吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 我想講下我同媽媽既關係(長篇)

心聲留言今日: 0|主題: 17313

收藏本版

發帖

返回列表

跳至頁

查看: 16381 | 回覆: 15

我想講下我同媽媽既關係(長篇) [複製鏈接]

waiwaichau000

大宅

積分: 1010

1^#

發表於 21-9-28 20:29 |只看該作者 |倒序瀏覽 |打印

以前細個好痴呀媽,冇左佢唔得..但大大下同佢既感情就麻麻地..以前一齊住時成日都鬧交,成日冷戰..但其實我內心好錫佢,佢身體有d咩唔舒服我就會好緊張..如果佢唔睇醫生我會鬧佢,但其實我係驚佢有咩大病

到大個拍拖..即宜家既老公,佢唔中意,因為佢住公屋..唔靚仔,大家又嘈過無數次..難聽d講佢嫌人窮..狗眼看人低!我同佢既價值觀好唔同!佢對眼永遠淨係見到錢!我老公大時大節都會上黎食飯..會買野俾佢..佢表面上冇野,但我知佢內心依然係唔中意佢,拍左7..8年拖左右,我同佢講我地想結婚..佢第一句d(語氣好難聽)就話你諗清楚先啦!之後又嘈交又冷戰.. 咁多年黎我喊過無數次,每次唔開心都係因為佢!

0 0 0

私人傳訊

waiwaichau000

大宅

積分: 1010

2^#

發表於 21-9-28 20:30 |只看該作者

試問做仔女既有邊個既婚姻唔想得到父母嘅祝福!?拍左咁多年拖以為終於守得雲開,但原來唔係既!我揀得佢..可以拍左咁多年拖..係因為佢對我好..大家價值觀一致同好了解我

結左婚就催我生,我就hea應佢..佢間唔中又係度講笑咁威脅我話如果我唔生,大陸既樓我就冇得分,我話你都痴線既!你中意啦!過左幾年,我老實同佢講我唔想生,因為我唔係咁中意小朋友,宜家佢地讀書壓力好大,又要不停上興趣班,佢話唔明我諗咁多做乜,天生天養..個個都係咁,我知佢擔心我老咗之後冇人照顧,但我真係唔想,之後又嘈左場勁既..話我如果唔生就搬!佢趕我走(因為我住緊果度係屋企人買既)我喊左好耐..我同老公講不如搬

私人傳訊

waiwaichau000

大宅

積分: 1010

3^#

發表於 21-9-28 20:31 |只看該作者

佢話如果搬左會冇左個呀媽,之後妥協

上年7月佢發現末期cancer,我傷心到癲左..我辭左職冇做,日日買餸煮飯陪覆診..本身應承左佢生bb,佢又成日催我..但諗諗下我又真係唔想..生定唔生既問題糾纏左幾年!我同佢話我真係唔想生..佢又發癲又叫我搬!叫我搵野做唔洗俾家用佢..我本身住緊果度佢租出去,佢講d說話好難聽!佢份人永遠都係佢岩晒,有佢講冇人講!生唔生點解唔係由做父母既決定?點解我既人生唔係我去決定?點解要威脅我? 咁好啦我又心軟決定左做人,試左半年都唔中..我之前去睇婦科佢話我有朱古力瘤會比較難懷孕,我同呀媽講,佢第一句就問會唔會影響到個bb..

私人傳訊

waiwaichau000

大宅

積分: 1010

4^#

發表於 21-9-28 20:33 |只看該作者

但我老公第一句就問對我個健康會唔會有影響..我地唔生都得既..我個感覺有d難受!點解我呀媽唔係關心我先?我冇出聲..之後幾日又催一次..我每次聽到佢問我點解仲未有bb我都會跳制!本身我都唔想生..成日問我真係好反感!我都已經行出左第一步仲想點?催就會快d有架咩?有一次又催..我話唔係話有就有,好多野都整定架啦!佢話你咁講即係唔生啦,我話我冇咁講過!醫生都話我有朱古力瘤比較難懷孕,係你自己唔肯去接受!你一句關心都冇!佢話覺得我呃佢!我即刻癲左..又嘈交..冷戰左2個星期.. 係生仔尼件事上,我同細佬whatsapp講佢又唔應我,我同我老豆講,佢就話呀媽有病情緒唔好,唔好同佢計較..

私人傳訊

waiwaichau000

大宅

積分: 1010

5^#

發表於 21-9-28 20:33 |只看該作者

中秋果日我老豆鬧我,話我點解唔彩佢,佢係病人,佢仲有幾耐命?佢對你唔好咩?你係咪唔知足?俾層樓你住又俾錢你,唔生咪唔生囉!我話你知唔知個問題係邊?你搞掂佢先啦!點解生唔生唔係我去決左?係佢去決定?永遠都係我錯!我俾佢搞到就黎癲!尼件事嘈左幾多年?我地永遠都唔會有共識!好呀!我可以唔生呀嘛!咁以後唔準再講!唔準再提!我話佢病我即刻辭職去照顧佢,我得到咩結果?佢話你要咩結果?你要求回報呀?我話我講結局既意思係想珍惜大家相處既時間,唔係既!成日搞到唔開心都唔知為乜?我係貪你地既錢我就唔會新年後搬俾返層樓你,之後佢話係佢唔岩,佢火遮眼
每一次都趕我走有冇諗過我既感受?

私人傳訊

waiwaichau000

大宅

積分: 1010

6^#

發表於 21-9-28 20:33 |只看該作者

回覆樓主：

本帖最後由 waiwaichau000 於 21-9-28 20:40 編輯

有冇當過我係佢個女?

宜家唔再迫我生我真心鬆左一口氣,但我感覺到我同呀媽既關係變左,好似好生疏..可能佢仲嬲我唔生..但唔係佢唔開心就係我唔開心..玻璃打爛左就算痴返到會有裂痕,以前幾咁意，幾咁冇左佢唔得,但經過左咁多事發生慢慢變得對佢有偏見,心底裏真係有點討厭佢!我都唔想!我同佢好似d情侶咁,好愛大家但又唔可以一齊相處..可能母女緣薄..可能對佢既所有野唔好太上心個人會開心好多..我想要既唔係幾有錢既父母,而係唔會迫我做d我唔鍾意既野,尊重我既決定..可以同我傾到計既父母

私人傳訊

kenfung71

男爵府

積分: 6269

7^#

發表於 21-9-28 20:35 |只看該作者

waiwaichau000 發表於 21-9-28 20:30
試問做仔女既有邊個既婚姻唔想得到父母嘅祝福!?拍左咁多年拖以為終於守得雲開,但原來唔係既!我揀得佢..可以 ...

結左婚仲同阿媽住咁又唔得，仲要係女家....真係幾有問題的

私人傳訊

waiwaichau000

大宅

積分: 1010

8^#

發表於 21-9-28 20:43 |只看該作者

kenfung71 發表於 21-9-28 20:35
結左婚仲同阿媽住咁又唔得，仲要係女家....真係幾有問題的

我哋唔係一齊住，我同老公住緊果度係佢買既，因為想我住近啲佢

私人傳訊

mariefish

翡翠宮

積分: 94360

2024年龍年勳章 2024勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 FUN享自然‧郊遊一夏

9^#

發表於 21-9-28 21:37 |只看該作者

waiwaichau000 發表於 21-9-28 20:43
我哋唔係一齊住，我同老公住緊果度係佢買既，因為想我住近啲佢

開頭睇，覺得你媽媽係太愛錫你，希望你幸福嫁得好啲，我諗好多父母都係咁諗

但係迫你生細路仔就有少少奇怪，你細佬都可以生，點解佢係都要你生？
我覺得你唔需要為咗佢而生仔，生唔生應該係兩公婆決定

私人傳訊

kenfung71

男爵府

積分: 6269

10^#

發表於 21-9-28 22:05 |只看該作者

waiwaichau000 發表於 21-9-28 20:43
我哋唔係一齊住，我同老公住緊果度係佢買既，因為想我住近啲佢

這個世界只有一個戰爭你會輸不了，就是跟父母戰爭，也許父母親給你很多意見，但沒有一個父母不希望兒女往後能夠幸福，母親一直反對，相信一直在考驗你的男人對妳是否真愛，你們結婚以後，為你們提供住的地方，只因為不想從此失去了女子，再怎麼說，妳的媽媽一定比你們先走，往後她也只能依靠妳所選擇的男人守護妳，所以媽媽一定要在有生之年考驗他。

無論怎樣，父母人生經歷多，想的東西一定比妳想得周全，在父母心中，無論你們說善意謊言也好，真實謊言也好，畢竟她也是妳的媽媽，養大一個女兒不容易，她只能把妳的的下半生託付給他，妳知道嗎？

至於生小孩的事，不論無後為大，或是考驗你們的責任心也好，失去了媽媽以後....妳再無來處，只剩歸途了。

即使媽媽走後，也相信妳的爸爸也痛心女兒還未能長大。

珍惜吧

私人傳訊

waiwaichau000

大宅

積分: 1010

11^#

發表於 21-9-29 02:18 |只看該作者

mariefish 發表於 21-9-28 21:37
開頭睇，覺得你媽媽係太愛錫你，希望你幸福嫁得好啲，我諗好多父母都係咁諗

但係迫你生細路仔就有少少奇 ...

我細佬未拍拖，佢都有催佢拍拖，成日做媒人，但迫我細佬冇迫我迫得咁緊

私人傳訊

mariefish

翡翠宮

積分: 94360

2024年龍年勳章 2024勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 FUN享自然‧郊遊一夏

12^#

發表於 21-9-29 07:18 |只看該作者

waiwaichau000 發表於 21-9-29 02:18
我細佬未拍拖，佢都有催佢拍拖，成日做媒人，但迫我細佬冇迫我迫得咁緊
...

咁你而家已經搬離家人提供嘅住所？
媽媽有重病
可以嘅話咪假裝妥協，咩都應承佢，否則激親佢，你爸爸同細佬又會埋怨你，咁咪仲慘
佢叫你生，你咪次次都話好呀努力中，佢重複時你又重複答案，佢發皮氣你都笑笑口唔動氣，咁佢唔會有機會嘈落去，習慣咗就唔會嘈交，雙贏㗎

試吓

私人傳訊

CMMANDY

公爵府

積分: 27213

牛年勳章

13^#

發表於 21-9-29 08:22 |只看該作者

本帖最後由 CMMANDY 於 21-9-29 08:23 編輯

kenfung71 發表於 21-9-28 22:05
這個世界只有一個戰爭你會輸不了，就是跟父母戰爭，也許父母親給你很多意見，但沒有一個父母不希望兒女往後 ...

認同, 父母愛仔女的心, 真是像曾經一個廣告說, 比海更深, 比天空更遠

但由於知識有限, 她們的好, 只是從自己的經歷和見到的世界之間, 她們認為, 現實重要, 但無想過, 意願的重要, 幸福對她們而言, 嫁一個專一, 老實, 有能力, 有責任心, 錫妳的老公, 最好掌控家中經濟權, 生最少一個男孩