本帖最後由 choyki 於 24-3-26 13:32 編輯
juniormiu 發表於 24-3-26 12:31 
係，以我理解其實似同保險公司對賭，你之前供嘅錢，日後每月所謂嘅自製長糧其實都係自己嘅錢，只係保險公司每月退番俾你，直至你供嘅錢已退盡，先係保險公司倒貼番俾你直至百年歸老，所以如果到時有80幾歲以上就應該先會賺咗
保險公司係做生意，唔會賭。
賭嘅係投保人（同其他投保人對賭），年金：短命嘅輸，長命嘅贏；壽險：長命嘅輸，短命嘅贏。
保險公司只係做中間人，各投保人將保費畀保險公司保管、投資增值，保險公司喺既定嘅倩況下將適當嘅保障額畀返適當嘅投保人，保險公司賺返啲服務費。保險公司亦唔可以亂賠，亂賠對其他投保人唔公平（因為實際上係投保人之間對賭，賠嘅其實係其他投保人嘅錢，唔係保險公司嘅錢，保險公司要公正）。
保險公司按死亡率計算保費，死亡率高啲，保費就高啲，死亡率低啲，保費就低啲，唔係賭，唔會輸。
喺未有保險前，就好似粵語殘片嘅情節咁：當某人有事要入院，但無錢，於是成班隔離鄰舍街坊一齊夾錢畀佢入院。下次輪到第個有事，又大家一齊夾錢畀佢。無事嘅就輸，有事嘅就贏。
有保險後，夾錢就喺未有事前、未需要入院前先夾定，由保險公司保管、投資增值，邊個有事時就畀錢邊個，咁就唔使好似粵語殘片嘅情節咁到有事時先嚟夾錢。同樣係無事嘅就輸，有事嘅就贏，保險公司則唔會賭，唔會有贏輸，只係會有賺蝕——賺服務費，投資增值就賺，減值就蝕——所以保險公司嘅投資好保守，主要係投資債券——持有至到期就唔會蝕——投資增值亦唔係保險公司賺咗，而係會分畀投保人、令保費降低。政府年金應該有啲褔利成份，話唔定會蝕——如果蝕，都只係蝕納稅人嘅錢。
我做月供股票系統。 講笑。 不是。
我做證券，認識做月供股票系統的人。 也是講笑。 不是。
向證券公司推銷月供股票系統不容易。
發表於 
返回列表
