少年成長今日: 0|主題: 15988

收藏本版

回覆發帖

返回列表

跳至頁

查看: 5465 | 回覆: 0

認同 [複製鏈接]

csir3290

子爵府

積分: 11809

1^#

發表於 25-4-13 11:03 |只看該作者 |倒序瀏覽 |打印

上星期講過而家嘅年青人喺網上面或者社交平台嘅表現，有可能同父母日常嘅理解可能好唔同，平時同父母唔多嘢講但係原來喺社交平台上面有好多嘢講，去到青春期我哋更加難知道其實佢哋喺網上面究竟會睇啲咩嘢，佢哋喺社交平台嘅表現其實好多時都係為咗希望獲得認同。好似剛剛之前我都係睇新聞先知，原來對於啲年青人嚟講係有一件大新聞發生咗，就係有一個美國網紅「Ishowspeed」嚟咗香港，所到之處引起好多混亂。睇新聞先之佢原來有咁多嘢年青人fans。就係因為睇到新聞，所以好奇上網望一望呢個網紅嘅視頻，但係作為成年人真係唔明白點解啲後生仔會咁鍾意。

喺網上面見到咁熱鬧，咁自自然然就問吓阿仔阿女有冇睇過呢個網紅嘅片段，原來一講佢哋就知道呢個網紅係邊個，不過佢兩個都唔係好熱衷睇佢啲片。我都睇過少少佢嘅視頻，坦白講我真係覺得有啲無聊，但係原來啲後生仔咁鍾意，而我阿仔阿女亦都話有睇過少少，當然我唔會有任何批判啦，跟住佢兩個仲好有興趣咁講下究竟呢個網紅拍咗啲乜嘢片。雖然阿仔阿女唔係好熱衷睇佢啲片，但係佢哋都知道原來呢個網紅喺全世界都好受歡迎。連佢兩個自己都講如果唔睇下，有陣時如果啲朋友講起就好似好難溝通好落後咁。情況有啲似我哋以前細個要追電視劇咁。

年青人喺呢個時間需要搵認同，需要搵到一啲嘢令到覺得自己受到人哋鍾意，所以極端啲嘅就係非常之重視社交平台嘅like，非常熱衷喺社交平台出post，亦都好擔心唔能夠跟得貼其他朋友所講嘅話題，所以就花咁多時間放喺社交平台或者網上面。

作為家長如果明白佢哋去到呢個時間係需要搵認同嘅話，首先就唔好否定佢哋喺社交平台或者網上面所做嘅嘢，因為如果咁做其實大家都已經冇偈可以傾。另一方面父母應該多啲去欣賞同埋認同仔女所做嘅嘢，未必須要係一啲好叻嘅成就我哋先至去讚先至去認同，其實目的就係想細路仔知道其實係有人欣賞同埋鍾意佢哋。如果做父母嘅早啲幫細路仔建立自信，令到佢哋相信自己有能力能夠做得到同埋做得好嘅話，由於有發自內在嘅自信，咁佢哋就未必再咁依賴其他人畀佢哋嘅認同。另外如果我哋早啲幫細路仔建立佢嘅興趣，亦都可以幫助佢哋建立自信。

總之，我哋真係要知道去到青春期嘅細路仔係心態上面係好需要爭取人哋嘅認同，從而建立自己嘅形象。所以我哋就更加要對症下藥，盡量去認同同埋欣賞佢哋嘅表現。如果仲停留喺事事批判或者樣樣都睇佢哋唔順眼嘅情況之下，根本就冇可能建立大家嘅關係，只會將大家越推越遠。

0 0 0

私人傳訊回覆引用

跳至頁

返回列表

上一主題 • 下一主題

回覆

發帖

頻道

討論區

熱門搜尋：

少年成長 今日: 0|主題: 15988

少年成長今日: 0|主題: 15988