吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 想問下有冇同c6同甘共苦 ?

夫婦情感今日: 7|主題: 42614

收藏本版

發帖

返回列表

跳至頁

查看: 3028 | 回覆: 22

想問下有冇同c6同甘共苦 ? [複製鏈接]

milimili

大宅

積分: 2460

1^#

發表於 09-6-21 00:23 |只看該作者 |倒序瀏覽 |打印

點先算叫做共苦 ? 又會唔會同你共甘 ? 我覺得好困難, 我覺得自己好辛苦為個家, 但我又唔覺得佢係, 有時覺得佢好自私, 我都唔知係咪d男人都係咁。我都未試過同佢共甘, 到e+都係共苦緊, 我成日覺得佢有錢就會fing晒佢, 點會同我共甘。

[ 本帖最後由 milimili 於 09-6-21 00:25 編輯 ]

0 0 0

私人傳訊

pollybell

子爵府

積分: 14001

2^#

發表於 09-6-21 00:50 |只看該作者

先苦後甜都可以,而家係咁唔代表將來,唔好咁快下定論,我同老公識於微時,當初人工少過我,個個月清袋佢自己享樂,成身咭數,到而家我可以收山唔洗做,佢個個月將份糧都自動上繳中央,即係我,所以有時睇長遠少少唔好只睇眼前.

私人傳訊

遨嵐

洋房

積分: 31

3^#

發表於 09-6-21 02:36 |只看該作者

睇下佢0既情況有無惡劣左先?

私人傳訊

milimili

大宅

積分: 2460

4^#

發表於 09-6-24 23:11 |只看該作者

多謝你的分享, 可能我真係捱左好耐, 有感而發, 不過我都應該學下繼續忍耐。

原帖由 pollybell 於 09-6-21 00:50 發表
先苦後甜都可以,而家係咁唔代表將來,唔好咁快下定論,我同老公識於微時,當初人工少過我,個個月清袋佢自己享樂,成身咭數,到而家我可以收山唔洗做,佢個個月將份糧都自動上繳中央,即係我,所以有時睇長遠少少唔好只睇眼前 ...

私人傳訊

君瑤媽

別墅

積分: 858

5^#

發表於 09-6-24 23:43 |只看該作者

除左繼續忍耐之外, 要多比佢一dd責任去負, 你唔好習慣自己死慳死底, 佢就闊佬懶理。
男人你比佢free dd 佢就會走好遠的了!
一頭家要頂梗係一齊頂, 有happy 一齊happy o家啦! 唔係?嫁比你做乜?
加油呀! 守得雲開見月明

私人傳訊

alicemic

翡翠宮

積分: 92434

2025勳章 2025勳章蛇年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

6^#

發表於 09-6-24 23:45 |只看該作者

而家同老公捱緊啦！海嘯前好風光，鍾意咩野老公都叫我買，想去旅行就立即訂機票，根本唔洗諗！點知個海嘯搞到d客都無錢，訂單急趺9成，出咗新貨又賣唔去........其實點都好，最緊要2個人一條心，有時我都會怪佢又晒錢買d唔等洗既野返嚟，但係你唔適應佢都唔適應啫，搵啱機會同佢講下，我老公都買少咗好多啦！唔好黑面呀，咁係唔work架！越憂越憂，樂觀d，好運先番嚟架！

私人傳訊

君瑤媽

別墅

積分: 858

7^#

發表於 09-6-24 23:55 |只看該作者

我都捱了13個年頭了 , 以前我都好悲觀的! 有起有跌咁啦, 仲嘈過好多次, 有2次差少少離婚! ........不過捱過左而家都ok呀!
話比你地知不過大家唔好笑我喎

我而家雖然生活唔係富貴, 手停口停tim! 但只要是一齊捱我無怨! 都幾開心tim

私人傳訊

cathy29

伯爵府

積分: 19729

8^#

發表於 09-6-25 00:10 |只看該作者

我同你差唔多, 我都捱左成7個年頭, 捱其實唔緊要, 最緊要唔可以有埋怨囉...如果唔係點捱都係白廢O既...
我都好渴望有捱完O既一日...希望不遠矣....

原帖由 君瑤媽 於 09-6-24 23:55 發表
我都捱了13個年頭了 , 以前我都好悲觀的! 有起有跌咁啦, 仲嘈過好多次, 有2次差少少離婚! ........不過捱過左而家都ok呀!
話比你地知不過大家唔好笑我喎ops:" /> 我而家雖然生活唔係富貴, 手停口停tim! 但只要是一齊捱 ...

私人傳訊

sophialing

珍珠宮

積分: 31881

醒目開學勳章畀面勳章

9^#

發表於 09-6-25 02:48 |只看該作者

我而家都同個死佬捱緊....
因為佢返工計日薪...手停就口停..
仲有之前果個月無野做...
一搵到野做就好多都要支出...
要還返之前借落朋友o既數....
所以今個月同下個月都仲要捱下...
因為計過條數...到8月就可以好少少~~
我地今個月租都未交...同左個業主講下個月一次過交2個月....
如果唔係咁就下個月都可以唔使點捱...仲可以儲返錢..
之前儲落果d就使哂啦...年頭搬屋使左一筆...無野做一排又要食都要使..不過就住就住咁用都死..

而家都係得返600蚊捱到佢7號出糧....

好在我捱慣...佢返工又唔係要使好多錢..
所以寧願咁捱過左個難關都好過要去拎綜援

Karl was born on 9th Oct 2009 Lok was born on 29th jun 2011

22:18 48cm long 18:31 50cm long

私人傳訊

遨嵐

洋房

積分: 31

10^#

發表於 09-6-25 03:37 |只看該作者

識我老公到宜家, 8年喇, 捱多兩年就還晒佢之前d債lu.
同苦其實有時唔駛點苦, 無錢唔梗要, 最梗要係開心, 無錢無飯開, 咪去海灘捉蜆買隻咸蛋煮飯囉, 又有得玩又有得食架.

私人傳訊

焯賢媽咪

伯爵府

積分: 16197

畀面勳章環保接龍勳章大廚勳章

11^#

發表於 09-6-25 11:59 |只看該作者

我同我老公係無積蓄結婚既,一路都係捱緊,就算而家幫手還佢d債,我都無所謂,因為我同佢開心咪得羅,加上又有2個寶係身邊,我成日都話捱窮唔緊要,最緊要係開心同值得

私人傳訊

060905

男爵府

積分: 6052

12^#

發表於 09-6-25 13:15 |只看該作者

我唔知算唔算同我老公同甘共苦, 我老公至從買左樓之後都無俾過家用我, 我地個個月都係各顧各, 自己負責好自己個part家用, 好似老公好景個時都會錢多買下野俾我同個女, 家下成三四個月都無乜工開, 佢梗係無錢, 佢又唔會問我攞錢供樓, 佢用佢d積畜供樓掛, 咁樣我地算唔算共苦呀??

私人傳訊

瑩の媽

大宅

積分: 2724

13^#

發表於 09-6-25 13:16 |只看該作者

我個c6只可以我幫佢捱, 佢有錢時我無乜點用佢d錢, 係叫做大魚大肉咁囉, 連佢執到個電話俾左我, 我唔like想trade一部新的, 差額個800蚊都要我俾

好喇都家陣佢無錢, 我幫佢死慳死抵, 佢竟然呃我, 係澳門輸左唔知幾多錢(係我無意中發現到) 我呢邊呢...為左捱先前個2個月, 我早餐食麥皮, 慳得一蚊得一蚊, 唔出街唔買衫唔買零食, d錢除左駛左係個囡身上, 其他咩錢都唔駛, 為的就係俾哂d錢佢還債, 先前條數先剛剛搞好, 我慳到盡, 但佢竟然有錢去賭

到琴晚成家人食飯, 我因為抱住個囡, 我個袋放左係佢度, 佢竟然想用我d錢去埋單, 我就話無錢喇, 佢就自己銀包拎, 我回家訓個時問佢, 你唔係有錢去賭去揼骨咩, 仲咩要拎我d錢去埋單

以上種種都唔緊要, 問題係, 佢竟然話自己無問題喎, 係好老公好爸爸喎

私人傳訊

heart12345

複式洋房

積分: 446

14^#

發表於 09-6-29 17:31 |只看該作者

我我C6一起13年,最初大家都一起捱.但係咁多年來他都是欠債的.原因係賭-马,波.揾到錢時又係輸掉.現在揾少很多,因欠債每月還很多錢,又要問我拿. 我覺得佢好無用,有時想自己條命唔好,要靠自已.嫁個咁老公真係好慘.我好愛我小朋友,唔想傷害佢所以–直忍.因c6對仔仔好好..真係有苦自已知.

私人傳訊

sweetdog

子爵府

積分: 10076

15^#

發表於 09-6-29 22:41 |只看該作者

我同老公都經歷了同甘共苦!

12年前,結婚之前佢生意失敗,我地足足捱了10年才還了大部份既債!
果時真係吾敢生bb, 所以亞囝而家只得2歲幾, 因為經濟許可我才敢生, 而家自已湊番個囝!
我以前儲蓄都幫佢還錢, 所以而家佢都肯比大部份既人工我去控制!
希望大家都有呢一日!

原帖由 milimili 於 09-6-21 00:23 發表
點先算叫做共苦 ? 又會唔會同你共甘 ? 我覺得好困難, 我覺得自己好辛苦為個家, 但我又唔覺得佢係, 有時覺得佢好自私, 我都唔知係咪d男人都係咁。我都未試過同佢共甘, 到e+都係共苦緊, 我成日覺得佢有錢就會fing晒佢 ...

私人傳訊

bebedog

複式洋房

積分: 264

16^#

發表於 09-6-29 23:19 |只看該作者

原帖由 heart12345 於 2009-6-29 17:31 發表
我我C6一起13年,最初大家都一起捱.但係咁多年來他都是欠債的.原因係賭-马,波.揾到錢時又係輸掉.現在揾少很多,因欠債每月還很多錢,又要問我拿. 我覺得佢好無用,有時想自己條命唔好,要靠自已.嫁個咁老公真係好慘.我好 ...

我同你差唔多...個C6都系咁....
我成份糧拿出來做家用...佢都無錢羅返來屋企...
當初,你我選擇同C6一齊..一定有個中原因...也有是上天的安排的緣份吧! 然而大家仔女都有了...十幾年...........要分開...到時又如何?
另找個...難保比現在的更衰百陪...
但..我相信...人系有良心的...
你我付出的..佢地一定體會得到...但什麼時候他回頭,
就不是我們可以控制...但最少..
我地已經盡力付出...仔系我養大..

..結果如何都無悔...
將來發生的事...對得住他有餘...
放開一點...自己會好過D

私人傳訊

heart12345

複式洋房

積分: 446

17^#

發表於 09-6-30 11:44 |只看該作者

bebedog,我都係好努力去維持個家庭,好多時自已應付到都唔想同c6計.不過有時又好唔開心.從小到大我都是靠自己,細個童年時好姿羨其他小朋友有父母的關心和愛,結婚就只有很簡單的簽紙.當時好希望快些結婚因想快些離開屋企.到有左BB至BB出世,我好姿羨其她有99 or mami去幫手和照顧產後的調理.而我就只有1個人在家坐月,自已照顧自已,等c6放工回來幫手.
估唔到嫁給c6後都係每樣嘢都係靠自已捱.唯一個天給我最好的就係有這個仔,佢好乖好可愛.因為有佢我唔去埋怨任何嘢.我地大家一起努力