結婚後我一直反覆有尿道炎（大腸桿菌嗰隻尿道炎），幾乎可以每個月有一次，
一開始只係會睇GP，醫生只會開抗生素你食，教你保持個人衛生，
當然食完殺咗菌會冇事，但好快又復發，
就算跟足醫生的指示做好個人衛生，都係會復發，GP話可能係本人身體結構問題。。。
經過八年同尿道炎拼搏，我好明白正在受苦既你，所以分享一下我既尿道炎攻略，希望幫到大家：
1. 就算無灼熱感，尿尿有阿摩尼亞味同渾濁，就係代表有菌。>>> 測試： 放在尿尿透明瓶， 正常尿尿是能夠看穿瓶子， 如果尿尿有菌就會有白血球令到尿尿混濁，看不清。
2. 要多飲水（但不要太過量），保持日間最少每兩小時去一次小便。千祈唔好忍，屙晒啲菌出嚟，屙到一滴尿都冇！
3. 可以食一種supplement 叫 D-Mannose 加埋 Cranberry蔓越莓 就更好, D-Mannose係可以防止細菌依附在尿道, 小便時就不會有灼熱感。Cranberry 有助尿道健康，但不能除菌。詳細作用自己問AI >>> iHerb, HKTV Mall 有得買
4. 食肉桂粉，有殺菌作用，每日食少少(1日約 3-5g)，詳細作用自己問AI 或睇YouTube >>> 斯里蘭卡嗰隻上環有得買
5. 食蒜頭殺菌 >>> 街市有得買
6. 以上最好早晚食一次，尤其瞓覺前食，小便一次先瞓，因為夜晚瞓覺唔會去廁所會養菌。病徵厲害時，我會中午都會食肉桂粉同蒜頭。
7. 一直食到早上第一督尿尿係無味清晰， 之後食多兩三日， 就應該會好返。
總之個原理係唔好比啲菌繼續繁殖要屙晒出嚟。
D-Mannose 同 肉桂粉 係 game changing！
我每次同房後， 根據醫生指示清洗， 小便，之後食D-Mannose + 肉桂粉2-3日，多飲水，保持日間最少每兩小時去一次小便，就一定會無事， 如果唔係廿四小時後一定會尿道炎。以前GP只會建議我同房後食一粒 low dose 抗生素，係work， 但我唔想長期食， 亦唔建議。 亦都睇過一個GP， 話可以有一個半年食藥療程， 來治療及預防長期反覆性尿道炎， 不過我就冇試。
還有之前去日本都見到藥房有尿道炎成藥賣，好過食抗生素，都work。
都有睇過中醫，都work， 但又係食藥囉。
以上純粹個人分享，身體有問題當然要去睇醫生。
歡迎同路人分享你的抗炎方法。
發表於 
返回列表
