有時有啲野，唔係錢呀，係感情呀。
我老公個老友，當年揾到少少錢，於是返鄉下買左一大塊地，分左啲俾佢大佬同家姐，買時同佢地講，呢塊就當係祖地，唔好賣呀，等子孫承傳落去，都有條根吖。
由於當年佢好忙，就將錢交俾佢大佬搞(佢大佬都係香港居民黎既)，點知大佬同家姐夾埋，各要左大份，比如係大佬分6份咁，大佬佔3/6，家姐2/6，佢1/6，朋友工作好忙，過左成年後返去睇，至知道，嘈得好利害又點，錢係佢出又點，邊個知，佢大佬帶返去既，啲鄉委只知佢大佬帶錢返黎買既。
咁無法啦，朋友又因當年佢單身，佢大佬家姐已婚，仲有幾個細路，咁當係算啦，而且當年佢鄉下窮山窮水，地都係好平既，唔多值錢。
但隨住內地經濟起飛，寳安，佢鄉下急速發展，變左啲地好貴，佢兄姐見高價就賣地，再買地起廠房起樓，租俾人地，變成左村中富豪。
朋友就生意不境，但佢兄姐睇都唔睇佢，仲笑佢唔肯賣地，至搞成今日咁。
諷唔諷刺呀。
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
返回列表
