懷孕前後今日: 0|主題: 330660

收藏本版

發帖

返回列表

跳至頁

查看: 4929 | 回覆: 2

5次自然懷孕 3次流產成功生了2個 [複製鏈接]

Miniyaya

複式洋房

積分: 193

1^#

發表於 23-2-15 17:52 |只看該作者 |倒序瀏覽 |打印

想分享一下自己經歷，希望有需要嘅想實踐自己做媽媽或追多胎嘅可以多啲資訊，不要氣餒。有點長，關於睇醫生經歷：

我10年前生左第一胎囡囡，過了6年想有第2個，仔女都無所謂，但竟經歷了3年流產。
第一次無心跳人工流產
第二次8週
第三次5週

今次有左本來想睇返生第一胎嘅荃灣胡醫生但佢退休了，終於4週睇港安成日上電視又受訪問既婦科醫生，以前曾經睇過佢，但當晚態度好差，最後發現佢開左安胎藥，驗少少嘢HCG有100、血及基因醫院收費$3400。

諗緊搵邊個醫生時，剛剛之前排了威院私家個邊想check基因，咁啱有左5週就當產檢。去到見到個化哂妝Gel哂甲又係上過電視受訪問既女醫生，我地不嬲都好尊重啲醫生，但佢hea到照1分鐘就話見唔到有野又話好大機會流左或宮外孕，又話可以驗一大堆野將來做IVF。原先仲好落力叫我地俾多$9000驗埋comeseq基因分析，我地話唔需要啦，最後唔做個comeseq都$8600埋單。得一位姑娘態度正常啲，其他向佢鞠躬客氣講野都好似欠左佢咁。個醫生叫我keep住返去抽血check HCG指數，話HCG低會代表無，到出左result HCG3400又話高但照唔到又話都可能有事; 姑娘約啲時間我係唔得都唔改得; 仲要去抽下血又$千千聲，嬲嬲地推左唔去。啲姑娘開始無咁串，狂打電話叫我返去，個醫生講到自己幾忙，但仲想約我返去覆診。我老公話擰願我係屋企瞓床休息多啲，因為有啲唔穩定流啡，唔想一個星期要去三次，仲要每次講完令我好灰心，完全對佢失去信心，貼錢買難受。

過左5日後本來book左仁安張醫生但佢太忙推左我2次，所以睇仁安另一婦產科李醫生，初頭覺得佢好後生怕經驗不足，但發現佢好細心，好清晰，一照就搵到bb，原來bb安全著床係子宮內但較側邊位置，要啲時間照先睇到咁細嘅bb。當時我地放下心頭大石，幾出名上哂電視都無用。每次產檢佢都好好，姑娘態度又幾好，李醫生又好細心解答問題，而且好有品德，仲成日問我仲有無問題，我地都怕阻住佢無咩想問，最緊要係bb健康。
有份report係威院私家個度都未攞返,因為威院個女醫生話我唔去睇唔可以俾返我，要自行申請有機會等2-3個月。諗著算啦，而且李醫生仲話個report其實好多都唔係太需要做，心諗錢駛左由佢，起碼睇清佢嘅人品同工作辦事能力，好彩無再睇個女醫生。最後李醫生幫我地攞得返個report。
好開心個天俾多次機會我地生左個妹妹，最緊要健康

經歷整個過程，明白人生要一切隨緣。自己又要管理好時間同情緒因為除左要駛好多錢$，而我仲要打理生意，一邊返工，一邊照顧大囡，仲要過好多關：
由備孕、check體溫、驗排卵、成功懷孕。
之後擔心宮外孕、流啡、瞓床、穩定後食慾不振。跟住度頸皮過T18、T21、驗structure、驗糖尿。入醫院前都一路好驚畢竟開刀都係大
手術，但生bb係好值得既人生大事，又係上天賜俾自己既禮物 🎁，所以有心既媽媽加油！