吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 日日比個仔用粗口問候

少年成長今日: 0|主題: 15999

收藏本版

回覆發帖

返回列表

跳至頁

查看: 29917 | 回覆: 12

日日比個仔用粗口問候 [複製鏈接]

lovebo_bo

男爵府

積分: 6793

1^#

發表於 25-3-8 11:12 |只看該作者 |倒序瀏覽 |打印

12歲、成日發脾氣、日日對我&個妹惡言惡語、粗口問候、叫個妹(死人XXX)、發脾氣就拆屋掃晒屋企啲嘢，鬧佢會離家岀走、諗野好負面、少少野唔岩聽就會刺激到佢，青春期係咪咁架？

0 0 0

私人傳訊回覆引用

yoyo-818

男爵府

積分: 8835

母親節2025勳章虎到金來勳章 2021可愛聖誕B勳章牛年勳章 2018復活節勳章

2^#

發表於 25-3-8 13:14 |只看該作者

lovebo_bo 發表於 25-3-8 11:12
12歲、成日發脾氣、日日對我&個妹惡言惡語、粗口問候、叫個妹(死人XXX)、發脾氣就拆屋掃晒屋企啲嘢，鬧佢會 ...

其實你仔第一次講粗口，身為家長已經要教佢，點可以容忍到俾佢日日粗口問候，青春期唔係大晒，做父母應該有底線

私人傳訊回覆引用

donut012

大宅

積分: 3220

3^#

發表於 25-3-8 14:43 |只看該作者

青春期絕對唔係咁，係情緒化啲，唔會咁樣。可能你個仔有暴力傾向，帶佢睇吓醫生好喎。佢係咪由細到大情緒都係咁？我就咁聽就似係一種病態，唔係正常青春期嘅反應。

私人傳訊回覆引用

wan_sosin

珍珠宮

積分: 47960

4^#

發表於 25-3-8 18:42 |只看該作者

回覆樓主:

我仔本身SEN,早幾年加上青春期都無用粗口鬧人，全家講野一直好斯文，X街都唔會講，性格係得怒無喜，樣樣事都得罪佢，唔溫書只打機，唔聽人講野，佢係會唔高興，都唔係成日鬧人。
樓主可以搵下學校社工傾下先

私人傳訊回覆引用

花花b

侯爵府

積分: 21099

5^#

發表於 25-3-9 08:51 |只看該作者

父母平時會否講粗口？
我仔唔會咁，但青春期係易情緒化，
變得懶，會突然嬲爆爆，不過不會爆粗，
會不停係咁講出自己所謂的「道理」，
雖然無理，但我會照聽比佢講埋，在街會叫佢細聲d，以免影響到其他人。
在家喜歡匿係自己間房。

私人傳訊回覆引用

bb710

大宅

積分: 1762

6^#

發表於 25-3-12 22:09 |只看該作者

lovebo_bo 發表於 25-3-8 11:12
12歲、成日發脾氣、日日對我&個妹惡言惡語、粗口問候、叫個妹(死人XXX)、發脾氣就拆屋掃晒屋企啲嘢，鬧佢會 ...

佢離家出走會去邊?

私人傳訊回覆引用

sharebuy

伯爵府

積分: 17535

7^#

發表於 25-3-17 02:40 |只看該作者

lovebo_bo 發表於 25-3-8 11:12
12歲、成日發脾氣、日日對我&個妹惡言惡語、粗口問候、叫個妹(死人XXX)、發脾氣就拆屋掃晒屋企啲嘢，鬧佢會 ...

我屋企12歲果位唔會講粗口，暫時未覺得佢反叛，係有時會駁下咀。
但到夜晚瞓覺會叫我入房陪佢傾下偈，偈偈下佢會瞓左。
有時坐係sofa一齊睇電視，就會成身i埋黎痴住我或爸爸。

私人傳訊回覆引用

PTMCYS

子爵府

積分: 13515

8^#

發表於 25-3-17 17:35 |只看該作者

本帖最後由 PTMCYS 於 25-3-17 20:20 編輯

lovebo_bo 發表於 25-3-8 11:12
12歲、成日發脾氣、日日對我&個妹惡言惡語、粗口問候、叫個妹(死人XXX)、發脾氣就拆屋掃晒屋企啲嘢，鬧佢會 ...

孩子講粗口最難忍, 因為唔可以X 佢娘親...

唔好意思, 只係想大家放鬆下, 唔係想冒犯, 雖然係事實(以前有同學跟我說, 在家經常跟兄長互駡, 我問他有沒有互駡娘親, 佢笑笑口說有, 因為怒火中燒, 駡咩都無思考過..., 咁我再問他, 咁你令尊有沒有出來同你講, 仔, 唔好駡了, 媽咪飽晒喇.....

, 佢笑笑口); 我諗之後佢講粗口前, 應該會諗一諗, 事實都要知自己講緊D 咩, 做人要有智慧, 駡人都要有質素.

我仔唔會跟我們講粗口, 一來太太和我好斯文, 屋企好溫暖(有時佢會跟朋友講電話會講粗口), 佢識分場合, 最多對我黑面入房鬧情緒; 二來佢知唔夠我講道理, 我唔會只叫他不要做什麼, 而係問佢點解要做

做出來有沒有意思; 例如講粗口, 因為講完粗口想我鬧多佢幾乘? 想我鬧佢/罰佢就同我講, 而唔洗講粗口, 我唔會因為他講粗口而怕佢, 也不怕他的同學和朋友. 我也分享我小時的經歷給他, 我小學至初中都說超多粗口（但也不會跟家人說), 壞朋友一大堆, 一到高中, 覺得講粗口很羞耻, 而這些人只會消耗緊自己, 特別對家人講粗口, 叻的人不會對家人動粗的, 你(他)見我現在一句粗口都不會說, 唔係唔識講粗口, 而係講粗口係無意思的, 係令自己脾氣更差, 也幫不到未來和家庭, 也幫不到找更好的女仔, 你想你老婆 X 你的家人? 爸爸/媽媽唔想你兜大圈, 你知道家人說的是對, 你只係想鬥氣, 但家人永遠是對你最好的, 為何他要自己虛耗自己, 你問他有什麼對他不好, 及對不起他, 叫他平心靜氣說出來, 聽下佢 up 咩, 唔係唔比機會佢講. (以上有些說話, 我係襯仔未學壞前已說出來, 有時襯係街見到有人講粗口/或其他的教材, 就會問孩子, 他覺得怎樣, 在第三者的覺度覺得好威....., 定覺得無修養....)

如果下次佢又控制唔到情緒, 提佢諗下上次跟他說過什麼, 冷靜下先(當佢係個精神病人, 無為互片). 當然每個人練歷和教法不同, 但需要做的, 都係不能怕, 也要堅持告知他是錯的, 要說道理及比時間他冷靜. 讀唔讀到書係其次, 但對錯要識分.

現在見我孩子發脾氣, 會跟他說一句, 你要分清楚什麼是對錯, 再想想你現在的行為對不對, 便給他空間想想.

私人傳訊回覆引用

PTMCYS

子爵府

積分: 13515

9^#

發表於 25-3-17 18:23 |只看該作者

lovebo_bo 發表於 25-3-8 11:12
12歲、成日發脾氣、日日對我&個妹惡言惡語、粗口問候、叫個妹(死人XXX)、發脾氣就拆屋掃晒屋企啲嘢，鬧佢會 ...

同埋爸爸的角色好重要, 就正如我仔小學, 成日話要和同學比武, 在家踢來踢去又揮拳, 我知佢開始古靈精怪, 我即刻話教佢跆拳(我以前學過), 如佢學了基本功有興趣, 便帶他去正派班學, 但學武的同時, 我也跟他說道亦有道, 要他背格言和冥想(以前學跆拳也有), 佢見咁認真就耍手, 之後就唔見佢在家打來打去了, 也知Daddy 食過夜粥, 唔敢亂找物件出氣.

見你沒有說爸爸的情況, 他有幫了什麼呢?

私人傳訊回覆引用

MinaEric

大宅

積分: 3038

10^#

發表於 25-4-13 13:42 |只看該作者

可能佢唔識正確表達自己嘅情緒，想分享下以下copy 自Ricky Chan Face book的文章：

接納孩子的情緒，促進表達和溝通

如何幫助孩子選擇合適的方法表達/宣洩其情緒？記得在任教中學時，一名學生發怒推開同學，當時手執拳頭，目怒凶光⋯⋯。我走近第一句說：「我知道你內心必定很不開心、覺得很委屈」，他即時流淚，於是我便輕按著他肩膊，帶他到另一地方，問他事情的來龍去脈，並跟他一起想解決的方法，最後事情是很順利的處理了。

借此事件，我希望帶出的策略/技巧是：

（1）情緒只是警鐘，如果孩子情緒愈大、愈激，代表內心的痛苦、不滿、煩惱就愈大，此時父母說：「唔好咁…」，就只是希望將其情緒壓下，相反孩子就越怒，腎上腺素就愈高，攻擊性就愈強。這樣我們只會引導其用更激的方式表達情緒。所以見到孩子有情緒，我們宜摔摔眼睛，勿只看現像，而是將情緒看成他/她的求救訊號；

（2）當我們真正看到其痛苦、無助，我們才容易講出：「我知道你一定好唔開心…」等話，孩子才會感覺被接納、被體諒，原來的對抗態度才易軟化，腎上腺素才會變成多巴胺、血清素；

（3）孩子感覺我們接納、體諒、幫助他，有多巴胺、血清素，情緒才會舒緩，心事才易講出；

（4）被接納，血清素、多巴胺釋放，心情才會改善，思想才會正向，自然容易理解、分析問題，再在我們的引導、啟發下，就可能想到解決方法去實踐；

（5）這種模式試得多，而且心情容易平伏，效果亦理想，孩子就會慢慢習慣用這種「用說話表達」及「思考分析問題」的方式去處理情緒、面對問題。

當擔心孩子不懂得處理自己情緒問題時，家長亦需考慮自己會否一直都在示範不合適的方式？會否自己一被刺激後就以情緒回應，而非等待合適的環境才平心靜氣共表達、溝通？所以要孩子改善，自己也不可放棄！練功吧！

私人傳訊回覆引用

MinaEric

大宅

積分: 3038

11^#

發表於 25-4-13 13:45 |只看該作者

回覆 lovebo_bo 的帖子

可能佢唔識整，佢表達自己嘅情緒。(以下文章來自Rick Chan Facebook)

接納孩子的情緒，促進表達和溝通

如何幫助孩子選擇合適的方法表達/宣洩其情緒？記得在任教中學時，一名學生發怒推開同學，當時手執拳頭，目怒凶光⋯⋯。我走近第一句說：「我知道你內心必定很不開心、覺得很委屈」，他即時流淚，於是我便輕按著他肩膊，帶他到另一地方，問他事情的來龍去脈，並跟他一起想解決的方法，最後事情是很順利的處理了。

借此事件，我希望帶出的策略/技巧是：

（1）情緒只是警鐘，如果孩子情緒愈大、愈激，代表內心的痛苦、不滿、煩惱就愈大，此時父母說：「唔好咁…」，就只是希望將其情緒壓下，相反孩子就越怒，腎上腺素就愈高，攻擊性就愈強。這樣我們只會引導其用更激的方式表達情緒。所以見到孩子有情緒，我們宜摔摔眼睛，勿只看現像，而是將情緒看成他/她的求救訊號；

（2）當我們真正看到其痛苦、無助，我們才容易講出：「我知道你一定好唔開心…」等話，孩子才會感覺被接納、被體諒，原來的對抗態度才易軟化，腎上腺素才會變成多巴胺、血清素；

（3）孩子感覺我們接納、體諒、幫助他，有多巴胺、血清素，情緒才會舒緩，心事才易講出；

（4）被接納，血清素、多巴胺釋放，心情才會改善，思想才會正向，自然容易理解、分析問題，再在我們的引導、啟發下，就可能想到解決方法去實踐；

（5）這種模式試得多，而且心情容易平伏，效果亦理想，孩子就會慢慢習慣用這種「用說話表達」及「思考分析問題」的方式去處理情緒、面對問題。

當擔心孩子不懂得處理自己情緒問題時，家長亦需考慮自己會否一直都在示範不合適的方式？會否自己一被刺激後就以情緒回應，而非等待合適的環境才平心靜氣共表達、溝通？所以要孩子改善，自己也不可放棄！練功吧！