吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 好擔心, 做人父母怎不心痛?! 怎不憂慮?!(續:我細佬個病) ...

心聲留言今日: 6|主題: 17524

收藏本版

發帖

返回列表

跳至頁

查看: 30803 | 回覆: 135

好擔心, 做人父母怎不心痛?! 怎不憂慮?!(續:我細佬個病) [複製鏈接]

12 3 4 5...7

PINKAVA

男爵府

積分: 7534

1^#

發表於 04-12-15 23:12 |只看該作者

好擔心, 做人父母怎不心痛?! 怎不憂慮?!(續:我細佬個病)

我細佬在年多兩年前開始不停地生痱之, 起初在口邊, 之後在內面側, 逐步遂步地向內移至嗽龍丁(吊鐘), 最近己經轉到吊鐘背後, 有積像向喉嚨伸展。

起初我們不以為意, 但這2年來, 佢既痱芝係未停過, 每粒都有成5毫子咁, 一生仲幾粒。我細佬已經去睇中環口腔專科既名醫, 每次$2-3000落樓, 一樣無好轉, 走去睇中醫, 一飲又幾個月葯, 同樣無改善, 佢由原先190磅 (6呎高) 瘦至現在得番110磅多, 無左半個身喎, 真係嚇死人, 我地一家人及佢自己都非常擔心, 私家及政府醫生都全身驗查過, 驗血驗尿, 照這照那, 樣樣出來都是正常, 但我細佬就真係好辛苦, 又唔埋口、食又痛飲又痛、吞口水都痛, 止痛葯都幫唔到佢(叫佢點吞葯丫), 雖然我地都明一定會影響體重, 但都無理由瘦成110磅啦。

d葯膏、痱芝湘、葯粉已經無可能再塗在痱芝上, 因為d痱芝已經生到好入, 唔可能拿起個吊鐘背塗葯膏。而醫生開既溂口水亦都無用, 因為唔係飲, 所以落唔到喉嚨。

我們一家都好擔心佢口腔癌, 但醫生又說唔係, 我細佬同我老豆講:無得醫架喇, 而家祗可令佢唔惡化, 都無得好番(但跟本2年黎連控制都控制唔到) 。聽到我地好心up, 佢得廿幾歲乍, 唔煙唔酒, 仲成日運動添, 但都會咁, 佢跟本係無左免疫力, 而且口腔長期濕潤, 係細菌既溫床, 所以一直都無好過。

現在一家人都為此事而憂心, 我都收埋喊左無數次, 真係好希望好想好想我細佬快d好番。但都唔知點先幫到佢。
:-( :-( :-( :-( :-( :-( :-(

私人傳訊

Laima

大宅

積分: 1737

2^#

發表於 04-12-15 23:25 |只看該作者

Re: 好擔心, 做人父母怎不心痛?! 怎不憂慮?!

有沒有試過看中醫呢?我地生一粒都好辛苦,何況你細佬!聽到都感到他我無奈!你們要堅持呀!

衪未曾應許天常藍，衪未曾應允花兒常開，衪卻恩許衪的慈愛常在!

私人傳訊

qq媽媽咪

珊瑚宮

積分: 121654

母親節2025勳章 2025勳章蛇年勳章 2024年龍年勳章 2018復活節勳章開心吸收勳章好媽媽勳章 BK Milk勳章

3^#

發表於 04-12-15 23:36 |只看該作者

Re: 好擔心, 做人父母怎不心痛?! 怎不憂慮?!

PINKAVA,
既然睇醫生唔得, 不如試下拜神, 雖然好冇科學, 但試下都無壞. 我都希望你細佬快D好番.

私人傳訊

jasmine媽咪

別墅

積分: 823

4^#

發表於 04-12-15 23:48 |只看該作者

Re: 好擔心, 做人父母怎不心痛?! 怎不憂慮?!

PINKAVA:

我記得之前有BK媽post過食林柿E飛滋!

私人傳訊

PINKAVA

男爵府

積分: 7534

5^#

發表於 04-12-16 00:07 |只看該作者

Re: 好擔心, 做人父母怎不心痛?! 怎不憂慮?!

laima, qq媽咪, jasmine

求神問卜我地都試過, 話我細佬未必過到呢關, 我地更加傷心, 真係另願佢講反話呃下我地, 等我地安心d。

中醫亦睇過好幾間, 邊個邊個話呢個呢個好, 我地都飛去架喇, 平又睇貴又睇。西醫又係睇左好幾間, 邊個邊個話果d, 總之有口碑既都去, 睇到我細佬心都灰晒。我媽就更加唔開心, 自己個仔咁喎, 飯都食唔落啦, 加上女人更年期, 我媽就更加心煩, 總之成家無人安樂, 我都係一路喊住同你地傾。

林柿醫痱芝, 真係唔敢叫我細佬試, 因為以我所知林沛係好濕熱, 我細佬已經係燥火再加上柿....我擔唔起, 而且咁多個中醫都無人提出過。 sorry 我唔係唔信你地介紹, 而真係唔敢亂食野, 因為吞嚥對佢黎講變左酷刑......

:cry: :cry: :cry:

私人傳訊

racar

子爵府

積分: 10379

6^#

發表於 04-12-16 00:20 |只看該作者

Re: 好擔心, 做人父母怎不心痛?! 怎不憂慮?!

聽倒都好心痛!:cry:
希望你細佬快d好番!

私人傳訊

hidemode

大宅

積分: 3473

好媽媽勳章醒目開學勳章

7^#

發表於 04-12-16 00:20 |只看該作者

Re: 好擔心, 做人父母怎不心痛?! 怎不憂慮?!

你有冇去過油麻地張x釗教授睇過,係中醫嚟,好多其難雜症同cancer病人都去睇,好多末期去睇飲咗藥後,都舒服好多,因佢一星期只有幾日上午睇症,同一定要有人介紹,如有需要可pm我

私人傳訊

janeBB

洋房

積分: 77

8^#

發表於 04-12-16 00:24 |只看該作者

Re: 好擔心, 做人父母怎不心痛?! 怎不憂慮?!

我都"鄧"你地好難過,希望佢可以快啲揾到明醫,快些好番啦!或者會無原無故又好番啦!

私人傳訊

yanau

子爵府

積分: 12995

畀面勳章

9^#

發表於 04-12-16 01:06 |只看該作者

Re: 好擔心, 做人父母怎不心痛?! 怎不憂慮?!

PINKAVA:我都有親戚睇過張姓中醫幾好架..可以一試..另外..試吓睇街証(油蔴地炮台街健康院)因為可以寫信轉介去QE口腔部專科(以我所知嗰到暫時最齊全醫呢科)so我會支持你...幫你揾吓資料 :wink:

^.^

私人傳訊

PINKAVA

男爵府

積分: 7534

10^#

發表於 04-12-16 01:25 |只看該作者

Re: 好擔心, 做人父母怎不心痛?! 怎不憂慮?!

好多謝大家既支持同回應, 我細佬有去過油麻地既中醫, 唔知係咪你地指個位, 我要問番佢。佢都排左明愛, 不過要等到下年先見醫生 :cry: 至於炮台街那邊, 佢都好似約左期, 又係有排都未到佢 :cry:

我細佬好好仔架, 由細到大都好注重健康, 飲鮮窄西芹、蘿蔔等蔬果汁都唔飲汽水個種人, 都唔明點解會咁。

話時話, 我諗諗下佢呢個病既時候(2年前)去過泰國玩黎, 唔知會唔會比人落左....?! (真係咩都諗一餐) 可以點呢?

私人傳訊

該用戶已被刪除

11^#

發表於 04-12-16 01:31 |只看該作者

Re: 好擔心, 做人父母怎不心痛?! 怎不憂慮?!

提示: 作者被禁止或刪除內容自動屏蔽

私人傳訊

PINKAVA

男爵府

積分: 7534

12^#

發表於 04-12-16 01:37 |只看該作者

Re: 好擔心, 做人父母怎不心痛?! 怎不憂慮?!

De'vilbbb

先前qq媽媽咪提我時我醒唔起佢去過泰國, 但我地真係問過神的, 但就幫唔到d咩。

有線 (司徒法正)可以點搵佢呢? 收費又點呢? 我呢度無有線, 真係一d都唔知情。

私人傳訊

該用戶已被刪除

13^#

發表於 04-12-16 01:42 |只看該作者

Re: 好擔心, 做人父母怎不心痛?! 怎不憂慮?!

提示: 作者被禁止或刪除內容自動屏蔽

私人傳訊

YIYIKO

大宅

積分: 2894

14^#

發表於 04-12-16 01:47 |只看該作者

Re: 好擔心, 做人父母怎不心痛?! 怎不憂慮?!

HI PINKAVA﹕
聽到這消息我也替妳難過﹐我想到在報紙看到一則偏方[是專欄作家李純恩提供的]而偏方是由日本流傳過來﹐希望對妳弟弟有幫助﹕

美國芹菜﹐青瓜﹐青椒﹐富士大蘋果﹐白玉苦瓜。

用量如下﹕ 美國芹菜兩大片﹐青瓜四分一條﹐青椒半個﹐
富士大蘋果一個[去皮]﹐白玉苦瓜四分一條。

製法如下﹕ 將眾材料洗淨﹐混合榨汁[切勿加水]。每次喝五
百至八百cc。

飲法如下﹕ 每日飲一次﹐勿加任何調味料﹐在榨得菜汁十五
分鐘內飲完。
[最好是早晨空肚時飲﹐效果更佳。]

這張偏方還列出了五種原材料的功效﹕
美國芹菜﹕促食慾﹐降血壓﹐除血脂﹐利水﹐化石﹐整腸﹐
固腎。
青瓜 ﹕ 清血﹐涼血﹐降血壓﹐解喝﹐利水﹐消腫﹐加強
新陳代謝。
青椒 ﹕ 清肝火﹐瀉腸火﹐去濕﹐助筋骨﹐清斑﹐消痔
瘡﹐利肺。
富士大蘋果﹕補胃﹐補中氣﹐助消化﹐解鬱﹐止汗﹐通便。
白玉苦瓜﹕ 清涼﹐解渴﹐促進食慾﹐解毒﹐消炎﹐禦寒﹐健
腦﹐明目。
他還將病人的痊癒例子列舉出來﹐我也將它列出來給妳作參考﹕
一位日本劇作家﹐七十六歲﹐患了癌症﹐動了兩次手術均不見效﹐飲用這款菜汁之後四個月﹐體內腫瘤消失。

一位日本作家﹐七十四歲﹐也是癌症﹐飲用菜汁三個月之後﹐痊癒了。

一位六十六歲老人﹐患嚴重的皮膚病和胃病﹐飲用菜汁一個月後痊癒。

一位四十七歲男人﹐患過敏性濕疹及長年腰痠背痛﹐飲用菜汁後三個月痊癒。

一位七十六歲老人﹐患心臟病﹐臥床不起﹐喝了三天菜汁﹐可自動起床行走。

一位六十五歲老人﹐患尿頻症及嚴重痔瘡﹐喝菜汁後十天﹐痊癒。

至於這類菜汁醫治的範圍﹐則十分之廣﹐計有﹕
高血壓﹐膽固醇過高﹐風濕性關節炎﹐各類腫痛﹐皮膚癬﹐營養不良﹐肥胖症﹐健忘症﹐牙周病﹐血糖高﹐躁鬱症﹐肝膽病﹐感冒﹐痔瘡﹐胃病﹐便秘﹐眼疾﹐失眠﹐頭風﹐多汗﹐頻尿﹐筋炎﹐結石﹐肺病﹐癌症。

我不知這條偏方對妳弟弟有無用﹐妳可同家人商量下﹐但這些都是一些健康的蔬果﹐妳們平常也可作健康飲品﹐及希望其他媽咪也可用上。

最後祝妳弟弟早日康復。