自由講場

跳至

首頁
12345...13

尾頁
   10


複式洋房

積分: 226


發表於 23-3-24 07:09 |顯示全部帖子
本帖最後由 Matthew.Wong 於 23-3-24 21:29 編輯

我的兒子今年9月就會升小學,但因為身體問題,他現在仍要著紙尿片/褲仔。
他忍不到小便,一急尿就一、兩分鐘之內就會瀨。依加如果著褲仔(學習褲之類的)佢可以自己換,在幼稚園瀨濕左都係可以自己換,姨姨只是需要幫他整理一下,唔好著到東歪西倒。在家中我都讓他著褲仔為主,比機會佢自己練習換褲仔,晚上訓教才幫他包尿片。

有睇醫生,有定期去兒科覆診。醫生的意見是他頗有可能在青春期,d肌肉發展好d時就會有改善。醫生是建議觀察到佢青春期,大約14、15歲,才決定動不動手術。

我已經慢慢同佢講,小學會有小息,要自己去廁所。如果佢自己有去廁所,就會減少瀨出來的機會。但始於返學時間長,他的情況好難守得住全日都唔瀨。幼稚園都還好,始於有d小朋友都會有意外或姐未戒片;現在的學校也好好,體諒他的情況,無話佢高班都未戒片就有問題。但去到小學,應該無小學會預有學生戒唔到片...?

我現在的擔憂同煩惱係....
1. 驚佢返小學會被人笑。現在高班要著片其實都曾經被同學笑,如果去小學生點算...?
2. 點開口同學校講佢戒唔到片...?學校會唔會唔鍾意...?
3. 應該點樣同學校夾?我心中諗緊想學校比佢去校務處、醫務室的地方換褲仔。最好可以有位比我放包褲仔響到,如果要呀仔日日放d褲仔響書包,佢會覺得更加尷尬。我唔介意每個月搵一日帶兩包褲仔放響學校,咁呀仔就唔駛自己帶褲仔返學。但學校會唔會唔肯...?


珍珠宮

積分: 47950

2024年龍年勳章 2024勳章 2023年兔年勳章 虎到金來勳章 2018復活節勳章 育兒性格勳章 我的育兒心得勳章 好媽媽勳章 醒目開學勳章 親子王國15週年勳章


發表於 23-3-24 07:19 |顯示全部帖子

回覆樓主:

其實返到屋企
係咪可以訓練一下
起碼吾使焗住

學校同學點睇
都吾係可以控制到
最重要自己願意表達
一定可以相討適合相方安排


大宅

積分: 2505


發表於 23-3-24 07:25 |顯示全部帖子
我依家就嚟40歲,我都仲好記得一年班嘅時候有個女同學上科學堂瀨尿,小學開始啲小朋友就會幫人改花名,真係要有心理準備啲同學仔笑佢


寶石宮

積分: 330932

2024年龍年勳章 2024勳章 2023年兔年勳章 虎到金來勳章 2021可愛聖誕B勳章 牛年勳章 2018復活節勳章 2018母親節勳章 2018父親節勳章 畀面勳章 環保接龍勳章 BK Milk勳章


發表於 23-3-24 07:28 |顯示全部帖子
Matthew.Wong 發表於 23-3-24 07:09
我的兒子今年9月就會升小學,但因為身體問題,他現在仍要著紙尿片/褲仔。
他忍不到小便,一急尿就一、兩分 ...

普通小學就好少俾學生放褲仔或者尿片喺學校,除非學校有櫃桶
開學初都要通知班主任(口講/交信),老師可能都要解釋每個人嘅不同

以前班上小朋友要帶腳架,要老師拖住行,另一位有白化病,戴茶色眼鏡,都有略略講解每個人嘅需要不同,大家都無取笑佢地,仲主動幫/照顧

不要從別人的嘴裡去認識我


男爵府

積分: 9715


發表於 23-3-24 07:29 |顯示全部帖子
我小朋友K3時有日返屋企同我講有個同學仲著尿片,之後我先知個同學有自理問題,如果可以調教做到下,不如你地train下佢總好過成日要up住


男爵府

積分: 8524


發表於 23-3-24 07:30 |顯示全部帖子
呢個係佢健康問題,佢有睇醫生,先叫兒科寫封信證明你小朋友係身體情況需要用片,再同學校講。
如一講完學校態度唔好唔配合,拎醫生封信比埋學校。校方如果有咩行為言語對你小朋友比其他一般小朋友差,有機會係殘疾歧視。
至於其他同學嘅態度,就好難控制,尤其年紀細唔一定理解,盡量希望唔洗比其他同學知,病係私隱。


複式洋房

積分: 226


發表於 23-3-24 07:33 |顯示全部帖子
YY1101 發表於 23-3-24 07:19
其實返到屋企
係咪可以訓練一下
起碼吾使焗住

有按醫生建議訓練,但醫生的建議係調返轉,響家中就更加要著褲仔,叫佢急都唔好去廁所,要盡量hold,hold到幾耐得幾耐,咁d肌肉先會習慣hold小便。所以在家中就要著褲仔,唔好去廁所,忍到1分鐘就1分鐘、兩分鐘就兩分鐘。

因為佢個情況同一般小朋友唔同,佢意識係知道急係應該去廁所,但身體急一陣就已經自己瀨出來。所以同訓練一段小朋友唔同,唔係要佢學識覺得急就要廁所,而且要佢身體知道急其實都可以hold一陣,唔好即刻瀨出來。

其實有得唔著我都想,褲仔好貴$$$$$$$$$$$$
不過都唔可以同呀仔講錢,佢忍到小便就得。所以依加佢係會盡力忍,忍到身體自己瀨出來就瀨落褲仔到。


男爵府

積分: 6787


發表於 23-3-24 07:34 |顯示全部帖子

回覆樓主:

本帖最後由 loving_mybaby 於 23-3-24 07:35 編輯

尿片著係入面無人知,比多個塊尿片佢放小息袋,瀨左就自己換,自己整理,小學應該無姨姨可以長期幫他


複式洋房

積分: 226


發表於 23-3-24 07:34 |顯示全部帖子
LOVECNBLUE 發表於 23-3-24 07:25
我依家就嚟40歲,我都仲好記得一年班嘅時候有個女同學上科學堂瀨尿,小學開始啲小朋友就會幫人改花名,真係 ...

唉..我都怕....
希望學校配合的話,佢唔會被同學發現佢要著褲仔。(雖然我都知好難....小朋友玩得多總有機會發現....)


男爵府

積分: 5334


發表於 23-3-24 07:37 |顯示全部帖子
同學校解釋清楚個原因,小朋友係因為身體問題,已睇左醫生,可能要做手術⋯學校應該會體諒,同你商討對策。

同學仔會笑,比定心理準備小朋友,教佢如何面對,怕佢返學搞到好緊張同唔開心。


複式洋房

積分: 226


發表於 23-3-24 07:39 |顯示全部帖子
crystal媽咪 發表於 23-3-24 07:28
普通小學就好少俾學生放褲仔或者尿片喺學校,除非學校有櫃桶
開學初都要通知班主任(口講/交信),老師可能 ...

我都明,所以都驚校方唔比我放d片響學校....
但如果要佢放書包,佢拿去換時就更加容易被同學見到.....


水晶宮

積分: 60042

畀面勳章


發表於 23-3-24 07:41 |顯示全部帖子
同学校倾,睇下点安排,其實如學校係好,應該唔難處理到。至於你話怕同學笑,都難避免,但係睇吓老師識唔識處理。呢啲到時先算,你要同小朋友講不是佢問題,開解下佢

唔知你小朋友實際情況,但會唔會可以訓練一下會有改善?有時便急可能有啲心理影響?覺得一急就一定要痾否則會癩?有冇試過唔包片?因為有咗片可能就有依賴丶覺得一急就可以痾響條片度?





寶石宮

積分: 330932

2024年龍年勳章 2024勳章 2023年兔年勳章 虎到金來勳章 2021可愛聖誕B勳章 牛年勳章 2018復活節勳章 2018母親節勳章 2018父親節勳章 畀面勳章 環保接龍勳章 BK Milk勳章


發表於 23-3-24 07:41 |顯示全部帖子
Matthew.Wong 發表於 23-3-24 07:39
我都明,所以都驚校方唔比我放d片響學校....
但如果要佢放書包,佢拿去換時就更加容易被同學見到.....
...

如果放書包可以用不透明膠袋或者布袋入住,喺廁格內換
校務處/醫療室應該唔俾,私隱問題
不要從別人的嘴裡去認識我


侯爵府

積分: 22878


發表於 23-3-24 07:42 |顯示全部帖子
crystal媽咪 發表於 23-3-24 07:28
普通小學就好少俾學生放褲仔或者尿片喺學校,除非學校有櫃桶
開學初都要通知班主任(口講/交信),老師可能 ...

x2,一早向學校報告,話係個病,小朋友有健康問題,唔使特別隱瞞,正常唔會取笑。
咁細嘅小朋友唔知頭唔知路,好多時取笑人都係聽人講。如果佢乜都唔知,返去同家長講呀乜乜今日瀨veevee,個家長可能順口答咁醜怪嘅..blahblah.......咁小朋友返學咪會取笑人囉。
如果小朋友一早知位同學仔有病,咁同家長講完,正常家長都會叫小朋友理解有病同學仔唔準話人。


珍珠宮

積分: 36214


發表於 23-3-24 07:43 |顯示全部帖子
Matthew.Wong 發表於 23-3-24 07:39
我都明,所以都驚校方唔比我放d片響學校....
但如果要佢放書包,佢拿去換時就更加容易被同學見到.....
...

你預左學校會唔俾先,就算學校俾你擺,佢都要攞去廁所,俾個袋仔佢袋住,好似女士搵個袋仔去廁所換m巾咁


寶石宮

積分: 330932

2024年龍年勳章 2024勳章 2023年兔年勳章 虎到金來勳章 2021可愛聖誕B勳章 牛年勳章 2018復活節勳章 2018母親節勳章 2018父親節勳章 畀面勳章 環保接龍勳章 BK Milk勳章


發表於 23-3-24 07:45 |顯示全部帖子
pochario 發表於 23-3-24 07:42
x2,一早向學校報告,話係個病,小朋友有健康問題,唔使特別隱瞞,正常唔會取笑。
咁細嘅小朋友唔知頭唔知 ...


當然我唔知實際情況
但係我諗平時上堂一堂40分鐘,可能2至3堂才有小息。上課途中或需要去廁所,老師可能解釋佢有需要去得比較多,就唔係講話佢有啲乜病

如果同學都係笑,可能第時老師都要正面處理同埋提醒
不要從別人的嘴裡去認識我


侯爵府

積分: 21051

牛年勳章 2018復活節勳章


發表於 23-3-24 07:47 |顯示全部帖子

回覆樓主:

本帖最後由 IHateSummer 於 23-3-24 07:48 編輯

照直講
但老師同學歧唔歧視就睇彩數
咁岩分著一班班主任衰啲,班上同學曳啲
我諗都要有定心理準備
始終呢個情況係主流學校應該真係好罕見
我覺得除左同小朋友講定要識自己去廁所
仲要事前俾定心理準備佢
教佢唔好理人閒言閒語
如果同學真係惡言相向
教佢點樣回應
當然 可能事情未必係咁差
純粹要預備定


大宅

積分: 4802


發表於 23-3-24 07:48 |顯示全部帖子
唔好諗咁多,同左學校講先… 其實,你個仔既情況唔會好影響學校個運作,佢地只需要行個方便或體諒仔仔情況

同埋,小學生們已有一定既理解能力,如有同學仔知道,叫仔仔大膽講出自己個病… 無人想自己有病,有病絕對唔係問題,到時有同學仔笑都只係個同學仔思想狹隘,無須理會


加油!


琥珀宮

積分: 188941

2024年龍年勳章 牛年勳章 2018復活節勳章 育兒性格勳章 好媽媽勳章 醒目開學勳章 畀面勳章 環保接龍勳章 大廚勳章 BK Milk勳章 15週年勳章 親子王國15週年勳章 親子王國15週年勳章


發表於 23-3-24 07:49 |顯示全部帖子
預備醫生信俾校方/班主任備案!


複式洋房

積分: 226


發表於 23-3-24 07:51 |顯示全部帖子
Catkooroo 發表於 23-3-24 07:37
同學校解釋清楚個原因,小朋友係因為身體問題,已睇左醫生,可能要做手術⋯學校應該會體諒,同你商討對策。 ...

佢依加高班都有同學笑過佢,不過幼稚園有老師全天候睇先都ok
不過小學真係唔知點....

首頁
12345...13

尾頁

跳至