2022年7月11日（星期一）
快速檢測陰性，外出做深喉檢測。到樓下私家醫生睇症（事前已經致電快測陰性可睇症），我睇開的婦產科醫生不提供視診，確診後也不睇症。孕婦用藥多忌諱，大部分的藥物都不可以用，所以我睇完私家之後，在網上找了藥劑師給出藥物意見，暈，大部分醫生開出的藥物都不適合孕婦服用，治咳水、收鼻水連潤喉糖都唔適合。無語
藥劑師：醫護行社區藥方Facebook
https://topick.hket.com/article/3196570/【孕婦確診】確診孕婦亂用藥或影響胎兒%E3%80%80藥劑師教輕症患者用藥護理貼士
症狀：咳嗽、發燒38度、喉嚨痛、流鼻水、頭痛、腹瀉
症狀不算太重，發燒時個人好似煲乾水咁，容易疲勞，嗜睡
bb胎動正常，我會使用胎心機聽心跳。
2022年7月12日（星期二）
收到檢測報告，初步陽性。燒基本是反反覆覆，有時36.9、37.6、38度，持續喉嚨痛、小小咳，但人沒有那麼疲勞，可以不用午睡。
先生檢測報告為陰性，開始room service的模式，在門口放了一張檯仔，所有我需要噶物品距都會放係上面，待距離開我再出去拎。一般都係三餐、水、每日垃圾。
房間裡面備有水壺、水杯、藥物、探熱針、血氧機、消毒用品、紙巾、口罩、孕婦營養補充品、保濕、快速檢測包、充電器。
我地屋企係共用廁所，每次用完都會用酒精噴霧噴馬桶。由於本人懷孕期間一直都好容易氣喘唔夠氣，曾多次在外呼吸不順暢暈低，所以沖涼並無戴口罩，暖水同蒸汽可以緩解頭痛、疲勞、及鼻腔的不適。
另一件事，收到消防署通知入營，我表達希望留係屋企隔離，消防處表示會mark 底等衛生處再通知。
有用的Facebook群組：香港確診復康關注組
裡面噶人解答疑問，令我安心好多。
YouTube片段：
2022年7月13日（星期三）
症狀與之前差唔多，但鼻塞嚴重左，最大噶影響就係訓覺，前半夜基本唔可以入睡，只有企住先唔會塞，坐住訓低都會塞。而長時間用口呼吸，喉嚨就會幹痛。繼續服用必理痛維他命C，同孕婦補充品。繼續留意胎動同埋聽bb心跳。飲暖水好重要❗️
衛生署上門送物資：口罩、快速檢測包、血氧機之類。
隔離令：
確診之後公司就會需要提交一d資料去追蹤密切接觸者之類，另外就係提交隔離令。講真由於衛生處資料太多通過網站搜索真係有困難，email也無回音。幸好電話一打就同通左，如果唔係原本唔舒服噶狀態，在家孕期情緒真係好容易爆炸。
核酸檢測：申報之後數個工作天衛生處會自動sms隔離令及康復碼申請信息
快速檢測：申報平台自行下載
2022年7月14日（星期三）-7月15日（星期五）
持續都係夜晚訓唔到，幸好白天會好d，早上六點幾可以開始訓到，下午再補幾個鐘。
繼續吃必理痛，維C，飲水，漱口。
兩條線顏色仍然好深色。
星期五先生也確診了，開始發燒，喉嚨痛。感覺應該係浴室及廁所共用還是很難避免。但卻是也有人成功，連沖涼都戴著口罩。
https://www.hk01.com/熱爆話題/747091/同住家人染疫點消毒-康復後點全屋大清潔-裝修佬教你13個細節位
https://www.healthyd.com/articles/body/確診康復後全屋大清潔-家居清潔消毒
7月16日（星期六）
鼻塞訓唔到，坐係辦公椅望著太陽升起。快測仍然兩條明顯的紅線。
先生確診之後，需要休息，減少煮食。主要使用deliveroo 及 yuu 。
7月17日-19日（星期二）
晚上訓唔到，白天補幾個鐘，就係咁過左呢幾日。19號快測終於一條線。雖然仍然有仲係有咳，但係過左最辛苦噶階段，晚上亦都可以訓到完整一晚。先生亦都退燒了。繼續居家隔離到25/7。下星期就可以去產檢了。
結語：
原本po文分享希望同樣經歷緊確診隔離的媽媽可以提供小小幫助，無太預想過會引起咁多關於「吃西瓜」同「打疫苗」噶討論同回覆。對係呢個過程中給予我關心祝福的人，在此表示衷心的感謝，謝謝你們願意花時間同心思支持我給予我關愛，讓我感到很暖心，祝願你同你的家人都身體健康平安。而對於在我患病、不適、憂慮的時候，仍堅持多次惡言相向、指責，而且‘正氣凜然’的人，我想講這些話除了你們的自我表達自以為是之外，對我的狀態沒有一點幫助，甚至造成傷害，但可能你們也不在乎，希望惡言至於此處。
siu花花 發表於 22-7-16 15:37
乜支針可以預防感染嫁咩
發表於 
返回列表
