0-6個月 今日: 7 | 主題: 37369

積分: 151

1^#

發表於 22-2-10 09:20 |只看該作者 |倒序瀏覽 |打印

本帖最後由 lovemoon0130 於 22-2-10 09:23 編輯

自己睇小左湊小朋友既重擔想要bb同未生前都覺得自己處理到，無問題
點知出院第一日返到屋企，當晚已經爆喊。(係醫院姑娘見我有奶，唔肯比奶粉我，當下已經問過姑娘幾次，全部say no，覺得好委屈，啲眼淚爆哂岀黎，已經損哂，一埋身就好痛)
完全唔識原來可以補奶粉，好彩第二日我媽黎左，叫我開奶粉比個女 (請左陪月撞正新年，初四先返工)
到依家一半人奶一半奶粉，我個女好大食，人奶100ml奶粉60ml，之後有時都仲想食。
我淨係湊6pm-10am都已經覺得好大壓力，好攰，好想食煙，成日都好想喊
我媽叫我停人奶，再咁落去驚我產後抑鬱
我到依家都好攰，每日咩都做唔到，我媽話趁仲有陪月，拿拿聲停人奶，佢幫我收奶，養好精神。
我都好驚下個月得返自己一個會搞唔掂，好驚自己精神狀況有事。

0 0 0

私人傳訊

Queenie243

積分: 195

2^#

發表於 22-2-10 10:12 |只看該作者

lovemoon0130 發表於 22-2-10 09:20
自己睇小左湊小朋友既重擔想要bb同未生前都覺得自己處理到，無問題
點知出院第一日返到屋企，當晚已經爆喊 ...

其實只係未上奶，飲多d魚湯上奶。
一開頭我都係人奶加奶粉，去到半個月左右先夠比阿仔全人奶。
如果真係壓力太大咪唔好餵人奶。
只係初初未習慣姐，我無陪月都無問題，不過有99煮野我食，我都係夜晚到朝早我自己湊，但就每3個鐘泵一次奶。
中午奶奶就幫我湊，我就補眠。
放鬆d啦。

私人傳訊

Amadeo

積分: 383

3^#

發表於 22-2-10 10:18 |只看該作者

加油

私人傳訊

Nbs

水晶宮

積分: 60965

4^#

發表於 22-2-10 11:15 |只看該作者

頭一個月係最辛苦，尤其餵人奶，埋身同泵奶都花時間，成晚無得瞓
日頭有幫手時就爭取時間休息

私人傳訊

katherine418

積分: 9061

5^#

發表於 22-2-10 14:24 |只看該作者

其實如果覺得餵人奶大壓力，停左會好d，你自己情緒都好重要，食奶粉一樣可以健康長大

私人傳訊

Mylittletororo

積分: 1117

6^#

發表於 22-2-10 15:41 |只看該作者

lovemoon0130 發表於 22-2-10 09:20
自己睇小左湊小朋友既重擔想要bb同未生前都覺得自己處理到，無問題
點知出院第一日返到屋企，當晚已經爆喊 ...

我好明白你感受，因為我啱啱都經歷咗呢段時期，懷孕期間好期待好開心，但同咗BB返屋企之後一切都好似都變咗，每幾個鐘餵奶換片掃風無限loop,，完全唔知呢段時間幾時會完，感覺前路茫茫。我都唔知喊咗幾多次，自責過，擔心過。你放心，呢啲情緒完全係正常嘅，源自你荷爾蒙變化，同埋新手媽媽未上手。我會想喊就喊出嚟，或者搵個信任嘅人，可以係媽媽，老公，朋友甚至陪月，傾訴自己嘅擔心。育兒之路好難行，不過BB一日一日長大，見到佢笑，所有辛苦都值得，往後只會越嚟越好。一齊加油啊，媽媽

私人傳訊

paperyuen

別墅

積分: 897

7^#

發表於 22-2-10 16:01 |只看該作者

我bb 啱啱出院我都覺得好大壓力，個人好攰，又唔夠訓，抱到隻手又酸軟，我媽媽黎幫手，但佢一走左我就自己係到喊，d 眼淚ba ba 聲咁流，控制唔到，係荷爾蒙嘅影響～不過會慢慢好～比d 信心，我成日同自己講無野做唔到，頂硬上，上左手之後就好好多架啦

私人傳訊

mary_hung

積分: 332

8^#

發表於 22-2-10 18:36 |只看該作者

回覆樓主:

我bb滿左月喇
我都仲係間唔中會喊
累到喊，辛苦到喊，見到佢唔舒服又心痛到喊
餵人奶真係辛苦啲，就算泵出黎都要好多時間，我覺得怕辛苦真係可以唔餵人奶，其實食奶粉完全無問題
個個都話之後會變好，bb會學習變更好，大家一齊加油

私人傳訊

enna_tm

積分: 1780

9^#

發表於 22-2-11 08:22 |只看該作者

完全明白樓主你嘅情況，你應該向好嘅方面諗有媽媽同陪月，其實已經好好。
我第一胎嘅時候都係好似你咁覺得好無助，差唔多一日喊四五次，嗰時仲要阿媽冇黎，我奶奶一過嚟，佢（無意地）講一啲令我唔開心嘅說話(emoji)，望住阿B又唔知佢點解喊，掃風、換片、餵奶無樣做得好(emoji)又唔夠人奶逼住補奶粉，每隔三個鐘又要泵又要洗(emoji)
日子都要過，之後陪月一個半月就走咗，得返我自己，慢慢就開始上手。
佢兩三個月識同人玩，情況就會好好多㗎啦！加油加油

私人傳訊

clarissakwan

積分: 3535

10^#

發表於 22-2-12 04:17 |只看該作者

lovemoon0130 發表於 22-2-10 09:20
自己睇小左湊小朋友既重擔想要bb同未生前都覺得自己處理到，無問題
點知出院第一日返到屋企，當晚已經爆喊 ...

頭一兩個月係咁嫁，放鬆d 呀。
Bb 有時訓得唔好，又唔夠瞓，情緒會差。我都有試過夜晚發脾氣，喊，因為bb唔訓，呢個時候就要老公出手，幫你湊下bb. 你想舒服啲，就餵少少奶粉，日頭有精神就餵下人奶。
我餵人奶又okay, 一路餵一路煲劇。
過左3個月，我就無再對佢發過脾氣，係琴晚（差唔多5個月大）佢由4點到6點半都唔訓，我一訓佢又醒，我就發左一次脾氣

餵人奶，餵到就餵，我餵下餵下又到5個月。隨心。早d戒人奶都好，而家阿b 成8kg, 日日餵到周身骨痛。
阿b 開始笑，多互動，就會覺得日日對住佢好開心

私人傳訊

Vienna0623

積分: 1690

11^#

發表於 22-2-12 06:44 |只看該作者

你要加油啊，其實夜晚雖然時間短啲，但係非常精神折磨，有冇其他人幫手，唔容易㗎。你要保持心境開朗， BB感覺到㗎，你壓力大佢都會炆憎啲(emoji)(emoji)
餵人奶嗰度我覺得唔需要太過介意，其實食奶粉都冇問題，我覺得餵人奶唔係適合所有人，如果你覺得時間上真係配合唔到，或者餵得唔開心，就全奶粉啦，全奶粉真係方便好多。

私人傳訊

積分: 151

12^#

發表於 22-2-13 14:08 |只看該作者

回覆 Queenie243 的帖子

多謝你啊

私人傳訊

積分: 151

13^#

發表於 22-2-13 14:10 |只看該作者

回覆 katherine418 的帖子

多謝你啊上黎呢到取暖無咁唔開心

私人傳訊

積分: 151

14^#

發表於 22-2-13 14:12 |只看該作者

回覆 clarissakwan 的帖子

我老公返工好攰啊，佢攰到成日坐係梳化都訓著。我依家可能開始適應就無咁辛苦了，好多謝你啊

私人傳訊

積分: 151

15^#

發表於 22-2-13 14:14 |只看該作者

回覆 Vienna0623 的帖子

多謝你啊，已經決定餵埋聽朝去到健康院，返到屋企就全奶粉，雖然諗起自己停人奶就會覺得對唔住個女，又會想喊

私人傳訊

積分: 151

16^#

發表於 22-2-13 14:18 |只看該作者

雖然諗起自己停人奶就會覺得對唔住個女，又會想喊。
但係好多謝各位，以前覺得少少一句完全冇感覺
但生完真係荷爾蒙變化太勁，你哋少少一句已經安慰到我好多
希望大家健健康康，小朋友快高長大，冇病冇痛
疫情快啲完結，大家可以帶自己心肝寶貝出去玩放鬆下

私人傳訊

babyfung61

積分: 6928

2024年龍年勳章

17^#

發表於 22-2-13 18:01 |只看該作者

我完全明白你感受，最初餵唔到人奶我都好糾結自責。啲多奶媽話抖多啲，飲多啲湯水就自然會多奶，其實都並不一定。試埋身加一直泵到自己都瞓唔到無精神，點抖？有長老有工人幫就話有足夠條件可以抖、可以易啲train到自己變奶媽。但現實唔係個個媽媽都咁好有人幫到，身體又咁好咁有條件做到。
奶媽們又會話：勤力啲就有奶，唔好放棄⋯
但其實都要睇媽媽當時身體狀況、個人體質同埋BB配唔配合到。總之唔係你努力就得咁簡單。情況有啲似自然授孕vs 人工授孕。自然授孕唔係必然，有足夠奶餵到BB也非必然。
餵唔到人奶，唔需要過於自責。

私人傳訊

babyfung61

積分: 6928

2024年龍年勳章

18^#

發表於 22-2-13 18:09 |只看該作者

我自己小朋友3歲幾一直飲奶粉touch wood無任何大問題，反而身邊堅持餵人奶到2歲嘅朋友舊同事們嘅小朋友就一直傷風感冒輪住嚟，上到N上到K都成日病，連無得返學留家上zoom都病。佢哋其中一個喺我初生餵唔到時又係成日叫我：「唔好放棄，食卵磷脂啦，飲木瓜湯啦⋯飲人奶B抵抗力好啲，無咁易病，又叻啲架！」但到咗今日，佢又話：「飲奶粉營養可能好啲，所以你小朋友無咁易病囉⋯」咁講都得？！
而叻唔叻，唔係睇飲唔飲人奶或奶粉，係靠照顧者由BB細至大個成長一路培育而嚟，亦部分涉及遺傳天生。
當然，人奶係最天然安全亦對BB腸胃較好，但唔好過份神化人奶而貶低咗奶奶嘅價值同代用性

私人傳訊

babyfung61