懷孕前後

收藏本版
發帖
返回列表
跳至頁

首頁
1

尾頁
   1
kcy0516


洋房

積分: 37


1#
發表於 22-9-16 17:32 |只看該作者
我係一個孖B爸爸, 但兩日後將會失去兩個寶寶

老婆一年前11W小產,超聲波見到BB得9W無心跳

一年後bingo再中, 今次係異卯孖胎.
老婆因為身體問題(單邊腎水泡) 有多年血壓高

由2X歲到3X歲現在一直都有食血壓藥.

今次孖胎過程一路都好小心, 過哂3個月 T21 結構 諗住無事

點知20週開始發現BB成長綬慢, 主要係血流差(供血問題)

而供血問題醫生判定為似係血壓高而影響

由20w-23w, 每次見醫生個情況都無好轉,仲差左

最後醫生都建議終止懷孕, 如要生出黎,BB生存率好低同媽媽都有危險,之後面對既問題也是一世

我地兩個都理性上明白, 所以選擇忍痛過幾日就會終止懷孕

=========================================

一個小朋友要出世真係唔容易, 見盡身邊既朋友都輕鬆地小朋友出世

自己好想要小朋友時, 無奈好多傷害黎到我地當中

雖然老婆下年先到高齡, 但係佢個心理狀態已經好差好差

醫生,朋友,其他人都講 小天使好快再黎, 後生再試下就OK

但係老婆親口講, 佢其實都好難再試第三次

因為自己無辦法控制到既身體狀況 (血壓高), 好難保第三次都會再經歷小產, 佢唔想再傷心多次

作為老公既我其實好想好想我地既家庭有自己既小朋友, 我都好傷心, 但老婆既情緒我唔知點幫佢

=========================================

想問有無有經歷既爸媽, 點樣可以幫老婆釋懷情緒, 好想佢走出兩次流產後既陰影

作為老公既我, 第一胎情緒上我好少感覺, 但係今次真係好唔開心

好想幫助到老婆, 依家每次係街到見到小朋友既野其實都想哭

=========================================

最後

芷允 芷妤, 雖然爸B 媽咪 只能同你做24W既一家人, 但我相信妳地係另一個世界開心快活做小天使

爸B 媽咪 永遠愛妳地
私人傳訊

YYChannn


男爵府

積分: 7302

2024年龍年勳章


2#
發表於 22-9-16 17:36 |只看該作者
唔知可以講咩安慰你地 睇完好心痛
私人傳訊

klsabb


男爵府

積分: 7829


3#
發表於 22-9-16 18:04 |只看該作者
加油呀爸爸媽媽!
要同小朋友講再見係好辛苦. 媽媽直頭心連心左咁多星期. 好好照顧自己...
私人傳訊

YING135246


別墅

積分: 551


4#
發表於 22-9-16 18:05 |只看該作者
聽完你甘講都好心痛，呢個時候，你老婆最需要既係你既支持，同佢講，最緊要係佢身體，其他既野都不重要。

私人傳訊

Yin807


大宅

積分: 3910


5#
發表於 22-9-16 19:51 |只看該作者
kcy0516 發表於 22-9-16 17:32
我係一個孖B爸爸, 但兩日後將會失去兩個寶寶

老婆一年前11W小產,超聲波見到BB得9W無心跳

我同你老婆既經歷同年紀都好相似，我能夠好快走番出黎主要係我有信仰既支持，同埋最重要係願意分享自己內心既感受好好抒發出黎，你可以睇番我舊文，我都有分享。同埋fb 有兩個群組"小產媽媽一起走" 同埋"stillbirth 媽媽一起走", 都有好多同路人support.

我頭一次係12wk 發現9週停左，呢次傷心但感受無咁深，果時照得無咁密同相處比較少。果時我靠睇youtube婚委會既失胎分享度過左，因為果d 分享係比我更加痛都能夠企番起身，仲可以去幫其他既人。果時我覺得可能係個天想我珍惜生命，因為本身唔係話好鍾意小朋友，呢個經歷可能都想我幫助身邊既人， 之後半年我好快又有左。
私人傳訊

Yin807


大宅

積分: 3910


6#
發表於 22-9-16 19:58 |只看該作者
Yin807 發表於 22-9-16 19:51
我同你老婆既經歷同年紀都好相似，我能夠好快走番出黎主要係我有信仰既支持，同埋最重要係願意分享自己內 ...

到第二次，經歷左好多，流啡出血，番唔到工同公司搞到好薑，以為挨過t21, 到結構發現有d 問題，當晚工都辭左諗住專心安胎。轉介左去廣華又話唔似好嚴重嘅問題唯有mon 住， 不過到有一星期胎動少左，再去照出現左好多問題，到第二日再一次停咗心跳。果下一片空白，同一個經歷發生咗兩次係一年之內.

好彩係我當晚無入院，番左屋企喊左一晚，個心真係好痛，廿幾週已經感受到胎動，個感受係好深到而家打番出黎都眼濕濕，係唔明點解又係我，第二日搵咗神父，佢同我講好多野都解釋唔到，不過我地無失去，因為佢地起天上面健康快樂係一個褔地。
私人傳訊

Yin807


大宅

積分: 3910


7#
發表於 22-9-16 20:05 |只看該作者
Yin807 發表於 22-9-16 19:58
到第二次，經歷左好多，流啡出血，番唔到工同公司搞到好薑，以為挨過t21, 到結構發現有d 問題，當晚工都辭 ...

果下我個心叫舒服左d, 安慰自己兩個小朋友可以互相陪伴冇咁悶.

到引產既日子，好不幸我胎盤出唔到，要入手術室,係連續兩次都係入手術室,嗰一刻又係一片空白,問點解又係我。

其實個心真係好傷，但幸運廣華d 醫生護士都好有愛，平時複診嘅助產士都有每日嚟同我傾偈。 到出左院既日子，我個心都係有屈結，我有搵社工傾訴，我搵左兩個社工傾訴，之後就好好多, 有一個佢之後間中都會關心下我，令我覺得有番d 溫䁔。

到阿b 去天使花園果日，經歷又係好痛好難忘，但最後好彩順利完成到， 釋懷左完成左一件事。

到而家隔左幾個月，我會掛住佢地，但我老公話掛住係唔應該覺得傷心
私人傳訊

Yin807


大宅

積分: 3910


8#
發表於 22-9-16 20:14 |只看該作者
Yin807 發表於 22-9-16 20:05
果下我個心叫舒服左d, 安慰自己兩個小朋友可以互相陪伴冇咁悶.

到引產既日子，好不幸我胎盤出唔到，要入 ...

我自己參透到既係，好多野唔係人可以控制，自己盡咗力就夠. 好似呢個世界點解有咁多意外不幸發生係某d 人身上，好似天秤事件咁我前排都好唔理解。

不過最近睇左套戲叫天堂奇癒記
一個關於奇蹟，真人真事既故事

曾經有埋怨點解奇蹟唔係發生係自己身上
但睇到結尾既領悟，令我記憶番出黎
雖然失去過，但其實中間遇到好多愛

愛同善就係奇蹟
身邊每一件事都可以視為奇蹟
故事既小女孩或者係因為有信德所以奇蹟發生係佢身上

有需要傾訴都可以pm 我
私人傳訊

c1102


別墅

積分: 692


9#
發表於 22-9-16 21:52 |只看該作者
kcy0516 發表於 22-9-16 17:32
我係一個孖B爸爸, 但兩日後將會失去兩個寶寶

老婆一年前11W小產,超聲波見到BB得9W無心跳

唔知點安慰你
但知道你太太心情一定好差
覺得自己問題搞到囡囡們要離開

加油，希望你地可以走出陰霾！
私人傳訊

cuceme


別墅

積分: 879


10#
發表於 22-9-16 22:49 |只看該作者
我都引產咗一個星期...我覺得最重要係咩唔開心,咩情緒都最好講出嚟...我知我地無咗個bb..我老公都一定好唔開心..但佢不停同我講最緊要我身體無事..同埋都會聽我講出我既情緒陪住我..佢另外都會安慰我bb要走可能本身都有啲潛在既問題...大家都唔想..我好衷心希望你同太太努力一齊走出今次經歷..每次懷孕都唔同...個天整定...放鬆心情,坐個小月...心情ok既,快啲接番小天使返嚟🙏🙏
私人傳訊

fifi3388


大宅

積分: 1768


11#
發表於 22-9-16 23:41 |只看該作者
kcy0516 發表於 22-9-16 17:32
我係一個孖B爸爸, 但兩日後將會失去兩個寶寶

老婆一年前11W小產,超聲波見到BB得9W無心跳

好心痛，要加油。

我小産過兩次但好早期未有心跳，但已經好難過。直到真係最有再左先釋懷到。

呢兩年我都明白老公承受好大壓力又好失望，但我自己都控制唔到自己情緒，時好時壞。再老土啲真係等時間過。但有時候聽到呢個有左，個個有左都好難受。

大家再傾下會唔會想試多次，決定左試就勇敢面對。唔試就大家扶持，兩公婆一齊逍遙快活，未常不可！
私人傳訊

hellomimi108


洋房

積分: 70


12#
發表於 22-9-17 23:17 |只看該作者
本帖最後由 hellomimi108 於 22-9-17 23:19 編輯

早期流產既原因通常同基因有關。我自己都試過，當初覺得好唔開心，因為bb都得來不易。嗰段時間，好羨慕同妒忌人哋有bb⋯⋯不過我唔開心，其實我知我老公都好唔開心… 我哋喊咗一排，又休息一排。去下飲飲食食，staycation，心情就好返啲。

陀雙胞胎風險不嬲都大啲，所以可能唔係好適合你太太。不過，依家仲重要嘅都係照顧好自己同太太！大家一齊傷心一陣就再振作！去玩下食下，轉換下心情！

希望你哋早日走出嚟，加油！
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見