懷孕前後今日: 0|主題: 330659

收藏本版

發帖

返回列表

跳至頁

查看: 2784 | 回覆: 0

生仔搵命搏實錄～入院第一週（16/8~22/8） [複製鏈接]

波大好生養

洋房

積分: 43

1^#

發表於 22-9-1 00:26 |只看該作者 |倒序瀏覽 |打印

我係貓媽，今次係第一胎，但估唔到由懷孕到生仔呢段日子係完全超出我預算範圍，我意思唔係話早產。而家我個b出左世已經一個星期，但我同個b仲留緊醫院，貓媽住院呢段期間想同你地分享生仔經驗，希望俾你地有個借鏡。

前傳：
我原本既預產期係9月7日，係威院做開產檢，分別係普通產檢同埋妊娠毒血症高風險覆診，一直食低劑量阿士匹靈到36w。去到8月初發現有妊娠糖尿病，醫生要求我篤手指驗血糖，但我認為預產期臨近拒絕買血糖機，而且醫生認為個b既size太大所以將預產期提早到8月24日催生，38w出世其實都足月既，留左院一晚學識篤手指就出院，直到8月16日。

8月16日係妊娠毒血症最後一次覆診，果日醫生睇完我血壓記錄發現數字高，就要求我立即入院，但佢話有機會再提早d催生喎，我無奈咁入院啦，但萬萬估唔到係難關既開始呀！呢樣野就係我一入左去就留院到而家既原因～中covid

話說我入院果晚要做深喉唾液測試，跟住姑娘幫我量體溫好多次，等左一陣姑娘話我檢測結果係陽性，有微燒，要隔離7日，果晚我被安排到一間獨立房一個人隔離1晚。

去到凌晨3點幾，我覺得個子宮好痛，call左醫生過黎睇，佢話我一度都無，但佢地將我送到產房既其中一間房作隔離，17號我全日就係果間房，除左用醫院電話同老公接觸（當時我部電話無跟身），就係用對講機同醫生溝通。

醫生不斷問我可唔可以返屋企隔離，又話醫院暫時無隔離床位仲搵緊，但我老公已經係密切接觸者，加上屋企環境無合適既隔離設施，屋企人唔想我將病毒帶返屋企，所以我堅定拒絕。17號晚上我被安排到隔離病房繼續隔離。

隔離期間我喉嚨唔舒服，之後有痰同鼻水，但醫生只係俾喉糖同必理痛就算。本來去到23號隔離完成我可以轉去普通病房，直到8月21日晚上……

果晚我沖完個好熱水涼，之後全身突然發冷，跟住call姑娘黎睇，話我開始發高燒，我把聲變左，幾位醫生幫我檢查做照肺同埋抽血（抽血抽到兩隻手瘀哂），我心諗唔通變重症要插喉？凌晨3點又送我落產房特別護理室觀察。

去到22號早上，醫生決定幫我做催生，首先拮穿左羊水，但過左3個鐘醫生發現只開左1度，我又無陣痛，於是下午幫我打子宮收縮注射，但度數都係無開大到。去到下午四點幾本來好番既發燒發冷又出現返，醫生同我講細菌入血，又中covid，加埋妊娠毒血同糖尿病，要立即開刀，我個心果刻感到欣慰，個b 終於可以早d出世啦。但陣痛同時出現，惟有深呼吸忍痛，直到我晚上8點被推入手術室。
入到手術室麻醉科醫生幫我打嗎啡同麻醉針，之後我下身完全無感覺，跟住我見到醫生應該幫我開緊我肚皮，到21：13分我見到個b同埋哭聲，我個心覺得她震撼，個b終於出世啦！雖然手術室唔俾影相，但我見到個b個身都唔細（3.16kg），已經印象深刻。（未完）