自由講場今日: 230|主題: 1353398

收藏本版

發帖

返回列表

跳至頁

查看: 949 | 回覆: 1

肥媽分享馭夫術：女人要扮吓儍唔好咁叻 [複製鏈接]

monkeymoney12

大宅

積分: 1528

1^#

發表於 24-5-30 15:39 |只看該作者 |倒序瀏覽 |打印

肥媽從第一度婚姻失敗獲啟發　分享馭夫術：女人要扮吓儍唔好咁叻

Maria Cordero（肥媽）前日（5月28日）到新城廣播接受《QK玉瑛室》主持譚玉瑛、何基佑及麥皓兒訪問，肥媽在節目中大談兒時艱苦經歷，又分享與已故丈夫的溫馨點滴及如何「馴服」老公，就連譚玉瑛都忍不住說：「啲女人都要向你學習。」

今年70歲的肥媽7歲便當家，年紀小小已肩負起養家及照顧家中7兄弟姊妹，肥媽指當時每日拿着5毫子買餸，但會盡絞腦汁如何打斧頭，又會去採摘別人家花園的生果出售賺零用錢。

被羅君左封為「肥媽」

肥媽憶述，自己11歳便借別人的身分證外出到工廠打工，回家再和家人一起穿膠花賺錢，她稱：「我賺嘅錢去到15號就冇晒，出糧個糧袋都未返屋企就拎去還錢，依家自從有咗信用咭，啲人係冇信用，我哋以前冇信用咭但好有信用，唔會走咗去，依家自從有咗信用咭，啲人可以宣布破產就唔還。」

於1985年，肥媽在廣東道一間的士高獻唱，她指當時梅艷芳和草蜢等講得出的歌手都在該的士高。

當時不少人事無大小都會找她幫忙，她就像一個媽咪般幫助眾人，故被封為肥媽，稱：「有人生暗瘡，叫我幫佢點一點，有人有口氣，我就煲啲涼茶、湯水畀佢哋飲，又成日勸佢哋唔好飲咁多酒，呢個係阿媽嘅習慣，羅君左話我成個阿媽咁、又肥，所以就叫我肥媽，由佢開始叫，之後個個都叫我肥媽。」