自由講場今日: 2151|主題: 1352663

收藏本版

發帖

返回列表

跳至頁

查看: 24384 | 回覆: 137

12 3 4 5...7

積分: 4562

1^#

發表於 23-11-1 13:58 |只看該作者 |倒序瀏覽 |打印

唔知大家信唔信, 我同親人本身都係無神論者, 我親人最近有一晚瞓覺, 佢慣性隻手係伸出來咁瞓, 瞓瞓下覺好確實咁感覺有一隻好溫暖既手踏住佢隻手, 佢好肯定唔係佢老公, 因為佢老公鼻寒聲太大佢地係調轉咁瞓, 果晚後佢間中都覺得有耳鳴, 又有鼓氣場係附近咁, 之後忍唔住我同佢一齊去鵝頸橋求助, 俾左幾百蚊個阿姑話幫佢驅走啲太陰運之類, 跟住佢又同另一個相熟姨姨提起, 姨姨就話幫佢返大陸搞, 之後話原來係幫佢擲聖杯, 咁後來係平靜左幾日既, 但無耐呢種感覺又間中出現。
直至上星期, 佢個女本身係讀天主教幼稚園既, 有一晚忽然話: 媽媽, 不如我地地一齊祈禱呀, 雙手合埋就係打電話俾天父既, 咁我親人就順佢意一齊祈禱啦, 點知一祈禱佢直頭感到有一股好強烈既感覺係一個觸現既麻痹感由腳衝上後腦, 一股恐怖既氣場包圍住全身咁, 佢話未試過係咁強烈, 好肯定有啲野係佢體內, 跟住成晚都係呢種感覺完全瞓唔到, 直到第二日佢向朋友求助, 本身朋友係信基督教既, 叫左親人去佢屋企瞓一晚, 當晚有一齊念經文, 又祈禱播詩歌, 佢係Feel到一做呢啲動作體內既野就會有回應同反抗, 同埋我之前同佢whatsapp既對話中, 有提及過不如搵人幫佢品下神之類啦, 佢話feel到果隻野係想佢向住呢個方向做, 因為隻野知道品神之類對佢無作用, 當我親人拒絕我時, 隻野即刻有回應好似唔高興咁...

到第二日, 佢朋友建議不如一齊去教會聽禱告, 完後一齊搵牧師傾啦, 咁我地有去到既, 之後真係搵牧師, 佢地就叫我地去房入面傾返詳情, 然後牧師就問左幾次我親人會唔會決志只專一信耶蘇基督, 唔會再信其他神神怪怪既野, 我親人就決志左, 之後牧師送左本聖經俾佢, 同建議佢都係念下經文, 祈下禱, 睇聖經之類, 話再約佢下次再見面, 會叫埋另一個牧師過來。到前日, 佢地再約見, 果次我就無去既, 事後講返其實都係祈下禱咁。

不過由上星期到依家, 佢都係每晚都仲係俾果隻野騷擾, 仲好似愈來愈變本加厲, 佢一瞓著總會用各種唔同方法整醒佢, 例如令佢有觸電麻痹感, 發夢時就令佢發惡夢嚇醒, 合埋眼就會見到好似有人影閃來閃去, 又捉住佢隻手etc...就算佢祈禱, 好似都無乜太大幫助咁, 隻野係決心令佢無得瞓覺咁, 我好擔心再咁落去佢會崩潰, 但又唔知有咩可以幫到佢, 佢有講都係想透過基督方式解決, 唔想搞其他神怪野, 但我暫時就咁睇好似幫助唔大咁, 有諗過暗中搵人透過另一啲方式幫佢, 但又怕弄巧反拙, 又有時諗, 其實係真係邪靈既作崇, 定係精神問題既一種? 唔知各位會唔會有相關既經驗或有咩建議, 我好擔心佢