心聲留言 今日: 0 | 主題: 17538

積分: 9348

1^#

發表於 21-9-23 14:06 |只看該作者 |倒序瀏覽 |打印

同老公結左婚5年，開頭試左兩年都冇小朋友，係19年年決定去試下做IUI，後來一check先知原來老公d精唔合格。
醫生叫我老公試下食d補充品睇下改唔改善到，三個月之後再返去check。
咁我老公即刻食醫生開d補充品，同埋勤左做運動。
後來5月尾我發現自己終於中左，果下真係有d難以至信，
記得當時發現遲左黎m，個人又好似作病咁，唯有買支驗孕棒check下，
本身都冇乜希望，因為之前三年遲左黎m都走去check，次次都係得一條線。
果朝4點幾醒左，心諗反正都醒左，早d驗，點知好快出左兩條線，
我即刻沖入房俾我老公睇，佢當時蒙蒙鬆鬆咁俾唔到反應，
我淨係記得佢咪住眼o左咀。

bingo左之後完全訓唔返，即刻睇下有咩程序要做，
第一次真係咩都唔識，係咁上網check野。
後來到9點即刻去私家醫生度開證明，就去預約通約政府，
又約埋自己睇開個婦科醫生做檢查。
唔知係咪心理作用，知道有左d作嘔作悶即刻出現。

d妊娠反應真係好辛苦，無時無刻都想嘔，又食唔落野，又成日頭暈。
開頭都冇同4大長老講住，點知6月頭有日我阿媽打俾我，
同我講鄉下二舅父走左，佢準備返鄉下叫我一齊返，
我雖然好想返，但個人真係好唔舒服，
唯有直接同阿媽講有左唔方便返去。
我記得阿媽聽到好開心，佢話有左就好有左就好。
收左線之後我忍唔喊，我二舅父對我好好，
以前返親去佢都會整我鍾意食ge野俾我食，
我真係好想返去送佢一程。

後來我地見都同左我父母講，咁都話埋俾我老爺奶奶知，
約左佢地出黎飲茶公佈喜訊。
果時我奶奶講我姑奶都有左，預產期早我地少少，姑奶仲叫奶奶去報讀陪月添。

到6月中我地先第一次做產檢，果時已經差唔多8週，
第一次見閃閃真係有D感動。
醫生話埋俾我地知之後咩時間要做D咩檢查，
仲話俾我地知預產期係2020年1月24日年三十。

懷孕期間我成日都覺得頭暈，個人好似好虛咁，
加上樓上冷氣晚晚滴水搞到訓得唔好，心情好差。
試過返娘家訓，點知黑仔到連係娘家都遇到冷氣滴水，完全訓唔到。
我記得有晚直情喊住打俾我老公講訓唔著，果晚走左出廳訓梳化。

7月中去左中環做T21，間診所設備好勁，
可以聽心跳同埋睇到BB個心ge血流，
醫生話好大機會係女仔。
隔左一個星期T21報告所有野都正常，同埋真係女。

知道左係女仔之後，我同老公晚晚臨訓都係度諗改咩名，
又係度諗如果個女年初一先出世，電視台做訪問講咩好

慢慢到左8月13日差唔多第17週去左私家醫生度做產檢，
醫生話BB好健康，大細都同週數符合，聽完成個人安心曬。
因為已經差唔多到中期，個人胃口好左，有返D精神，
就同老公行下商場同剪髮。

0 0 0

私人傳訊

積分: 9348

2^#

發表於 21-9-23 15:56 |只看該作者

8月22日哩日去聯合做產檢，
哩次要照胎心，我訓係床度見醫生拎住部好舊ge機係個肚度掃下掃下，
期間淨係聽到沙沙聲，因為第一次用機聽胎心，
我完全唔知究竟聽唔聽到bb心跳。
醫生掃左唔同角度之後就放低左部機，
跟住轉左照超聲波，仲叫左我老公入黎。
之後醫生就同我地講bb冇左心跳，
我當時訓左係床個腦一片空白，望住我老公喊左出黎。
果時我已經唔記得醫生同我講左d咩，我淨係記得自己係咁喊，
最後醫生約我地第二日入院做引產。
出左醫生房我都仲喊緊，我叫我老公約個私家醫生再去照，
我真係唔敢相信，明明一個星期前係私家檢查bb仲好健康，
點解一個星期後會冇左心跳。

我地搭的士出去，我一路係度諗哩個星期我做左d咩，
係咪我剪左頭髮，係咪我食左中藥，係咪我食左辣野，
一諗到我就忍唔住喊。
去到私家醫生度再照，佢話bb係冇左心跳，同埋個size比上次照細左，
即係bb係早幾日已經停左心跳同埋開萎縮。
醫生同我地講好多時哩D情況都搵唔到原因，但佢會寫張紙俾我地交去政府，
要求引產後拎個胎去化驗，同埋要驗D咩。

睇完醫生之後我心情都平伏左D，但我開始擔心要點同四大長老交代。
返到屋企老公幫我通知我阿媽，至於奶奶佢就未有通知到。
冇幾耐我奶奶打俾我老公問，原來我阿媽打左俾佢，
果晚奶奶即刻過左黎煮飯俾我地食，佢話會過黎幫我坐小月。

8月23日一早我同老公就出門口，我問老公好唔好幫bb改個名，
我話不如叫仁愛，哩個名我之前成日講笑同老公講要改，
老公聽到終於忍唔住喊左，尋日佢為左安慰我佢忍住冇喊到，今日終於都忍唔到。
我地入到去醫院做左D登記就等醫生黎幫我塞藥。
期間我老公入左廁所打俾同事交代哩幾日返唔到工，
我聽到佢喊住同個同事講我因咩事入左院，(我同老公同一間公司)
哩日我阿媽奶奶同老爺都有黎探我，我阿媽仲陪到我下晝先走。

朝早塞左藥一路都冇反應，直到下晝6點幾個肚越黎越痛，
我捉實老公隻手，之後FEEL到有野流出黎，老公即刻叫姑娘入黎。
好快個胎就出左黎，係出黎果刻我又忍唔住喊左，
我知道我真係要同bb講byebye，果一刻我唔再係孕婦。

引產完我個人好熱，全身出汗，又頭暈仲嘔，個人好辛苦。
係獨立病房休息左一陣就轉左出普通病房，
老公陪到我9點幾就要走喇。

第二日出院正式開始坐小月，好感激我奶奶肯過黎幫我。
而老公亦都拎左幾日假係屋企陪我。
引產完無耐，個胸突然漲奶又硬又痛，我完全冇諗過引產完會漲奶，
唯有去睇中醫睇下點樣退奶。
雖然我係人前表現都冇乜野咁，但其實個心好難受，
成日都係度諗點解我經歷陣痛係為左排出個胎，明明冇左個bb仲要漲奶。

私人傳訊

kenfung71

積分: 6300

3^#

發表於 21-9-23 23:05 |只看該作者

koizaki 發表於 21-9-23 15:56
8月22日哩日去聯合做產檢，
哩次要照胎心，我訓係床度見醫生拎住部好舊ge機係個肚度掃下掃下，
期間淨係聽 ...

對你們夫妻來說，新生命也許來之不易，可是...你們也應該體會到生命是如何脆弱，心跳一停，呼吸一停，生命就沒有了。

生是「死」的開始，走了....也是再生的開始....在你們的故事中，慶幸的事...新生命沒有承受太大痛苦就而離開.....

離開不會太痛苦，痛的...只是仍然在生存的人

但是....即使再痛再痛....我們仍然是要努力活下去啊.....

老實說...我也能感到你們夫妻之間的悲痛，但是...「生，老，病，死」仍然是沒有一個人能逃得過....

沒有太苦而離開....其實也是一份安慰.....

期待和希望，是每個人生存下去的理由....

既然你先生有得醫治，就不會絕望....只是需要你再辛苦了。

至於谷奶和陣痛，那是生理周期....不用刻意的悲痛，讓自己苦不堪言....

過去的就放下，前腳走，後腳放才能一步一步往前走....繼續自己人生旅程

正面一點，不要把悲傷放得太大

加油吧

私人傳訊

積分: 9348

4^#

發表於 21-9-25 15:04 |只看該作者

引產之後醫生只係開左半個月左右病假俾我，但我仲未做好心理準備返公司，唯有同公司申請放半個月無薪假。
每當我摸自己個肚個心就好似穿左個洞咁，
醫生宣布bb冇心跳，同bb出黎果下ge感覺我成日都諗起。
雖然冇宗教信仰，但我都係志蓮法會幫bb做左個牌位，
同埋係自然基金會用仁愛哩個名種左棵樹。
我希望可以為bb做返d野，
雖然佢黎唔到哩個世界，我都想佢可以以另一種方式出現係哩個世界度。

坐緊小月期間，我真係好想好想快d可以再有bb，
我同老公講不如去做ivf，因為我唔想再用三年去試自然。
經過左成個月ge資料搜集，我地決定去台灣愛群做ivf。
10月頭愛群係香港搞左個講座，我地都去左聽，
聽完之後就book左11月中去初診。

為左唔好成諗住bb ge事，我都順便諗下去旅行，plan下d行程分散下注意力。
好快黎到11月中，臨出發前一日黎m，估唔到可以咁啱初診係day2。

11月14日我地住長榮最早一班機去台灣，
掛左號之後等左一兩個鐘終於可以見到翁醫師，
去到我地同醫師講左我地ge情況，都帶左d報告俾佢睇，
翁醫師話其實我同老公年紀都唔算大，可以再試下自然，
不過佢知道bb無故胎停對我地黎講係影響到試自然ge信心，
佢建議我地做埋pgs，咁可以減少胚胎有缺憾ge機會，
之後佢講左開針ge流程，然後就叫我地出去驗埋血。
跟住姑娘就詳細講緊成個程序，就開埋d藥俾我地帶返香港。
拎埋藥走得都成下午6點幾，我地係台灣留左一晚就走喇！

因為我地plan左11月尾去旅行，所以等下個cycle先開針。
係準備做ivf之前去一轉日本放鬆下心情。

私人傳訊

積分: 9348

5^#

發表於 21-9-25 17:34 |只看該作者

到左12月中準備開針，哩個月m come竟然遲左，
搞到我個人好焦慮，因為如果再遲就會係聖誕節，
香港診所會放假，都時都唔知去邊度照卵泡。
好彩只係遲左兩三日，一黎m我就即刻同愛群仲有香港卓越聯絡，
約左第二日一早去照卵同抽血。
第二日下午有齊曬報告就sd去俾愛群睇，佢地覆我可以開針。
咁大個人真係未試過自己打針，我自己真係落唔到手，唯有交俾我老公打。
愛群day6報告後話應該會係28或者30號抽卵，但幾時就視乎day10報告而家，
仲叫我地唔好訂機票住。
因為28至30號果後時間係除夕前，係peak season，唔早d訂機票我驚連台灣都去唔到。
所以我地就book左27至30去台灣。
睇左day10 ge報告之後，愛群仲話要睇埋27號果日ge報告先確定到幾時抽卵，
最後我同佢地講我地27號果去台灣，book左果日係佢地度照同抽血。
搞左一大輪終於可以飛去台灣抽卵，上飛機果刻個人都覺得安心d。

回診ge時候翁醫師有講返初診ge驗血報告，
佢話我protein s有d低，到放胎ge時候要開始食亞氏匹寧。
27號照左卵泡後，就定左係30號抽卵。

到左30號果日我地一早就去左診所準備，
等左個幾鐘頭先去換衫，換左衫又等左一輪先入手術室。
成個過程我諗大概半個鐘左右，之後醒返都係床度休息左一輪先走得。
抽完卵就要等醫師開埋放胎前要用ge藥先可以走。
本身我地諗住下個cycle即1月份放胎，但因為要做pgs加上就黎農曆新年，
未必趕得切1月份放胎，唯有等2月份先返去放。

抽完卵第二日愛群就sd email俾我報告第一日胚胎狀況，
跟住第三同第五日都會俾報告我。
到第五日有2粒3bb同3粒3cb會拎去切片，其中三粒做pgs，其餘有1粒3CC同1粒2BB就會去做冷凍。
等左10日之後收到愛群 PGS報告，竟然話3粒都唔適合放胎，
仲叫我地盡快約個時間返台灣同翁醫師傾下。
我睇到報告之後晴天霹靂，我冇諗過3粒都得，
放工途中真係忍唔住喊左，唔通我地卵子同精子有問題，有咩可能3粒都唔得ga。
收拾心情後我先約左1月17號返台灣見翁醫生，同埋請佢地幫我將另外兩粒切左片ge做埋pgs。

私人傳訊

積分: 98867

2024年龍年勳章牛年勳章

6^#

發表於 21-10-2 11:20 |只看該作者

追....

私人傳訊

Elainelllam

積分: 8890

7^#

發表於 21-10-3 18:52 |只看該作者

回覆樓主:

追

私人傳訊

積分: 9348

8^#

發表於 21-10-4 12:44 |只看該作者

到左1月17日我地一早出發去台灣，見到翁醫師，佢俾返三粒PGS報告我地睇，報告顯示三粒胚胎都係第19對染色體有問題。
翁醫師都解釋唔到係點解，話如果我地擔心可以驗下基因，
不過暫時我地可以等埋另外兩粒PGS報告先，
如果都係唔得，就係放胎果日將D雪胎拎出黎做快速PGS，邊粒OK就放邊粒，
而家都係按照原定計畫2月中去放胎。
見完翁醫師我地都唔知可以點，唯有等埋果兩粒PGS報告點先。

係等PGS報告ge期間突然話內地有肺炎，果時都未有太在意，
點知到左農曆新年好多地方都開始限制入境，
我地即刻SD EMAIL去問愛群果便點，當時佢地話只係對大陸入境有限制，
叫我如常食藥，同埋提我係2月5日要去照子宮內膜。

成個新年我地都係度睇住新聞，keep住睇台灣入境措施，
搞到個人好緊張，好驚冇得入境，我仲打算提早一個星期去台灣，
因為驚去唔到放胎。
2月5日果朝去左照內膜，將D報告SD去愛群，下午就收到佢地回覆，
翁醫師話可以如常2月14日放胎，另外就話我另外兩粒報告出左，
話果兩粒係mosaic，放左胎有機會流產或者唔會懷孕，
叫我地放胎前再同翁醫師傾係兩哩兩粒定係放雪胎。

睇完佢地個email個心即刻沉一沉，另外兩粒都唔係最適合放胎，
其他果d雪胎都唔知放唔放好...
跟住最令我失望ge係，果晚台灣宣佈左對香港都限制入境，即係去唔到台灣...
愛群都sd左email提我停藥，等遲d開返關再同我地講返食藥ge安排。

去唔到台灣我地真係冇野可以做，唯有得個等字。
本身我食緊d雌激素藥會令我係2月停經，愛群話停左藥之後會係幾日後黎返，
點知我成個2月都未黎，到左3月sd email問下愛群咁樣係咪正常，
佢地話停左藥幾時黎經係因人而己，叫我擔心可以去驗下血。
後來我係3月10日寺左驗血，跟住佢地覆返我有卵生長緊，
要等多2-3個星期排卵先會黎M。最後終於係4月頭黎左M。

私人傳訊

積分: 9348

9^#

發表於 21-10-4 14:51 |只看該作者

本帖最後由 koizaki 於 21-10-4 14:51 編輯

本身以為個疫情好快會過去，點知又出現第二波疫情，我地都打定輸數都預冇咁快可以去到台灣。
既然去唔到台灣，我同老公都諗緊試唔試下自然，
但我地心入面都有D顧忌，
首先第一胎中期胎停check唔到原因，跟住台灣驗血又話我protien s低，
我地好驚係因為protien s低所以先引致胎停；
第二就係pgs有三個胚胎第19對染色體有問題，另外兩個又屬於mosic，
令我地都驚兩公婆個基因有問題。
因為以上兩個原因，令到我地遲遲都唔敢試自然，一直都避緊孕。

到左5月我地都唔想再估估下，拎曬d報告搵個醫生睇下俾d意見，
後來我地就約左之前幫我做產檢ge范醫生見下面。
見到范醫生，我地將哩半年做過ge野話俾佢知，同埋講出我地心入面ge疑問。
范醫生話佢對ivf同protien s冇乜研究，所以佢都俾唔到咩意見我地，
但佢可以寫封轉介信俾我地去搵李天照教授睇下，
佢話李教授而家係仁安幫人做緊ivf，佢可能解決到我地ge疑問。
咁啱仁安尖沙咀診所就係隔離，我地拎住范醫生ge轉介信就過去約睇李教授。
交左轉介信之後，下晝已經收到仁安電話約我兩日之後去見教授。

到左見教授果日，等左一陣就可以入房，
我地又係俾曬D報告教授睇，
佢睇完就建議我地做個基因測驗睇下有冇問題，
跟住就同我地解釋上次胎停會有咩原因影響。
仲同我地講埋之後如果去台灣放胎，建議我地唔好放果兩粒mosic，
佢覺得既然做pgs結果唔係咁好，無謂放入去，
因為放ge時候已經知道有機會流產，咁會好影響懷孕ge心情。
不如就係d冇做過pgs ge雪胎揀一粒放，俾個天幫我地揀。
之後我地問佢五粒pgs ge結果都唔好，咁仲試唔試自然，
佢話如果我地有能力就一定係自然好，因為每個週期排出ge卵子都係最好ge，
做ivf係打排卵針將所有卵子谷大，當中有d卵子唔一定係最好，
所以ivf d胚胎有缺憾係正常。
最後佢又同我地講關於protien s，話以我係台灣驗ge指數食亞士匹寧係唔夠，
佢建議我係香港再驗多次protien s，如果係低的話，懷孕開始就要打薄血針先得。

見完李教授我地心入面定左好多，亦都多左信心去試自然。
我地係仁安做左基因檢查同驗protein s，等到有曬報告之後就再去見教授。

私人傳訊

積分: 9348

10^#

發表於 21-10-4 15:50 |只看該作者

係6月頭我地驗左血，本身預一個星期左右有報告，等左一個星期得基因報告，protien s就仲未有。
到左6月發現又遲左黎m，仲有d作病，個胃仲頂住頂住，
點解好似有左咁ge感覺呢，但又覺得冇乜可能啊，
因為我地只係5月試左兩次，應該冇咁易中ga。
於是放工就買左支驗孕棒，第二朝一驗，兩條線！
我同老公都o左咀，因為上個月已經係過左排卵期先試，
我地完全冇諗過會中。

驗完之後我地本身諗住約李教授係7,8週左右先做產檢，
順便等埋果份protien s報告(唔想分兩次去，俾兩次診金)。
打去仁安約期ge時候，姑娘話教授建議我地早D去做產檢，
雖然5週幾未check到心跳，但都可以睇下有冇胎囊同有冇出血。
就係咁我地就約左6月20日去做產檢。
而家諗返好彩有提早返去做產檢，因為果日發現子宮有出血ge情況，
教授即刻開左d藥俾我塞，同埋俾左一個星期病假我休息。
果日去做產檢仲未有protien s報告，
教授建議我等子宮冇再出血就開始打薄血針，
佢話就算今次個protien s係正常，
但protien s指示一次低一次高咁唔穩定，打薄血針會好D。

休息左一個星期再去見教授，今次睇到子宮已經冇流血同埋都睇到閃閃。
教授講返protien s份報告出左，指數屬於正常，但好似上次建議我地打薄血針。
其實我地都可以揀唔打針，但因為上胎搵唔到原因，加上protien s低有可能影響個BB，
我地都決定接受教授建議開始打針。
因為我打ge劑量唔大，唔會影響到bb，如果排除protien s ge問題，我唔介意打針。
果晚返到屋企我就開始打針，雖然話唔介意打，但到真係要打唔知點解忍唔住喊，
諗到而家先第7週，起碼要打到20幾週先會停，都唔知要打到幾時。

私人傳訊

積分: 9348

11^#

發表於 21-10-4 17:18 |只看該作者

係驗到有左之後，我去左私家診所開懷孕證明，醫生話我個預產期係2021年2月11日，我一睇日曆，
即係起曬雞皮，係年三十，又係年三十！
我知道BB又返黎，揀返同一日出世！！
之後去做T21，姑娘話俾我知係BB女，
果下我同老公講我地個女又返左黎，遲左一年佢又黎搵返我地！

知道有左之後我地都好小心，係個胎陀穩定前，我地冇同任何人講。
直到T21報告一切正常我地先同我屋企人講，
同佢地講ge原因係因為我準備返娘家養胎，
廢事佢地見我成日返去住，以為我地婚變。

我地揀左係聯合產檢，第一次產檢之後，佢地就幫我約左睇婦產科內科，
原因係我本身係瑪嘉烈睇開內科，所以聯合都要安排個內科去跟進下。
但其實佢地婦產科內科係冇乜用，見完個醫生開張轉介信，
叫我返瑪嘉烈約返果便內科早d覆診，同埋跟進我打薄血針ge問題。
咁樣搞一搞我之後就要瑪嘉烈同聯合兩邊走。

因為上一胎ge陰影，我每日好擔心，成日都摸住個肚睇下冇大到。
有時覺得個肚比前一日細左，又會擔心到喊。

到左第17週返去聯合做產檢，又到左要聽胎心，
我訓落床果下，上一胎ge回憶又返黎，我個人勁緊張，捉到件衫實一實。
一開架胎心機又係聽到沙沙聲，個醫生又係搵左幾個角度黎聽，
聽到d沙沙聲我真係緊張到想喊，後來終於聽到細細聲卜卜卜ge心跳聲，
醫生將音量較大左，跟住同我講bb心跳正常，果下我先安心曬。
姑娘打開簾，我見我老公企左係度，佢個樣又係勁緊張，
出到醫生房佢話聽到沙沙聲，又聽左咁耐，佢好驚有咩事。

過左聽胎心哩一關，我個心變得安定左，
加上到左中期開始FEEL到胎動，唔使再成日擔心BB係個肚入面會點。

私人傳訊

積分: 98867

2024年龍年勳章牛年勳章

12^#

發表於 21-10-4 17:29 |只看該作者

繼續追

私人傳訊

積分: 9348

13^#

發表於 21-10-5 11:46 |只看該作者

黎到9月尾政府安排左我照結構，不過政府照得都有少少HEA，同埋個醫生好似同自己講野咁，細細聲話哩度頭，哩度手，手指1,2,3,4,5...
又照得快，我都未睇清楚就照第二度。
就係怕政府照得太HEA，我地都約左私家照多次結構。

10月2日哩日要返工，返到公司去廁所發現底褲有D啡啡地，
但紙巾抹又唔見有啡色，果下有少少擔心，
上網睇下流啡會係點，對比返D色又好似似地wo。
因為係紅日，搵唔到李教授問，我老公本來打算直接同我去私家急症，
不過我又冇特別唔舒服，同埋都冇再流啡，所以都冇打算去睇，
後來收半晝返屋企休息。
返屋企途中，我老公不斷叫我試下打去仁安問下可以點做，
最後打到仁安婦產科果便，d姑娘話流啡係屋企休息下，
如果真係流血或者有肚痛就即去睇緊症。

返到屋企個人好攰，訓左個晏覺，到左5點幾去廁所，
用紙巾一抹，shit，鮮紅色ge！
我即刻著好褲沖入房同我老公講，同時又忍唔住喊左出黎，
真係好驚bb有事，上一胎ge回憶又返黎。
我老公即刻安慰我話冇事ge，因為我頭先訓醒bb仲有郁，一定冇事。
我地即刻換衫出去仁安睇急症，
因為我爸媽都係屋企，我換好衫出到去又要扮鎮定，
同佢地講唔係好舒服而家要去睇急症，叫佢地食飯先。
我阿媽聽到都知應該好大件事，係咁問我咩事，
我地唔想佢擔心，只係講有d感冒頭暈就出左門。

跟住我地飛的去仁安，車上我一路摸住個肚觀察住bb ge情況，
好彩bb都keep住有郁，但我都忍唔住擔心到係車度喊。
去到仁安做左分流，等緊ge期間我再去廁所，
發現抹到係淡粉紅色，個人即刻冇咁驚。
入到醫生房，醫生幫我聽左胎心，確定bb心跳正常，
佢問我使唔使搵返佢地駐院婦產科醫生做詳情檢查，
我地梗係要喇！之後就坐左係出面等佢地個婦產科醫生返黎。
等左大半個鐘，姑娘帶左我上去婦產科果層，
醫生幫我照左超聲波，見到BB同胎盤都正常冇出血，
跟住佢再幫我照子宮頸，發現我子宮頸有粒息肉，仲要幾大粒，
佢認為係哩息肉出血，唔關個胎事。
佢問我會唔會考慮整走佢，佢話粒息肉對個BB冇影響，但就有機會再出血，
如果想安心D就整走佢，免得下次出血又嚇餐死。
我地再三確認整走粒息肉唔會對BB有影響之下，就決定整走佢。
但因為我打緊薄血針，醫生驚而家幫我整走會流好多血，
所以佢就叫我哩晚唔好打針，第二日再返去做。

私人傳訊

積分: 9348

14^#

發表於 21-10-5 12:26 |只看該作者

本帖最後由 koizaki 於 21-10-5 12:45 編輯

係仁安睇完食左D野返到屋企已經10點幾，我阿爸阿媽好擔心咁等左成晚，老公同佢地講左個情況，
佢地知道BB冇事都鬆左口氣。

第二日一早就去左仁安，整走粒息肉成個過程都好快，
粒息肉都幾大，差唔多一節尾指咁長。
醫生塞左D紗布係入面幫手止血，就算我前一晚停左冇打，
佢都驚我會出好多血，叫我留係醫院觀察下先，一個鐘後幫我拎走D紗布。
係醫院等左個幾鐘，發現出血好似人地第一日黎M咁，
有D驚止唔到血，即係同姑娘講，跟住醫生再幫我換紗布，再觀察下有冇出血。
期間我地打左電話俾李教授問下佢停針ge安排，
李教授叫我停針三日，之後確認真係冇再出血開始打返針。
等到中午過後醫生睇過確認冇再出血，終於都走得。

哩個星期真係去得仁安好密，10月5日又去仁安照結構。
私家真係唔同D，醫生照得好仔細，不過BB就唔多聽話，
一路都趴係度，搞到有D地方照唔到，醫生叫我出去行下，
睇下BB會唔會轉身之後再照。
半個鐘之後再照BB都係冇轉身，醫生話仲差個心臟未照到，
約我地過兩日再去照過。
10月7日再去仁安照，今次BB聽話轉左身，終於照到心臟。
照完結構一齊正常，我地就返左去老爺奶奶度宣布喜訊。

因為姑奶個仔俾老爺奶奶湊緊，之前疫情嚴重我地都唔敢返去，
所以我地好耐冇見過老爺奶奶，佢地都仲未知我有左。
果日返到去，奶奶望到我即刻話咦，係咪有喜事啊？！
佢之後仲同我阿媽講話我地收得咁埋，成5個月先同佢地講。
其實因為我地見佢湊緊姑奶個仔，唔想佢又操心多樣野，
所以想等穩定冇事先講。

私人傳訊

crystal媽咪

寶石宮

積分: 344106

2025中秋節勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章 2018復活節勳章 2018母親節勳章 2018父親節勳章牛年勳章 BK Milk勳章畀面勳章環保接龍勳章

15^#

發表於 21-10-6 14:47 |只看該作者

koizaki 發表於 21-10-5 12:26
係仁安睇完食左D野返到屋企已經10點幾，我阿爸阿媽好擔心咁等左成晚，老公同佢地講左個情況，
佢地知道BB冇 ...

繼續追

不要從別人的嘴裡去認識我

私人傳訊

積分: 98867

2024年龍年勳章牛年勳章

16^#

發表於 21-10-7 22:15 |只看該作者

耐心等待

私人傳訊

積分: 9348

17^#

發表於 21-10-8 17:36 |只看該作者

10月哩個時候係懷中期，話係蜜月期真係冇錯。到左中期個人有胃口左，加上feel到bb胎動，個人覺得輕鬆左。
但中期都有一關飲糖水要過！
因為我阿爸有糖尿，所以我要做糖尿檢查。
開頭擔心D糖水難飲，飲糖水果日帶左支飲管去，
雖然有d乸喉，不過都好快飲曬，之後坐係醫院兩個鐘等抽血。
果朝唔知點解好頭暈，飲完糖水都好暈，去到差唔到夠鐘差d想嘔，
好彩都頂到抽完血，如果唔係又要再飲過。

隔左兩日就收到醫院電話話我血糖超標，約我返去見營養師，
聽完個電話心情即刻down曬。
我個同事之前又係中左妊娠糖尿，我見到佢每日都要篤幾次手指，
又要計住自己食幾多野，諗到咁已經想像到之後ge日子點過喇。
本身已經每日打緊薄血針，如果仲要每日篤手指，真係慘絕人寰...

到左見營養師果日，佢俾左份餐單俾我，計好曬我一日要食幾多碳水化合物，
佢叫我跟住食兩個星期，兩個星期後入院食一日糖尿餐，
到時會CHECK三餐後血糖，如果PASS就唔使再跟進，跟返個餐單食就可以，
但如果唔PASS，就要返去再見營養師調整餐單，再食兩個星期，
再入多次院食糖尿餐CHECK血糖咁...
雖然麻煩，但聯合唔使我每日篤手指已經好感恩。

開始跟餐單ge時候最唔習慣就係冇得水果放題，
我未飲糖水之前，我係屋企完全係水果放題，有時一日可以食到半抽提子，
但而家唔得喇，要睇住時間食，又要數住食幾多粒。
我仲要連阿媽靚湯都唔敢飲，搞到我阿媽好唔滿意，仲驚BB唔夠營養。

我係李教授果度做產檢，佢有安慰我叫我唔使太擔心血糖，
佢話政府D條界SET得太高，所以好多人都會FAIL，
如果BB個SIZE冇偏大就唔使特別擔心，保持心情開朗係最緊要。

私人傳訊

積分: 98867

2024年龍年勳章牛年勳章

18^#

發表於 21-10-10 15:52 |只看該作者

追...

私人傳訊

積分: 9348

19^#

發表於 21-10-11 13:42 |只看該作者

戰戰兢兢咁食左兩個星期營養餐，終於都到左11月13日入醫院ge日子，一早去到登記入院，跟住去到產前房報到。
本身係預8點就要抽次空腹，跟住就食早餐，之後隔兩個鐘再一次血，
但因為d姑娘對資料同講解都搞左成20分鐘，變左d時間遲曬，
搞到好趕咁邊係度對資料邊抽血同食早餐。
抽左餐後血之後，姑娘就帶我地(當時仲有三個媽媽一齊)去產後房，
每一個人就一個床位咁休息。

入院ge schedule 係咁︰
8:00 抽空腹血 ->食早餐
10:00抽餐後血->食小食
12:00食午餐
14:00抽餐後血->食飯後果
16:00食小食
18:00食晚餐
20:00抽餐後血
基本上每食完一餐正餐姑娘都會提我地要去散步，咁樣d血糖會靚d，
但因為第一次入院，周圍行好似好尷尬咁，食完早餐我都係就咁係間房度行幾步。
姑娘見我地都唔係太積極行，都有特登黎提我地要行下。
之後果兩餐我食完就係病房度係咁兜圈，行左半個鐘先休息。
其實除左食完正餐行半個鐘，我多數都係訓係床度，
因為唔訓係床度真係唔知做咩好。
本身好驚入院d飯菜會好難食，但食完又覺得都接受到，我甚至覺得幾好食。
抽完最後一次血就可以走得，之後就返屋企等電話。

隔左兩日收到聯合打黎話我血糖都係超標，又要去再見多次營養師。
營養師話要調整晚餐ge份量，由5匙飯變做3匙。
之後跟住調整ge份量再食左兩個星期，又係12月1日入院食餐。
今次我醒喇！我留意到醫院俾d飯ge份量係多過我平時食ge，
我就每餐食少d飯，再加食完飯即刻兜圈散步，應該今次唔會再超喇掛！
滿懷信心ge我隔左兩日又再次收到電話，唉...
我忍唔住問姑娘究竟我超左幾多，姑娘話我只係晚餐果度超左，其他都冇問題。
我以為哩次又係要調整餐單，再食多兩個星期，點知聯合約左一個星期後再入院。

私人傳訊