少年成長今日: 0|主題: 16043

收藏本版

發帖

返回列表

跳至頁

查看: 14116 | 回覆: 0

電子圖書 [複製鏈接]

csir3290

子爵府

積分: 12196

1^#

發表於 23-2-5 12:11 |只看該作者 |倒序瀏覽 |打印

近排搜集緊資料想買一部電子閱讀器俾對仔女，即係可以唔使買實體書而係買電子書代替，然後用電子閱讀器去閱讀。本來之前一路都好抗拒用電子閱讀器，因為總係覺得好似一部平板電腦咁，已經唔想細路仔成日對住啲電子設備，如果連睇書都用埋電子閱讀器就驚傷到佢哋隻眼同埋驚佢哋機不離手。但係屋企成日都面對一個問題，就係買書唔係問題但係要喺屋企搵地方放書先至係最大嘅問題。我成日都話要培養細路仔閱讀興趣其中一個好重要嘅因素就係啲書要隨手都可以攞到，咁細路仔先至會好方便咁隨時隨地都可以攞到書嚟睇。但係正正係咁，所以屋企已經四圍都放書，但係當越買越多嘅時候要搵地方放真係最大嘅問題。以前都會每兩個星期同阿仔阿女去一次圖書館，一次過借十幾本書返屋企睇，但係自從佢兩個開始大多咗功課做去圖書館嘅時間相對少咗，但係反而買嘅書就相對多咗。慢慢覺得屋企愈嚟愈多書，都試過將啲佢哋唔睇嘅書捐畀人，但係始終買嘅速度係快過捐書嘅速度。發覺咁唔係辦法所以就開始留意電子閱讀器。

喺搵資料過程入面其實發覺原來而家嘅電子閱讀器先進咗好多，同平板電腦好唔同，佢嘅發光技術已經做到真係好似睇書咁，而且佢本身發出的光比平板電腦低好多，亦唔會好似平板電腦咁有藍光發出，所以都唔會傷到細路仔嘅眼。而且而家嘅電子閱讀器同平板電腦好唔同，唔會好似平板咁可以download咁多唔同嘅apps，基本上佢主要嘅用處都係淨係攞嚟睇書。而且價錢比平板電腦平，一部基本嘅電子閱讀器其實講緊幾百蚊就已經可以，如果最貴嘅去到二三千蚊，但係我就覺得冇必要買到咁貴，因為其實功能上面只不過係多咗啲做筆記呀或者係防水功能或者係個mon靚啲咁解。其實幾百蚊至到千鬆啲蚊都已經好足夠。

所以到最後都係買咗一部千鬆啲蚊嘅嚟試下，暫時覺得嘅效果都好好買書亦都好方便，一部電子閱讀器已經可以儲到幾百本嘅書喺入面，要帶書出街睇或者去旅行嘅時候睇就真係方便咗好多。最好嘅就係可以利用埋康文署電子圖書館嘅功能可以喺電子圖書館借電子書睇。如果好好利用科技真係可以幫我哋解決到好多問題。