心聲留言

跳至

首頁
12

尾頁
   0


別墅

積分: 744


發表於 21-9-25 20:27 |顯示全部帖子
本人男,想請問兄弟姐妹送咗阿媽去老人院,而又没有通知我的情況下,最嚴重係唔比我知道阿媽係邊間老人院。兄弟姐妹有冇犯法。?
謝謝。


別墅

積分: 744


發表於 21-9-26 00:52 |顯示全部帖子
本人的媽媽,在2020年突然開始有腦退化。連沖涼都要本人幫媽媽沖涼,果種感覺。本人因為窮,請唔起工人,兄弟姐妹全怪我,係我害媽媽。媽媽突然有腦退化。媽媽的退休金,全數被兄弟姐妹管理之後,媽媽就開始有自言自語,兄弟姐妹2016年已經結哂婚,剩下得本人和媽媽兩人住,4年都冇事,係媽媽的退休金被其他家人管轄後,媽媽就開始有病。媽媽現在有老人痴呆症,本人已經問過律師,免費。律師講明冇可能要媽媽簽文件,退休金已經在其他家人的銀行户口内,本人只想多些探自己媽媽。在2020年12月兄弟姐妹已知道媽經常冇帶門匙,冇人理。2020尾到2021年7月中,全程覆診 沖涼 又怕媽自己在家。全部壓力,本人一個承受。本人非常感謝(心聲留言)多謝。


別墅

積分: 744


發表於 21-9-26 02:15 |顯示全部帖子
真心講一句,有時唔開心,上網留言抒發自己情緒,已經好滿足,感恩。多謝此網站。


公爵府

積分: 29114

2021勳章


發表於 21-9-26 05:59 |顯示全部帖子
為什麼你的兄弟姊妹不讓你知道母親被送到那間老人院?

你可以更新記錄, 讓好友們知道你在做什麼...


別墅

積分: 744


發表於 21-9-26 17:20 |顯示全部帖子
Mrs.Luckycat 發表於 21-9-26 05:59
為什麼你的兄弟姊妹不讓你知道母親被送到那間老人院?

我覺得係因為利益。


子爵府

積分: 13438

2021勳章 DHA勳章


發表於 21-9-28 13:18 |顯示全部帖子
唔識.
希望您早日探到媽媽.


別墅

積分: 744


發表於 21-9-28 21:21 |顯示全部帖子
多謝artai430。


別墅

積分: 744


發表於 21-10-3 11:57 |顯示全部帖子
我知道我一定有錯。但我冇大貪過。


侯爵府

積分: 21117

2021勳章


發表於 21-10-14 00:00 |顯示全部帖子
你好孝順呀. 錢真係好有魔力, 能讓一家人反目. 你地兄弟姊妹一向關係麻麻? 點解你請唔起工人, 兄弟姊妹就怪你? 佢地又唔夾錢請工人?
不過唔比你知去左边間老人院應唔係犯法.


別墅

積分: 744


發表於 21-10-14 11:21 |顯示全部帖子
回覆 小圓圓 的帖子

我都會同阿媽鬧交,鬥氣,係媽未有病前。冇辦法。阿媽係2020年,12月有次冇帶門匙,我有通知兄佢地,冇人理過,因為我剛做份工,走唔到,阿媽由早9:00係街等到我晚11:00先有門口入。第二次,又冇帶匙,我忍唔住打比親戚,佢地先肯返嚟開門。仲有好多事,現在,佢地要我搬,先肯比我同佢地一齊見阿媽,仲要唔比我自己見。我知道,只係我片面之詞,但呢個係事實。


侯爵府

積分: 21117

2021勳章


發表於 21-10-14 14:46 |顯示全部帖子
回覆 想改好的人 的帖子

佢地迫你搬, 又送你媽媽入老人院, 莫非想賣左層樓分家產? 層樓係咪你媽媽名?
你媽媽真可憐, 幾個仔女都懶理, 要她一個人由朝等到晚先入得屋, 佢記憶衰退情況是否嚴重, 佢識唔識去是但一個仔女度攞鎖匙?


別墅

積分: 744


發表於 21-10-14 15:11 |顯示全部帖子
回覆 小圓圓 的帖子

層樓係阿媽名。媽冇帶門匙當時,記憶力去唔到,搭的士會搭錯。其實我已經又打咗電話去問免費律師,律師話我有權報警,要佢地交待。報得警,就冇得返轉頭。我真係好唔開心同好心煩。多謝您肯在我的帖留言,多謝。


侯爵府

積分: 21117

2021勳章


發表於 21-10-14 23:32 |顯示全部帖子
回覆 想改好的人 的帖子

做人既嘢, 唔係我幫下你, 就係你幫下我, 大家互相鼓勵.
自小兄弟姊妹關係好唔好? 免費律師幾耐會覆你電話? 佢地犯左咩法可以報警要求交待? 但一報警關係便會決裂, 要諗清楚.


別墅

積分: 744


發表於 21-10-15 00:52 |顯示全部帖子
小圓圓,自小兄弟姐妹關係算過得去,大哥係最好嗰個,其他就同我一樣咁自私,我阿媽大約係2020年,全份退休金比我妹管,唔知當時係用威逼定係點,阿妺理由就係驚我吞哂,2016年開始,就只得我同阿媽住,中途,我阿媽叫我保管平安紙,我話唔好,4年時間,如果我存心想吞哂啲錢,我一早做咗。自從媽的全部退休金被妹管住之後,媽就開始有自言自語,話我妹夫玩女人,總之講親都係關於我妹,而我妹就乜都入我數。
之後我妹仲可以做得出,唔洗經阿媽意願,分哂啲錢。我知我有錯,但係一個人,退休後全部金錢比人管住。我妹真係一啲責任都無。?好,都算,宜家連阿媽係邊間老人院都唔比我知道。目的係乜。?真係絶。好絶。
律師嗰度係唔會打比我,係自己打去律師公會度問,律師話,家人由始至終只係(講)送咗入老人院,證據呢。我都可以(講)層樓係我的,但係證據呢。咁樣囉。


大宅

積分: 3563


發表於 21-10-15 23:15 |顯示全部帖子
想改好的人 發表於 21-10-15 00:52
小圓圓,自小兄弟姐妹關係算過得去,大哥係最好嗰個,其他就同我一樣咁自私,我阿媽大約係2020年,全份退休 ...

平安纸係你keep?是否有律師見証?如果係到時再拎出黎。至於媽媽退休金就當比哂妹妹啦。唔好為呢的野唔開心,你要咁諗媽媽的$係佢,不等如佢一定平分。咁你會舒服的。你同妹妹表明想陪媽媽,唔係有私心,可能妹妹同你有商有糧呢。
:-D :-?


侯爵府

積分: 21117

2021勳章


發表於 21-10-15 23:33 |顯示全部帖子
點解你話自己自私呀? 你都好關心媽媽, 又為佢做左唔少嘢.
平安紙最後係咪由你keep? 入面寫住財產點分配?

律師公會係咪打去即時同你傾?


別墅

積分: 744


發表於 21-10-16 10:09 |顯示全部帖子
回覆 csbaik 的帖子

平安紙唔知係邊,但我知道係邊間律師行造的。人大咗,各自為政,佢地結哂婚,老媽係乜,佢地都做得出咁絶,冇得傾。


別墅

積分: 744


發表於 21-10-16 11:08 |顯示全部帖子
回覆 小圓圓 的帖子

呢個世界,屋企兄弟姐妹,凡係有利益分配掛勾,九成都有衝突,佢地話我自私,佢地咪一樣自私,媽今年1月已經開始嚴重咗,我陪媽覆診時,個心理學家已經話送媽入精神病院,(我有學家名)但我唔捨得。1月佢地已經知道,好,當佢地真心孝順,第一!點解唔1月就送媽去老人院。第二!點解唔比我見,連邊間都唔比我知道。動機,目的係乜。平安紙分配,譬如$100元咁計算。我分到$40元。


侯爵府

積分: 21117

2021勳章


發表於 21-10-17 23:11 |顯示全部帖子
回覆 想改好的人 的帖子

自己都體驗過錢既魔力, 令一家人變臉, 利字當頭, 親情盡拋諸腦後.
你能分到四成都不錯, 你媽媽要入精神病院, 情況都幾嚴重. 而家你想盡孝都唔得, 明白你好心痛難受.


別墅

積分: 744


發表於 21-10-18 14:46 |顯示全部帖子
回覆 小圓圓 的帖子

現在我嘅處境,搬走,仲要唔清楚搬走後,係咪一定可以見到自己阿媽。我現在唔搬住,仲有一線生機可以接到阿媽出來,真心。我唔想媽住老人院。

首頁
12

尾頁

跳至
你需要登錄後才可以回帖 登入 | 註冊