自由講場 今日: 2031 | 主題: 1338824

積分: 33494

畀面勳章

3^#

發表於 24-8-22 11:01 |只看該作者

回覆樓主:

一句講哂，要夠自私

私人傳訊回覆引用

rebeccalin

積分: 29882

牛年勳章

4^#

發表於 24-8-22 11:04 |只看該作者

回覆樓主:

我都想遠離，但有D人唔係話遠離就可以遠離，好似6299咁樣，呢排俾佢地煩到我血壓下壓長期係100徘徊，好唔容易有一兩日降到90以下，佢地一打電話來就會僸著我個血壓飆升掣，搞到我忍唔住爆我老公，叫佢同佢老豆老母講話我身體唔好，需要靜養，有咩事打俾個仔好啦，唔好打俾我

私人傳訊回覆引用

volan

伯爵府

積分: 16746

5^#

發表於 24-8-22 11:17 |只看該作者

農村的長壽老人真係無人發現佢才咁長壽

四季如春，真人一日立一萬功，一年創一千奇蹟，每日總食物量300g，天天做勝利女神，中年都貌若春季少女，無論生活多一點事物或少一點事物，就100%駕馭它們，然後行得更順風，練成金剛不壞身，百無禁忌。

私人傳訊回覆引用

kiki1230

男爵府

積分: 7521

6^#

發表於 24-8-22 13:08 |只看該作者

littlefunpig 發表於 24-8-22 10:59
唔比麻煩友影響自己心情對身體好D

我好年青就知道要選擇朋友，細個時有啲鄰居住同一條邨，由細玩到大，佢地讀書唔成，得我入到大學，出黎食飯，同我講，你係大學生搵咁多，唔係你請咩

我果陣時都係剛剛出黎做野咋喎

咁我都冇嬲，大家識咁多年，當講下笑啫

之後變本加厲，越來越嚴重，每次飯局，個個揹晒名牌袋，句句說話都講到自己撈得好掂，唔會冇大學讀生活就差過我咁，但以我所知，佢地打份工都係萬零蚊

我有時去旅行，又話我曬命，總之講咩都係有骨，單單打打

最後我同佢地都要割蓆，我父母後來都搬走埋，我同佢地完全斷聯

私人傳訊回覆引用

積分: 29908

7^#

發表於 24-8-22 13:11 |只看該作者

點為之麻煩友？

對我來講，一開口就走埋嚟同我講是非，或者全負能量次次都呻既人，我會敬而遠之。

私人傳訊回覆引用

kiki1230

男爵府

積分: 7521

8^#

發表於 24-8-22 13:13 |只看該作者

zoie_w 發表於 24-8-22 13:11
點為之麻煩友？

對我來講，一開口就走埋嚟同我講是非，或者全負能量次次都呻既人，我會敬而遠之。

我6樓有講，同埋黎搵著數

私人傳訊回覆引用

noodle_noodle

伯爵府

積分: 19234

9^#

發表於 24-8-22 13:32 |只看該作者

kiki1230 發表於 24-8-22 10:52
原來衰到冇朋友係真架麻煩友會比人遠離

世界最老婆婆逝世享年117歲‎ 昔談長壽秘 ...

咁我一定係短命種，每日都好多煩惱包圍我

私人傳訊回覆引用

積分: 29908

10^#

發表於 24-8-22 19:25 |只看該作者

kiki1230 發表於 24-8-22 13:13
我6樓有講，同埋黎搵著數

有睇到，謝謝你分享

同埋我覺得如果大家層次唔同咗或生活背景唔同左都好難做到朋友，我有啲朋友本身際遇好，佢唔會明白我做嘢際遇唔好所遇到嘅挫折有幾唔開心，同埋佢哋結婚生仔組織家庭，同我單身一個人生活又唔同，所以慢慢就會疏遠。

其實我本身朋友真係唔多，同我深交到嘅就更加少，我唔係好鍾意同女性做朋友，由細到大都覺得佢哋對我唔好，打擊我，一係就喺我背後講我，無啦啦玩杯葛呢啲小學雞行為。

到咗人大咗，尤其是呢幾年，怕咗講是非嘅人，自己都開始講少咗，覺得咁樣喺背後講人唔啱，唔鍾意嗰個人最多唔同佢講嘢，唔鍾意嘅人一定有，講佢都係一句起兩句止，唔想成日挑起個話題講佢，覺得好八婆，加上我之前賤上司同啲八婆同事都係咁樣嘅人，所以更加反感，唔想自己係咁。

另外就係乜嘢都係百彈齋主嘅人，怕怕

私人傳訊回覆引用

youjump

子爵府

積分: 11653

2024年龍年勳章虎到金來勳章 2021可愛聖誕B勳章減齡達人勳章牛年勳章 15週年勳章畀面勳章 BK Milk勳章 KMALL特別版勳章 BB防敏心得分享勳章

11^#

發表於 24-8-22 19:27 |只看該作者

回覆樓主:

做人要無憂無慮好難

私人傳訊回覆引用

Ritzmary

積分: 37249

2025勳章 2025勳章蛇年勳章虎到金來勳章

12^#

發表於 24-8-22 19:31 |只看該作者

回覆樓主:

麻煩友咪老公個邊，冚家都衰格賤格又富貴

私人傳訊回覆引用

積分: 29908

13^#

發表於 24-8-22 19:37 |只看該作者

回覆樓主：

本帖最後由 zoie_w 於 24-8-22 19:54 編輯

趁呢個post，我都想分享一件事，就係我唔夠決絕，做唔到樓主嗰種對朋友嘅絕情，惹起一個麻煩人喺背後唱我講我：（有啲長）

話說呢個朋友係一個auntie，一個上咗年紀又冇咩分寸又貪玩嘅auntie ，我身邊有啲朋友都叮囑我同佢保持距離甚至劃清界線會比較好，因為話佢唔顧場合玩冇分寸，怕佢同我太close會影響其他人對我嘅觀感會唔好，但係我做唔到，打後都有繼續同佢有聯繫，冇話唔睬佢或者刻意同佢保持距離。

跟住佢上年有cancer，間中都有同佢聯絡鼓勵佢同佢打氣，其他人都陸續知道會關心佢，嗰陣時我都冇諗佢會利用自己個病去得到人哋嘅關心去攞着數（着數唔一定係錢，可以係人哋嘅關心關注，將自己嘅地位提升）嗰陣時我覺得就算佢真係利用自己個病，只要佢開心我都覺得冇所謂。

後來經過一件事，我同一個朋友反左面，關係明顯變差，而呢個朋友係有一定地位，呢個auntie為咗唔想得罪呢個朋友，佢竟然同我劃清界線， block晒我，嗰陣時我好傷心，因為覺得大半年我都係陪住佢打呢場仗，而家佢病好咗，但係咁樣對我，加上我同嗰個朋友關係搞成咁都令到我好傷心，咁嗰陣時我好大打擊，我有同Auntie開心建成咁講，同埋同佢道歉，唔知係咪因為我唔開心，所以同呢個auntie講太多呢個朋友嘅事令到佢承受唔到呢啲負能量，但原來呢個只係我嘅諗法，真相就係佢親眼見到我同嗰個朋友關係變差，佢覺得我同嗰個朋友好唔返，所以當機立斷，同我劃清界線

我估唔到之前有人同我講叫我同佢劃清界線嘅時候我做唔到，估唔到呢個生完cancer好返返嚟嘅Auntie會咁樣對我，之後佢主動又同我好返，不過原來都係利用我，一句講晒，呢個auntie根本就係食飽飯冇嘢做，鍾意搞屎棍，搞事搞非，我同佢講完嘅嘢，佢轉頭同我喇叭嘴唱晒出去，仲要喺背後笑我話我，完全冇感激我之前一直關心佢，噓寒問暖，只諗自己利益，當覺得我冇利用價值嘅時候就同我劃清界線，佢為咗掩飾自己賣友求榮咁卑鄙既行為，佢走去同人講話係我同佢講太多負能量嘅嘢，令到佢好攰，講大話唔眨眼，利用自己個病博同情。

我發覺同佢泛泛之交 hi bye冇問題，因為唔同佢講自己咁多嘢，佢冇嘢好唱，同佢太close，俾佢知道我太多嘢，同埋只要唔認同佢嘅說話，佢就會唔鐘意，話人係丁蟹，野蠻，乜都要人哋認同佢嗰套，唔啱聽就會喺背後周圍唱我講我是非搞小動作，正八婆，佢呢啲咁㒼塞嘅人先至係丁蟹。

我都好多謝有呢個post可以俾我將呢件事講出嚟，因為呢件事個auntie咁對我，我淨係可以同我最close嗰幾個朋友講，我如果同其他人講，變相就係我講人是非，同埋冇人會相信，因為大部份人都覺得Auntie係一個比較成熟嘅老人家，應該唔會做啲咁嘅嘢，加上啱啱病完，大家點都會俾啲同情分佢，我之所以一直以來相信佢同佢分享咗自己咁多嘢，講咗好多我同嗰個朋友嘅事，就係因為嗰個朋友係我哋嘅共同朋友，加上我覺得Auntie係一個我信得過嘅長輩，點知原來佢咁差，把口又唔收，乜都噏得出，自己諗嘅嘢就當真，周圍同人講，呢啲真係八婆。

私人傳訊回覆引用

柔伊

積分: 49713

hashtag影視迷勳章

14^#

發表於 24-8-22 20:36 |只看該作者

zoie_w 發表於 24-8-22 19:37
趁呢個post，我都想分享一件事，就係我唔夠決絕，做唔到樓主嗰種對朋友嘅絕情，惹起一個麻煩人喺背後唱我講 ...

發洩左講左出來舒服d

好多人唔係真心對人好，而家好多野都只同老公呻，或同家姐呻，朋友果d只講少少唔想對朋友放負太多

私人傳訊回覆引用

積分: 29908

15^#

發表於 24-8-22 20:41 |只看該作者

柔伊發表於 24-8-22 20:36
發洩左講左出來舒服d

好多人唔係真心對人好，而家好多野都只同老公呻，或同家姐呻，朋友果d只講少少唔想 ...

係講咗出嚟舒服好多，我係估唔到自己嗰陣冇聽朋友講同佢保持距離，佢之後有病，我一直咁關心佢，佢可以唔念在我關心佢，可以喺我最唔開時見利忘義賣友求榮咁卑鄙，實在唔似佢呢個年紀會做嘅嘢。

我已經決定會同佢絕交，從今以後劃清界線冇朋友做。

你都好，可以同你家人呻，我要呻都要搵啱對象，否則就會俾人哋感覺太重負擔。

私人傳訊回覆引用

柔伊

積分: 49713

hashtag影視迷勳章

16^#

發表於 24-8-22 20:48 |只看該作者

zoie_w 發表於 24-8-22 20:41
係講咗出嚟舒服好多，我係估唔到自己嗰陣冇聽朋友講同佢保持距離，佢之後有病，我一直咁關心佢，佢可以唔 ...

每個朋友呻少少

唔好一直同一個呻
我曾經有個朋友係咁放負佢睇法同我唔一樣，我覺好煩佢一呻我就扮忙
而家同朋友放負都會冷靜先呻只講重點

私人傳訊回覆引用