懷孕前後今日: 24|主題: 329691

收藏本版

發帖

返回列表

跳至頁

查看: 6984 | 回覆: 9

生仔搵命搏實錄～入院第二週（23/8~29/8） [複製鏈接]

波大好生養

洋房

積分: 43

1^#

發表於 22-9-1 12:58 |只看該作者 |倒序瀏覽 |打印

上次講到個b係緊急開刀出世，之後個b被送到新生兒科病房隔離幾日。而我生完第一日又住產房特別護理室一晚，第二日再送返去隔離病房，做左兩日covid 快速測試係陰性。24號我被送去產後病房，跟住我又要打另一場仗……

23號我收到衛生署電話，問我同家族有無遺傳病，我答佢都唔清楚有無，就咁完。同日醫院姑娘俾左張綠色卡同單張我，佢話個b有酵素缺乏症，係遺傳病，我心諗：點解會咁？個腦一片空白，之後上網search呢個病，愈睇愈擔心，老公都search過，佢話呢個病係母親傳俾個仔，我聽到覺得好內疚，覺得我害左個仔，但始終上網search 既資訊未必作準，直到醫務社工安慰我不如問醫生，又話佢個仔對花生敏感，我又諗蠶豆症呢個病唔使食藥，只係避開蠶豆臭丸中藥就無事，所以我當佢係食物過敏就ok。

到24號我開始住產後病房，頭一個星期真係住得好唔慣。首先病房環境好嘈雜，隔離床bb喊聲搞到我每晚無覺好訓，同當時住隔離病房果種寧靜舒服程度有好大差別，搞到血壓突然好高。醫生開左血壓藥，但血壓都係無回落，要開特效血壓藥先無事。無計啦，我最唔鐘意姑娘突然話要量血壓，搞到我個人好緊張，個心平靜唔到。加上突然好多野諗，又好多憂慮，頭兩三日個心抑鬱到哭，好在我同老公傾先抒發到情緒，佢安慰我先平復番。

血壓高呢個問題，我諗起自己有妊娠毒血症，上網睇相關新聞知道有d媽媽因為呢個問題過左身，我見自己血壓特別高，好擔心下一胎會出事。醫生講明血壓太高唔俾出院，所以血壓高去到開左刀第一週都仲存在。

其實而家都未出到院主因係要打抗生素兩星期，之前醫生話細菌入血，結果日日要打3次抗生素先俾出院。

講番個b，自從轉左去產後病房後，威爾斯會安排產後媽媽每日去舊座6樓新生兒科病房探b一個鐘，先做左快速測試陰性就俾探b。本來我24號可以過去探佢。果日下午去到6H病房，個姑娘話個b未做完檢測，要連續3日檢測陰性先俾探佢，結果一場歡喜一場空，終於到26號收到果邊電話個b檢測陰性，轉左去6L普通兒科病房。（未完）