講到呢啲騙案，騙徒最擅長就係扮慘扮受害者，喺網上或通訊平台上大演悲情戲，呃盡人哋嘅同情心同真金白銀，目的只為博取關注或錢財。話說有個編劇叫莊梅岩，佢寫過一套好有話題性嘅舞台劇《我們最快樂》，劇情講述男同志喺香港嘅人生百態同埋點樣喺重重壓抑下搵到屬於自己嘅幸福，聽落真是一個好有深度嘅故事。但佢最近喺網上大玩「悲情牌」，一連串控訴話自己畀人封殺、活動同演出被無理取消：話香港演藝學院無理解釋就抽起佢嘅校友訪問影片，西九文化區嘅租場申請又突然話取消，仲提到其他項目好似被人打壓。嘩，佢講到似香港成個藝術界發生咗場大地震咁誇張！佢九月份連環喺社交媒體 post 文，短短十日內將所有「委屈」同「不公」一五一十爆晒出嚟，仲用好誇張嘅語氣話自己畀人「粗暴對待」，好似全世界、甚至全宇宙都喺度同佢作對咁。但係《我們最快樂》2022 年底喺香港都上演過啦，佢而家又擔心咩呢？臨近重演嘅日子，佢不務正業，唔專心排練，偏偏四處接受訪問大講「被迫害」故事，係真為藝術發聲定係博銷情？
發表於 
返回列表
