其實有仔女冇仔女都係各有各好,各有各開心,我同老公鍾意小朋友,所以選擇生兩個,最理想其實係四個,但現實係錢同時間加要嘅心機做唔到,兩個已經好滿足。我女成日都話佢唔會生小朋友,太麻煩,佢唔鍾意,寧願養貓狗,不過佢都話責任大,佢知自己未必有能力照顧好寵物,佢問過我好多次,如果冇佢同哥哥,我同老公係咪會開心D,嗯,我話開心D又未必,養小朋友俾到我地嘅開心係其他嘢替代唔到,不過如果冇仔女的話,我會提早最少十年退休,同老公去旅行食嘢,享受生活,有仔女就點都要等到佢地大學畢業,可以養得起自己先。
花旗太太生活在花旗國,留意時差,你問我未必即時答到。