夫婦情感 今日: 1 | 主題: 42720

積分: 115

1^#

發表於 24-11-2 11:11 |只看該作者 |倒序瀏覽 |打印

我結婚廿幾年，20歲就同佢奉子成婚，開頭生活好差，幾乎都係靠我父母接濟，不過佢好好，寵我寵到公主咁，廿年來對我都非常好，近呢兩年，生活越來越好，佢工作得到好大機遇，錢塭多左，但佢一有錢就會俾我，聽到我鍾意咩佢都會買，我真係覺得自己好幸福，結婚咁耐佢仍然當我係公主。
但係，突然有一日神推鬼擁咁俾我發現佢同一個女人經常通電話，每次都傾大半個鐘有多，但塭WhatsApp 對話係完全無，明顯係全部del左，女人直覺話我知一定有問題，然後又再俾我發現佢有買手袋俾個女人，個女人係新入職嘅大陸同事。。。我好蠢咁即時發癲質問老公，原本佢話係傾工事，del對話同通話記錄係怕我誤會，哈！真好笑，咩邏輯？當我白癡嗎？
最後經過一輪發癲，佢認左，不過只係曖昧狀態，咩都未發生，其實我唔在乎係咩狀態，因為我覺得咩狀態都好，你都已經出軌了，我嘅高傲性格令我無辦法過到自己，我心好痛，痛到無法入睡，好辛苦。我唔知我可以點，離婚？我完全未做過野，我點生活，仲有個12歲細仔，層樓仲供梗。扮無事？呢刻我做唔到，而且出軌只有零次同無限次

0 0 0

私人傳訊回覆引用

一人一讓步

男爵府

積分: 5108

2^#

發表於 24-11-2 19:40 |只看該作者

所有男人都會，其實男人最好大老婆十幾廿年，年齡太接近，女人衰老快少吸引力

私人傳訊回覆引用

積分: 28

3^#

發表於 24-11-2 19:51 |只看該作者

我同你個情況差吾多~結婚廿幾年，我同你一樣同佢捱出來~但都係對我好好~寵到我成公主一樣~但近日都係為一個女子~你老公有認，但我老公吾認，但又解釋吾到~我廿幾年冇做野，有一個囡~而家搞離婚

私人傳訊回覆引用

積分: 28

4^#

發表於 24-11-2 19:51 |只看該作者

私人傳訊回覆引用

積分: 115

5^#

發表於 24-11-2 20:07 |只看該作者

Kitchankitchan 發表於 24-11-2 19:51
我同你個情況差吾多~結婚廿幾年，我同你一樣同佢捱出來~但都係對我好好~寵到我成公主一樣~但近日都係為一個 ...

咁你點解決住宿同生活？我真係無勇氣行呢步，你好勇敢。
你老公無挽救？你係點發現？

私人傳訊回覆引用

積分: 28

6^#

發表於 24-11-2 23:42 |只看該作者

回覆 e75b10cc1bce73 的帖子

係廿幾年裡面大家信任度好高~你我各有空間，我從來吾會過問所有野，但有次佢係我手機忘了登出自己帳號~我起初冇乜留意，我都冇睇到，但最近彈出係買介子，我心仲以為佢比驚喜我，所以我冇出聲，但收件2天了~都未有動靜，所以我開始懷疑~就開始check，搵到好多証據~但係所有解釋完全冇邏輯~完全當我冇腦，到我最後一次再同佢講，有冇合理解釋，冇~我心死了，所以決定離婚，我哋再一齊己冇以前信任，真你好難行之後既路！

私人傳訊回覆引用

Amy12345

積分: 2050

7^#

發表於 24-11-2 23:53 |只看該作者

Kitchankitchan 發表於 24-11-2 23:42
回覆 e75b10cc1bce73 的帖子

係廿幾年裡面大家信任度好高~你我各有空間，我從來吾會過問所有野，但有次佢 ...

你好勇敢，我同老公都係結婚廿幾年，都係有類似情況，但我冇勇氣去行離婚一步，但又唔想原諒佢

私人傳訊回覆引用

積分: 28

8^#

發表於 24-11-3 03:14 |只看該作者

結婚廿幾年，真係好吾舒得，吾係勇敢，只不過真係好失望，我而家已經冇嬲~只係過吾到自己~冇辦法再一齊生活！明天會更好~我同個囡一齊會更好💪💪

私人傳訊回覆引用

積分: 115

9^#

發表於 24-11-3 08:54 |只看該作者

Kitchankitchan 發表於 24-11-3 03:14
結婚廿幾年，真係好吾舒得，吾係勇敢，只不過真係好失望，我而家已經冇嬲~只係過吾到自己~冇辦法再一齊生活 ...

咁你本身自己有工作收入住宿？

私人傳訊回覆引用

netbb

子爵府

積分: 10048

10^#

發表於 24-11-3 14:33 |只看該作者

e75b10cc1bce73 發表於 24-11-2 11:11
我結婚廿幾年，20歲就同佢奉子成婚，開頭生活好差，幾乎都係靠我父母接濟，不過佢好好，寵我寵到公主咁，廿 ...

所以夫婦一直都係好幸福，冇吵架都係假象。而是出軌的先兆

私人傳訊回覆引用

applepost123

積分: 1347

11^#

發表於 24-11-3 15:12 |只看該作者

本帖最後由 applepost123 於 24-11-3 15:14 編輯

e75b10cc1bce73 發表於 24-11-2 11:11
我結婚廿幾年，20歲就同佢奉子成婚，開頭生活好差，幾乎都係靠我父母接濟，不過佢好好，寵我寵到公主咁，廿 ...

唔好比人破壞到自己家庭，睇緊啲個老公，多啲陪老公，佢收到個女人的whatsapp,就提提佢個家是大家一起努力維繫的。有錢當然吸引力高，多人埋身，是叻女就唔好比機會個女人，自己幸福自己維繫，就是你旺夫，老公才越來越好，不要輕易比人拎左你辛苦建立的家

私人傳訊回覆引用

積分: 115

12^#

發表於 24-11-3 17:07 |只看該作者

applepost123 發表於 24-11-3 15:12
唔好比人破壞到自己家庭，睇緊啲個老公，多啲陪老公，佢收到個女人的whatsapp,就提提佢個家是大家一起努力 ...

多謝你，你提醒到我。
雖然呢刻我做唔到，不過的確值得再三思。
佢呢幾日不停認錯，但我一見到佢就只識喊，亦講左好多負氣說話，我諗唔到可以點樣扮無事繼續相處

私人傳訊回覆引用

hungu28

別墅

積分: 551

13^#

發表於 24-11-3 19:00 |只看該作者

好贊成以上姊妹所講，唔好咁輕易比人破壞到自己個家庭！
若果你想挽救你個家庭，你就當比一次機會佢，同時檢視下自己有啲咩可以做好啲，以及同老公來一次真情對話，動之以情。希望佢只係一時受唔到誘惑。有危就有機、可能經歷過呢啲風浪之後，發覺原來大家仲好愛對方，反而感情會更好。

私人傳訊回覆引用

hungu28

別墅

積分: 551

14^#

發表於 24-11-3 19:24 |只看該作者

我都經歷過，不過幸好我發覺得早。我真係有檢視自己，發覺原來我好多地方做得唔好。
我給自己一個目標，我會做好我自己，及同佢講出自己感受，假如我盡咗力去做、佢都唔珍惜，咁呢個男人要嚟都冇用。
幸好現在雨過天青，大家感情反而好左呢樣我真係始料不及。

私人傳訊回覆引用

積分: 115

15^#

發表於 24-11-3 21:46 |只看該作者

hungu28 發表於 24-11-3 19:24
我都經歷過，不過幸好我發覺得早。我真係有檢視自己，發覺原來我好多地方做得唔好。
我給自己一個目標，我 ...

多謝你，但我仲需要時間消化，呢一刻我仲未面對到，一望到佢就喊

私人傳訊回覆引用

janus198

積分: 2543

16^#

發表於 24-11-3 23:36 |只看該作者

點解會有咁大返差？男人後生係咪未玩過，到中年更容易出軌？

私人傳訊回覆引用

hungu28

別墅

積分: 551

17^#

發表於 24-11-4 04:26 |只看該作者

點解會咁？以我自己為例，我哋結咗婚都十幾廿年，我先生好愛我嘅，當初好努力咁追我，我被佢誠意打動。之後生咗2個小朋友，而我就係F T M全心全意咁將愛放曬落去2個小朋友度，可能咁而忽略左另一半，但係自己唔察覺。
而家我梗係知道，原來男人都需要被愛被需要嘅感覺。
當剛好出現一啲別有用心嘅女人，而佢哋又乜都做得出嘅時候咪好容易出事囉。當然，真係有d賤男無論你幾好都會出事。
今次呢位姊妹嘅事件搞到我瞓唔着，因為我想將自己嘅經歷講出嚟比大家聽，希望大家有所警覺。
我覺得一段大好姻緣，由相知相愛、有兒有女嘅幸福家庭最終變成四分五裂係好可惜嘅一件事！

私人傳訊回覆引用

wingki20