Baby Kingdom - 親子王國 香港 討論區 › 首頁 › 母乳餵哺› 到底我要點做呢？

母乳餵哺

收藏本版
回覆 發帖
返回列表
跳至頁
到底我要點做呢？ [複製鏈接]

首頁
1

尾頁
   0
ssshih


別墅

積分: 639


1#
發表於 09-7-20 15:19 |只看該作者
我個B女剛剛四個月大。出世3kg, 一個月4kg, 兩個月4.6kg, 而家未到6kg.區系全人奶BB.
滿月前每天埋身8-9次，第二個月開始每天埋身7次，但系區一直有個問題就系每次都食食下人奶就睡著，我又擔心區食唔到後奶唔夠飽，比區睡住食，結果每餐要搞成45-60min.加上BB一早戒左夜奶，一晚睡天光。所以大人BB都沒有時間做其他野。而且區很小喊肚餓，日頭又唔睡覺。我為了親自照顧區辭左份工，古唔到結果搞到自己很累很累，覺得做媽媽一塌糊塗。為了自已安心D看到區食落肚同埋食到後奶，我在三個禮拜前開始pump奶出來用奶樽喂，每餐比4-5oz,每日5餐，但系區又系唔都肯食，餐餐搞成45-60min,有時食完，有時先食一半或更少（多數要系半夢半醒間食）。
我很擔心區唔長肉，為BB四個月大仲未有固定食奶作息時間表感到非常困擾！

希望能尋求意見幫忙:

1) BB 四個月（約6kg) 每日食約20oz是否太少。我應該在夜晚（約11-12點）加一餐嗎？ （BB而家9pm-9am睡覺）
2）BB開始很喜歡食自己手指，任何玩具都想擺入口。我要開始比米糊嗎？
3）我該點做先可以令區食奶更有效率？ （餐餐食甘長時間，大人BB都好唔耐煩。我又沒時間做私人野，有沒嗮精力親子，覺得生活很幸苦）
4）我該點做先可以令區有較穩定既作息時間表？
5）BB甘抗拒食奶會不會是身體有唔妥？
6）我該轉回埋身喂嗎？
到底我該點做呢？ 求求幫幫忙！

心急媽媽
私人傳訊回覆 引用

babushka


男爵府

積分: 6472


2#
發表於 09-7-20 16:18 |只看該作者
我個人覺得, 你已經係幾好的情況, bb 已經戒左夜奶, 有一覺好瞓, 有好多bb要食夜奶食到好大個架.

另一個問題係你擔心bb食唔飽, 你這個問題真係一d都唔洗擔心, 你可以試下佢一開始瞓就唔比佢飲, 試下佢有咩反應. 如果佢一樣照瞓, 就由得佢瞓. 看一下情況佢可以瞓幾耐再喊要飲奶. 所以真係唔洗話擔心佢食唔到後奶的問題, 只要bb有一定的進展, 唔洗擔心輕重磅的問題.
私人傳訊回覆 引用

cc1549


男爵府

積分: 8201


3#
發表於 09-7-20 17:10 |只看該作者
其實您BB介左夜奶, 已經好好多啦~
我係在職媽媽, 我亞B晚上11:00飲完, 半夜兩三點, 都仲要飲夜奶...
您亞B晚上九點可以訓到早上九點, 我真係好羨慕~
同埋我係全泵奶媽, 半夜都要泵奶..
因我亞B易嘔奶, 每次用樽餵奶都要分兩轉, 而最少都要30-45分鐘先餵完...

佢呢家三個月零一星期, 每日飲31-33安奶, 一日飲7餐..
所以其實您湊B個程序得唔算很幸苦啦~
私人傳訊回覆 引用

ROSEC


別墅

積分: 577


4#
發表於 09-7-20 17:14 |只看該作者
ssshih 唔好太擔心, 希望我D經驗可以幫到你

食得少奶唔代表佢唔吸收, 佢夜晚食到就比佢食多歺都好

BB訓覺係會有助到佢成長同增高

我覺得唔好比佢食敢長時間, BB想食就會喊, 可能佢當咗你係奶嘴, 不如你set 定一個時間例如30分鐘就唔比食, 食人奶大約兩個鐘食一歺, --有時我BB都係敢, 佢食食下訓咗, 我就唔比佢食佢就喊, 過咗一排又得佢喊, 之後呢D情況就改善咗啦, 我要返工想早D訓, 到咗夜晚最後果歺有時我都會比佢食住訓, 其實係唔好, 但無辦法...

食手指可能佢習慣咗食你個人肉奶咀

我BB都唔鐘意食奶樽, 食奶樽又要洗又要消毒...我係屋企係埋身餵, 個人累係埋身餵會D, 省返洗野/同BB駁力又要"暗"佢食, 呢D都好花時間,

私人傳訊回覆 引用

kit1014


大宅

積分: 4786

畀面勳章


5#
發表於 09-7-20 17:31 |只看該作者
我bb出世都係3kg, 而家就6kg, 不過佢六個月大呢!!!! 我bb好好好健康gar 所以磅數根本唔重要 (當然唔可以過輕la)

其實你餵得好好ar, 你bb都已經係好長肉tim! 反而你俾佢睡住食就唔係咁好la. 最多20min好la, 食食下人奶就睡著咪整醒佢law, 4個月人仔要食的話20min食好多ga la!
1) 早瞓係好gar, 但你重係佢食唔夠你都可以約11-12點加多餐, 但你唔攰咩? (bb瞓我跟住瞓)
2) 個個BB都很喜歡食自己手指, 唔洗咁快俾佢食糊仔住, 我bb有d輕我都5.5個月先俾佢食糊仔
3) 整醒佢!!! 瞓住無得食
4) 咁大個人仔, 可以4小時食一meal
5) 無唔妥, 天時hot人大好時好無胃口la
6) 你都辭左工, 極力支持你埋身餵返, 大人bb都舒服d

加油加油加油加油加油加油加油加油!!!!!!!
私人傳訊回覆 引用

anaBB


禁止發言

積分: 21629

醒目開學勳章 畀面勳章


6#
發表於 09-7-20 17:50 |只看該作者
提示: 作者被禁止或刪除 內容自動屏蔽
私人傳訊回覆 引用

ssshih


別墅

積分: 639


7#
發表於 09-7-21 18:07 |只看該作者
好多謝大家既意見，聽完之後我感覺好很多。
唉。。。其實我系全職媽媽系應該全埋身，無奈之前真系試過有時朝早6點bb叫極唔醒，我打開個心口等成粒鐘區都唔肯開口。而家用奶樽就可以硬塞個奶樽人口然後遼區食咯。不過區真系對我個人肉奶嘴念念不忘，今朝喊左成朝先勉強食4安，搞到又無嗮同區玩既時間啦。好沮喪啊！

加上要pump奶的卻系好辛苦，我累到天天好似挨緊甘，都唔享受到有女既樂趣。（我無工人老公又上大陸做野，我由朝對到晚）。我都知b女夜晚肯睡天光好好架啦，但系我日頭都用嗮D精力pump奶餵奶，無嗮力同區玩啦。真系好慘！
系呢度見有D媽媽可以早晚埋身加日頭用樽喂，究竟點可以做到，BB又肯既？唔會奶頭混繞未？ 我都想甘樣啊，可唔可以教下我啊？
私人傳訊回覆 引用

hanbb


伯爵府

積分: 16230


8#
發表於 09-7-21 21:26 |只看該作者
原帖由 ssshih 於 09-7-21 18:07 發表
好多謝大家既意見，聽完之後我感覺好很多。
唉。。。其實我系全職媽媽系應該全埋身，無奈之前真系試過有時朝早6點bb叫極唔醒，我打開個心口等成粒鐘區都唔肯開口。而家用奶樽就可以硬塞個奶樽人口然後遼區食咯。不過區真系 ...


你bb 不是要瞓到9am 嗎? 咁點解要6am 要叫佢起身食奶???
佢都未瞓夠就由佢瞓啦, 你又可以一齊瞓耐d. 你都話自己累啦, 咁就瞓多d 啦.

你係全職奶媽, 唔好再泵奶來嚇自己啦, 你放鬆d, 你開心d, 精神d, bb 會感覺到架!! 可能到時佢開心d, 同你又親密d, 又會食多d.

其實如果你全埋身, 又唔介意bb 所謂的食奶時間表, 佢仲意啜咪啜囉, 我放假時, 阿囡都係食自助餐架. 佢有時爬過來啜幾啖又會笑, 跟住又走左去玩. 反正唔駛泵我無咩工夫就由佢囉. 咁或者你同佢會多d 享受食奶時的親密架.

反正之後6個月, 佢開始食糊仔粥仔, 你仲可以大把工夫整好野俾佢, 等佢食多d. 你而家專心餵奶和休息好過啦.
私人傳訊回覆 引用

hanbb


伯爵府

積分: 16230


9#
發表於 09-7-21 21:34 |只看該作者
原帖由 ssshih 於 09-7-21 18:07 發表
系呢度見有D媽媽可以早晚埋身加日頭用樽喂，究竟點可以做到，BB又肯既？唔會奶頭混繞未？ 我都想甘樣啊，可唔可以教下我啊？


你個bb 4個月大, 之前又有埋身又有用樽, 咁即係都無咩乳頭混淆啦,
我返工, 所以被迫早晚埋身加日頭用樽, 不過用樽係工人或婆婆餵, 唔會自己餵的. 如果我囡見到我就唔肯食樽架啦.

其實用泵用樽好煩, 你全職媽又無人幫, 就埋身餵算啦, 唔好想太多啦...... 我不知幾想全埋身, 因為我超懶 (不過我囡而家9個月, 都要食粥, 我懶都要煲粥仔, 所以你要好好享受啦)

支持你啊
私人傳訊回覆 引用

ssshih


別墅

積分: 639


10#
發表於 09-7-21 23:11 |只看該作者
其實我心情真系十五十六。 好唔開心。 我想用樽系因為我覺得埋身好困身。之前試過出街食飯，B女死唔肯用樽食，喊到拆天。雖然系自已阿媽幫手湊住，我都覺唔好意思。而且我覺得全職媽媽都應該有自已既社交生活，為左湊仔一步都行不開好似好唔實際。兼且隨時病或者無奶都唔知點算。唉。。。。而且隨時有可能需要返返工添，所以埋想同區練定用樽先咯。

BB好似唔識餓甘，成晚睡成10-12個鐘，朝早都唔會找野食，我於是埋6點到比區睡住食咯。（所以我話用奶樽先可以塞入個口啊嗎）。如果區清醒的話就會系甘喊，一打橫抱就喊，然後自己打側個頭對住我個胸系甘嚼，系甘嚼。我想區仲系好想埋身食（我已經試用樽3個幾星期啦）。 見區甘慘，我都好難受。覺得自已做媽媽好失敗！好大挫敗感。我阿媽就叫我千其唔好比返區埋身，唔系就前功盡廢。必要時狠心幫區斷人奶算數。我個心想堅持，但系體力又頂唔住。（其實我自然生產時，整親恥骨，好痛，完全行唔到，要扶鐵架行兩個月，要人扶起身喂奶。而家雖然可以行返，但系好多湊仔動作都做唔到或做左會好痛）。我一有左就辭工一心想好好照顧區陪區，點知而家搞成甘，變成日日同區搏鬥監區食監區睡，好似工人唔似阿媽。反而我老公有時間系香港就同區玩下，過D有quality既相處時間。 所以真系好down，唔知出路系邊！
私人傳訊回覆 引用

anaBB


禁止發言

積分: 21629

醒目開學勳章 畀面勳章


11#
發表於 09-7-22 09:48 |只看該作者
提示: 作者被禁止或刪除 內容自動屏蔽
私人傳訊回覆 引用

kit1014


大宅

積分: 4786

畀面勳章


12#
發表於 09-7-22 10:26 |只看該作者
講左咁耐, 其實你係度自尋煩惱. . 你都"希"性辭工湊女, 咁仲講咩: "應該有自已既社交生活", "隨時病或者無奶都唔知點算", "可能需要返返工"... 做媽媽就注定係有放棄好多野, bb係我地生命中的一部分(雖然唔係全部, 但已經分唔開), 仲要係做奶媽的時候, "希"性就仲多仲大.

我係在職奶媽, 每日的生活就係餵完奶返工, 返工要做野同pump奶, 工作要working hr內完成唔可以ot, 放工立即回家沖涼->餵奶->食飯->同bb玩->安定bb瞓覺->洗奶pump->自己瞓->半夜餵奶->(重複)
放假早上起身pump奶->餵奶->同bb玩->做家務->搵有育嬰室的shopping mall同bb一齊行街 / 招呼朋友回家->(go home)沖涼 &同bb沖涼->pump奶->餵奶->安定bb瞓覺->洗奶pump->自己瞓->半夜餵奶->(重複) 咁我算唔算有"自已既社交生活"呢? 可能你就係唔想好似我咁, 但我認識好多全埋身奶媽都可以有好既社交生活.

奶媽從來係要對自己同bb有信心, 自己健康d, 樂觀d, 積極d, 就唔會"隨時病或者無奶". 真係有病, 咪食d餵奶都可以食既藥. 怕無奶咪飲多d湯水, 食多d飯.

如果家庭經濟唔許可你唔返工的話, 你都話"可能", 即係未發生la, 做乜攞黎擔心. 就算係咪响屋企附近做part time.... 總有方法解決, 不要杞人憂天!

(不喜勿插)
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見