自由講場今日: 318|主題: 1315800

收藏本版

回覆發帖

返回列表

跳至頁

查看: 2877 | 回覆: 19

盧宛茵爆被後輩教做戲批評年青藝人成班隨從服侍 [複製鏈接]

nicksonma

侯爵府

積分: 23157

2024勳章美好大世界2017勳章認識瑞士牛牛第三回認識瑞士牛牛第二回認識瑞士牛牛第一回育兒性格勳章我的育兒心得勳章分享愛夏天玩到顛 hashtag旅遊勳章 DHA勳章 hashtag影視迷勳章大廚勳章叻叻勳章 wyeth冷知識勳章畀面勳章親子達人勳章 BK Milk勳章

1^#

發表於 24-2-27 16:57 |只看該作者 |倒序瀏覽 |打印

盧宛茵爆被後輩教做戲

唔知講緊邊個電視台同邊個後輩呢?

前亞視製作人楊紹鴻近年開設Youtube頻道，同曾經合作過嘅藝人訪問傾偈。楊紹鴻近期搵到兩位資歷深厚嘅演員盧宛茵同吳浣儀做嘉賓。

盧宛茵爆被後輩教做戲批評年青藝人搵一班人服待︰發哥都唔會有啦
盧宛茵爆被後輩教做戲批評年青藝人搵一班人服待︰發哥都唔會有啦
一輪熱身之後，楊紹鴻入正題問2位對現今電視圈嘅睇法，人稱Madam嘅盧宛茵先係大笑一番，然後直言「每況愈下」，而吳浣儀認同之餘再加多句「夕陽工業」。三人講到演員水平，楊紹鴻話而家好多劇集嘅角色都係冇父母，因為「冇晒甘草演員」。而盧宛茵對於新一代水平未夠有佢嘅睇法，Madam話「我哋以前都有戲劇大師，即係阿King（鍾景輝）教我哋呀嘛，我哋都獲益良多。但而家唔係，『好聲音』唱吓歌又話『得喇，出嚟拍啦』，賣吓廣告又話拍啦！」，而吳浣儀就認為好多後輩基本功唔夠。

盧宛茵爆被後輩教做戲批評年青藝人搵一班人服待︰發哥都唔會有啦
盧宛茵爆被後輩教做戲批評年青藝人搵一班人服待︰發哥都唔會有啦
講到興起，盧宛茵直指有後輩「樣樣唔識一舊雲，仲要教人喎」，隨即自爆開工時被後輩「指點」，「試過叫我呀……『你呢句對白應該咁講喎』」，當時Madam聽到「吓」一聲再望吓對方，無理到「意見」，「咪照我自己做囉，使乜理佢？」。咁後輩請教前輩呢？盧宛茵同吳浣儀都話好少，但效力亞視多年嘅吳浣儀話試過指點下，對方都接受，盧宛茵聞言立即唔同意，仲話「唔好呀，黑面㗎！」，而楊紹鴻就打圓場話「可能唔同電視台啦」。

曾經喺內地工作嘅楊紹鴻，自言多年前已經認為部份經理人公司硬捧旗下藝人，搞亂整個影視圈，對行業造成影響。「將啲演員當成賺錢工具，未紅已經捧到佢哋變天王巨星」，楊紹鴻提到有年輕藝人身邊有多名工作人員服侍時，吳浣儀都話有見過呢啲場面。盧宛茵憶述八十年代拍長劇《季節》，碧姐（鄧碧雲）都係一個人返嚟開工，對於而家嘅情況嗤之以鼻，認為此風不可長。「睇到啲人出外景我都作嘔呀，一個拎遮、一個拎茶、一個撥扇，嘩！大佬而家咩事呀？」，吳浣儀亦和應「發哥（周潤發）都唔會有啦！」。

講完年青藝人，三位前輩都提到電視台管理層睇錢份上，盧宛茵試過喺某場合同一位高層碰面，Madam談到對電視台某劇集嘅意見時，高層竟然一頭霧水，估計對方應該唔清楚劇集製作情況。