早前的吸毒女子晁玉勤在深圳看守所放出來之後，對住電視鏡頭大力投訴是特首曾蔭權向深圳要求，才令他們加監１０日，內地人坐５日就放，但佢地要坐夠１５日。佢投訴在拘留所內６０人住一個大房，沖涼要３０人一起沖，要兩分鐘內完成。除了三餐外就要打坐，不得交談，「叫踎就踎，叫企就企，完全無人權」。更有甚者是女士來月經時一天只發一條衛生巾，唔夠用時就用公共毛巾頂檔，用完之後洗乾淨掛起來又當「公巾」，嚇到佢唔敢用毛巾云云。晁女又話自己唔係殺人放火、唔係做雞，唔應該受到咁樣對待。
內地拘留所唔講人權，的確有問題，不過呢個吸毒女子如此理直氣壯，對住電視鏡頭大講特講，有點「無慚無愧」，又的確令人大開眼界。有啲家長睇完呢個訪問後話，香港禁毒處應該將呢段訪問當廣告咁不斷播，等啲靚仔靚女以後唔敢再去深圳搖頭索K。
所以dada話移民去澳洲、紐西蘭唔知可否令後生仔遠離毒禍，但移去新加坡應該得，新加坡刑罰咁重，後生仔犯事動輒被打到屁股開花，可以收阻嚇作用。大家知唔知新加坡重刑的來源?據新加坡前總理李光耀在回憶錄中寫道，二次大戰期間，日軍統治新加坡，用極嚴厲的刑罰，郁啲就打靶，當時人們雖然很窮，但沒有人敢犯罪，李光耀從中領悟到罪與罰的關係。但新加坡的重刑，不會是香港人想要的答案。
青年人光重視權利，唔講責任，絕對不是好事，上述的吸毒女就是好例子，深圳拘留所係好差，但你叫佢改變制度，對拘留人士好啲，不如叫自己以後唔好上大陸索K仲易啲。父母無論是否認都要花多點時間在仔女身上，和仔女多溝通，不要事事叫政府搞掂，政府根本無能力搞得掂。
對著有些人同樣
Kindness is like a key,which rusts if we put it aside.Use it frequently not only could help others but also could help ourselves.
發表於 
返回列表
