帖最後由 chi429 於 21-9-7 14:18 編輯

本身想plan生小朋友，所以去左仁安度做生育body check。(因為距離上一胎都隔左好幾年，又試左半年未中。)
Check AMH出黎數字係正常（個report下面有taable對返正常AMH range），照埋超聲波兩邊卵巢都係10～12粒卵。Dr.Mo唔知係無睇清楚定係根據佢嘅咩經驗，一黎就話我AMH好高，同埋話我係多囊卵巢。同時，有照到一粒疑似瘜肉，但Dr Mo話好細粒好common ，可以暫時唔理住。

利申我經期好準，每個月都有經期。只不過每次經期偏長，大約10日先乾淨。所以我好震驚我竟然有多囊卵巢。然後Dr Mo就叫我先後做排卵監測同排卵後嘅黃體酮監測，全部value正常。即係我係有正常排卵（其實我本身都有用開排卵試紙，有LH深淺。）

我後黎有再一次拎返份AMH報告問Dr Mo，點解我所有PCOS特徵都無，但你覺得我係PCOS呢？佢話你「可能」係無咁嚴重嘅多囊。OK，你係醫生，我相信你嘅專業，咁我都唔再追問，我當係好似有人塊面生暗瘡，有d人生到爛面，有d人生一、兩粒咁理解。

於是就再進一步就係做輸卵管檢查，結果都係通的（謝天謝地）然後就問題黎喇，點解都係唔中呢。

但再覆診拎輸卵管報告時，Dr Mo就一黎話，下個月安排我做iui，我心諗（黑人問號？）我有話過要做咩？唔係應該可以開排卵藥先咩？

我同老公最後當然唔做，既然一切正常，咁自己再努力下啦。過左個月之後，我整理下之前做嘅檢查，發現自己一直遺漏左一樣嘢：先前照到嘅瘜肉。

我上網search下瘜肉同懷孕嘅關係，發現瘜肉原來都會影響懷孕，所以我決定再搵過第二位女醫生同我再檢查同照一次。一check之下，女醫生一睇我份報告同照完ultrasound 後，已經基乎確定我根！本！就！無！PCOS！

新醫生仲要好細心同我每邊卵巢數大約有幾多卵泡，而數量係正常的。同埋照到我的確有2粒瘜肉喺子宮腔，如果要懷孕就一定要先切左瘜肉先，因為胚胎好難會著床。而且懷孕機會會低一半，就算好彩著到床，都好易會小產！

我聽到之後真係極度忿怒！點解果個Dr Mo可以講嘅嘢完全唔同？而且佢當時明明照到我有瘜肉但係忽視佢嘅嚴重性，仲push我做iui，如果我照做左，咁嘅情況肯定會失敗/小產啦？

真係好失望！最離譜係我自從被Dr Mo判定為有多囊卵巢之後，日日夜夜都極度情緒低落，心裡有無數問號點解我會有呢個病？因為我真係從來一d特徵都無，因為我相信佢嘅專業，所以我覺得有問題嘅應該係自己。

點知原來自己嘅懷疑係無錯，所謂嘅經驗原來都係會斷錯症，仲要不問病人意向就話要幫人做iui，我講呢件事出黎想打算睇呢位醫生嘅準媽媽/女孩們，再三考慮下會唔會轉醫生，咁唔細心嘅婦科醫生真係令人極度失望！

0 0 0

私人傳訊

tshoyi

大宅

積分: 1506

2^#

發表於 21-9-7 17:27 |只看該作者

chi429 發表於 21-9-7 14:15
本身想plan生小朋友，所以去左仁安度做生育body check。(因為距離上一胎都隔左好幾年，又試左半年未中。)
C ...

仁安無咩人講的醫生就唔好選擇了
我令願等。。。

私人傳訊

積分: 317

3^#

發表於 21-9-7 17:47 |只看該作者

回覆 tshoyi 的帖子

係呀，真係得不償失

私人傳訊

Missjac04

積分: 744

4^#

發表於 21-9-7 17:51 |只看該作者

我同我老公都係上個月去左仁安搵毛醫生做body check
因為我揀個個係package 所以就一定要搵毛醫生去解釋份報告
因為我同我先生三年都未有小朋友所以就上網搵左仁安
岩入到去個陣時毛醫生係好好態度好詳細先解釋先生份報告
之後再到我個份
我先生份報告係非常唔錯
而我份報告叫正正常常解釋完一輪之後
因為我有甲高係遺傳但係我已經好返無食藥十幾年

私人傳訊

Missjac04

積分: 744

5^#

發表於 21-9-7 17:51 |只看該作者

毛醫生話最大機會係甲高叫我再抽多次血確認我係咪復發影響排卵其實我自己都知道甲高係有影響毛醫生仲叫我排完卵行完房返去覆診睇下到底咩原因點解到依家一直都未有
到最後佢竟然無啦啦問我會唔會做iui 或者ivf 我當堂打左個突
我心諗做乜要咁做？我話唔做之後佢已經有少少變臉

私人傳訊

積分: 317

6^#

發表於 21-9-7 18:26 |只看該作者

回覆 Missjac04 的帖子

哇！咩料呀？無啦啦又叫人做iui？點解唔係搞清楚原因先，而係一黎就叫人做iui呢？
唔怪得佢同我講話iui成功率得15%啦⋯⋯
咩原因都未搞清楚就叫人做iui⋯⋯錢真好賺

私人傳訊

Missjac04

積分: 744

7^#

發表於 21-9-7 21:39 |只看該作者

chi429 發表於 21-9-7 18:26
回覆 Missjac04 的帖子

哇！咩料呀？無啦啦又叫人做iui？點解唔係搞清楚原因先，而係一黎就叫人做iui呢？

最後我都無覆診

私人傳訊

積分: 317

8^#

發表於 21-9-7 23:23 |只看該作者

回覆 Missjac04 的帖子

我都係！再搵佢簡直浪費我時間

私人傳訊

smilechan865

積分: 153

9^#

發表於 21-12-18 23:29 |只看該作者

chi429 發表於 21-9-7 14:15
本身想plan生小朋友，所以去左仁安度做生育body check。(因為距離上一胎都隔左好幾年，又試左半年未中。)
C ...

聽你甘講，我都唸緊要唔要去搵他攞意見了

私人傳訊

kala0101

積分: 782

10^#

發表於 21-12-19 20:04 |只看該作者

chi429 發表於 21-9-7 14:15
本身想plan生小朋友，所以去左仁安度做生育body check。(因為距離上一胎都隔左好幾年，又試左半年未中。)
C ...

聽完你地咁講
我好慶幸當日仁安唔係派佢俾我

私人傳訊

icecocoa

大宅

積分: 2375

11^#

發表於 22-1-9 21:38 |只看該作者

這位毛醫生，我都領教過。我同老公上年年中打算從台北運胚胎到仁安，所以去咗見毛醫生，首先佢問左啲我覺得唔關事的問題，然後問我要唔要順便做檢查，由於我哋未決定係米真係找仁安，所以話唔做檢查住，佢即時變面，跟住我老公想問清楚植入的方式，佢就有點唔耐煩咁話「米就係放個胚胎入去，要做既野好少」，我哋走左之後，佢個姑娘重打電話來，話毛醫生建議我做婦科檢查。我問佢，其實胚胎係咪運到過來都未知，點解依家就要做檢查？！個姑娘只係話我高齡，做檢查比較好。我感覺係，我想要安排的事沒有正面回應，只是一味叫我做體檢。

私人傳訊

果果大大

民房

積分: 12

12^#

發表於 22-3-9 15:54 |只看該作者

chi429 發表於 21-9-7 14:15
本身想plan生小朋友，所以去左仁安度做生育body check。(因為距離上一胎都隔左好幾年，又試左半年未中。)
C ...

我也领教过.还是什么英国最高学历.弄了几个月促排一半说没卵.叫做iui我们自己走了

私人傳訊

babejess