Baby Kingdom - 親子王國 香港 討論區 › 首頁 › 大仔大女媽媽會› 我真失敗,哭了!

大仔大女媽媽會

收藏本版
發帖
返回列表
跳至頁

首頁
12

尾頁
   0
whywai


大宅

積分: 2512


1#
發表於 09-7-28 16:54 |只看該作者
這數星期都發現呀囝越來越扭計都不得了,一遇到得不到的東西時就大哭起來....無論我如何用說話哄他,都無用.還要人要抱才能收手!公公話我:你返親屋企個囝都會成日喊!囝爸說:唔好比佢喊咁耐.因為我會看看他咩事後定斷是否純為扭計才加以抱他,只會用說話同講佢....!但他不受,所以就咁成日喊!好嘈!
昨天到了健康歲半檢查,但我個囝一樣指示都唔願做...所以就要2歲再跟進!本來歲半檢查,我一路以來都本著囝囝做到幾多就幾多....但結果 ; 回家時,個囝又做埋扭計的大喊作風,常常指著要東西要別人替他取,但我己經常常當取東西時順便說出東西名稱,好讓他有一天能講得出,他越講唔出,就越'蚊';我唔想一開始就不用佢指就拿給他.....這時我竟然喊起上黎....囝呀究竟你真唔悉講野,抑或真的未掌握好呢?突然好多野担心起來!屢說不受,我打了他手脾....我很心痛,見到個囝可憐樣子,在床上我輕輕拍著著陪他睏時,自己又哭!
今早:如是他又要捉著我四圍騰,例如:又係佢自己山房門,山完又因為我不是即是開返,又扭計大喊;於是我的眼淚又趟了起來!
我真的覺得自己EQ好低!

http://hk.myblog.yahoo.com/sbukiwai
私人傳訊

carton514


大宅

積分: 4011

畀面勳章


2#
發表於 09-7-28 18:12 |只看該作者
唔好咁擔心啦! 個個歲半BB都係咁架嘞, 你唔好俾佢的行為另你方寸大亂, 以上行為我個仔咪又係咁, 每日重覆又重覆, 扭, 發脾氣, 喊, 呢D係佢哋而家呢個年齡最常見的, 我唔係好識點講你聽, 不過你要做到好似一個傍觀者咁的心態, 同埋呀B佢其實係度一直試你的底線, 我都會俾我個仔扭到, 但係只會係一次OR兩次, 第3次我就唔會俾佢點, 我會SAY NO, 開頭我都驚我自己會唔會好惡, 但後尾發現, 只要你個尺度係啱的, 就不怕同佢SAY NO的, 放心啦, 事情總會過去的, 記住! 小孩子永遠會在試你的底線, 不要被他們嚇怕~~~~
私人傳訊

carton514


大宅

積分: 4011

畀面勳章


3#
發表於 09-7-28 20:51 |只看該作者
介紹你睇本書吖:
好孩子是教出來的~陳靜茹著,
睇咗我相信對你都有d幫助~~
私人傳訊

Pertra


禁止訪問

積分: 2412


4#
發表於 09-7-28 23:36 |只看該作者
提示: 作者被禁止或刪除 內容自動屏蔽
私人傳訊

whywai


大宅

積分: 2512


5#
發表於 09-7-29 09:09 |只看該作者
感激妳們

http://hk.myblog.yahoo.com/sbukiwai
私人傳訊

Sue_Lin


洋房

積分: 389


6#
發表於 09-7-29 10:18 |只看該作者
同你一樣,我個仔呢幾日都係經常扭計,躍d就喊甚至瞓係地下大喊特喊,好像昨晚,工人要沖奶奶,佢都唔肯坐係度俾工人沖,要抱住,跟住我哋話唔得,抱住咁樣點沖呀,會"落"親架,佢都一於少理,夾住工人,我哋抱都唔得,漏尾佢又大喊瞓係地下到,爸爸打左幾下petpet,同埋好嚴肅咁話佢,佢都有d驚爸爸,但都繼續喊,我哋就唔理佢,由得佢瞓係度喊,過左一陣爸爸行埋去示意要抱佢,佢就肯起身俾爸抱啦.

carton514講得啱,佢真係係度試緊我哋既底線,所以唔好俾佢哋得逞,機會係得一兩次渣,要識得講 "唔得",所有屋企人都要持一致態度.
私人傳訊

HimHim_MaMa


別墅

積分: 719


7#
發表於 09-7-29 10:47 |只看該作者

回覆 6# whywai 的文章

唔洗擔心, 我囝囝都一樣,
起初我仲以為佢吃細佬"醋".

但是當細佬唔係度時, 佢都一樣勁野蠻.
常要我抱, 立即抱住又要即落地.

當佢做唔到時(或玩玩具時)又叫,
又唔肯講野喎, 之前明明識講"奶奶"
現在又唔肯講, 請願唔食都唔講.

anyway, 我都以平常心對佢, 佢做到咪做囉,
就算做唔到的話, 只要我知道佢一切正常, 冇其他問題的話, 我就放心了.
慢慢再調教吧!

ps: 我仔仔都要在2歲時返去健康院.
私人傳訊

yyy008


大宅

積分: 4264


8#
發表於 09-7-29 10:59 |只看該作者
其實真係唔需要太担心講野方面, 我阿仔都係唔識講.. 一味手指指佢想要既野... 唔比佢就訓地... 佢地哩個年紀係因為開始有自己思想, 想表達自己.... 同埋佢地開始知道點樣扭計可以得到自己想要既野

在家佢扭計.. 一般我由得佢訓地.. 佢一路訓落地喊, 咪一邊同佢講... "唔可以架, 好喇唔好喊, 再喊媽咪唔采佢" ... 佢喊一陣無人理佢就收聲(通常都2-3分鐘)... 不過唔肯起身... 我會走埋去同佢講 "好了.. 起身啦.. 我同你玩玩具" 拖住佢一隻手叫佢自己起身(一定唔會抱佢起身.. 要佢自己起)....慢慢來... 佢扭到唔喊係第一步... 第二步就要自己佢起身(再用第2D野引開佢等佢唔好再扭)...

我都仲差好遠... 但慢慢試緊希望可以一講唔可以佢就唔扭... 但係仲要比多D耐性一步一步來...

我阿仔都係唔講野2歲要再返健康院... 加油呀! 支持你
私人傳訊

whywai


大宅

積分: 2512


9#
發表於 09-7-29 11:51 |只看該作者
我個囝好激...佢發親皮四時,要 的話,成日都好長氣,半個中....!
又時還喊都嘔

http://hk.myblog.yahoo.com/sbukiwai
私人傳訊

Sue_Lin


洋房

積分: 389


10#
發表於 09-7-29 12:33 |只看該作者
唉,原來歲半bb都係咁,易慒又易扭計,真係要俾d耐性先至得.
私人傳訊

HimHim_MaMa


別墅

積分: 719


11#
發表於 09-7-29 13:42 |只看該作者
原帖由 whywai 於 09-7-29 11:51 發表
我個囝好激...佢發親皮四時,要 的話,成日都好長氣,半個中....!
又時還喊都嘔


Me Too,
有時佢仲激到打自己, 要人理佢.
由其是對住啲o鍻佢o既人. (如我,爺爺,嫲嫲)
對住爸爸就好啲.

努力吧! 對緊要唔好唔開心!
私人傳訊

禮信媽媽


複式洋房

積分: 252


12#
發表於 09-7-29 13:44 |只看該作者
我BB都唔多肯講嘢, 又係一唔如意就大喊尖叫, 試想想. 佢地未識講嘢表達, 哭叫係佢地唯一嘅表達方法, 我地做呀媽嘅咪深呼吸, 冷靜引導同面對囉, 兩歲再番去都好架, 密D跟進下佢嘢進度, 唔好比負面情緒影響.
加油呀...
睇多D書好呀, 我成日都去圖書館借書, 學下點教仔...或者去"親子溝通"果邊攞D借鏡又得.
最緊要自己先冷靜.
好多人同你一樣努力緊架, 加油.
私人傳訊

carton514


大宅

積分: 4011

畀面勳章


13#
發表於 09-7-29 14:17 |只看該作者
我而家睇緊本: "2,3,4歲兒童心理學" 都係講佢哋呢個年齡D嫲煩嘢, 其實我睇過其中一本書提到: 如果你家中有個扭計的小寶寶, 就必定有個心軟的家長! 則係話如果我們家長唔想小朋友扭計, 就必定要堅持自己果套, 唔好俾佢哋奸計得逞!! 佢知到扭計呢蹶方法係得嘅, 佢就以後都用呢個方法架嘞~~~
私人傳訊

証匡媽媽


大宅

積分: 3719


14#
發表於 09-7-29 22:32 |只看該作者
原來大家好多都要2歲要再返健康院,大家一同努力!!!!!
私人傳訊

little-angie


大宅

積分: 4072


15#
發表於 09-7-29 23:37 |只看該作者
我係住响英國，呢邊都唔興話要ＴＥＳＴ ＢＢ Ｄ咩嘢，好多ＢＢ都未必好快學講嘢，我諗佢哋都係想有小小準則，唔駛擔心嘅。
我女女都會喊到瞓地，我會尤得佢，跟住就笑佢蠢豬，話咁係唔會扭到，佢好快就會笑番，雖然當你以為佢無嘢時行埋佢，佢又會扮番嘢，但係我只會平常心咁再同佢講叫佢起身，唔會惡，但會堅持係唔扭到嘅嘢就唔會比佢扭到，試多幾次佢知你係會堅持過佢，佢就會少扭咗。
佢哋扭係因為想要嘅嘢無，所以最好就係唔想比佢哋要到嘅嘢就收高Ｄ，如果可以比的話就盡量比咗先，唔好比佢哋開始扭先比，如果唔係實以為扭係得，咁佢就會繼續用呢個方法整你。
呢個時期ＤＢＢ都係咁上下扭計，有Ｄ會長氣Ｄ，有Ｄ會無咁長氣，做家長唯一可以就係繼續平靜咁面對，其實有時係互動嘅效果，你越唔比佢激到，佢就會無計，齊齊加油啦！
私人傳訊

kakashi


大宅

積分: 1586


16#
發表於 09-7-30 09:43 |只看該作者
same with your case, 宜家小朋友係只得喊來表達佢既要求, 不滿, 我都由佢係地下典. 最緊要加埋屋企人合作, 當有其中一個話/閙/打佢, 因為佢實救求, 其他人都唔理佢, 自然佢會收到自己唔岩~
當然佢地好快又唔記得, 重覆以上無數次,我未必會用其他野分散佢注意力, 始終要計對佢當時唔岩個樣野堅持絕不讓步才是~
媽媽你要加油哦, 到佢識講野仲會駁嘴駁舌, 到時先係測驗EQ的關頭~
健康院都係重視小朋友, 不用太擔心, 男孩子係較遲講野同頑皮的~
私人傳訊

rclee2in1


大宅

積分: 1092


17#
發表於 09-7-30 13:23 |只看該作者
我個仔都係一樣, 近排都係得唔到的嘢就喊,瞓唒地, 我唔理, 比時間去喊, 阿奶奶就話抱佢, 我叫佢唔好, 等比喊完. 佢喊完後,自己主動來撩返我地玩 ! 真係要比d時間比佢泠靜下,因為佢地唔識講自己的感受,所以會喊 !
私人傳訊

qqbabe


大宅

積分: 4653


18#
發表於 09-7-31 13:29 |只看該作者
http://forum.baby-kingdom.com/thread-2343238-1-1.html
呢度都有講唔同方法可以參考; 試下佢地做得好, 乖既時候多d讚佢, right timing讚係好重要, 真係讚唔好中間又哦下或有條件. 扭計就ignore, ignore時自己唔可以表現嬲, 更加唔好打, 要堅持唔好妥協, 慢慢佢地知你既底線喊黎都冇用就喊少d忸少d. 知你肯妥協下次咪又扭過, 係要狠心d, 即係喊足成個鐘都由佢. 我地日日都在學習中, 唔好灰心啊!
私人傳訊

snowkit


大宅

積分: 2446


19#
發表於 09-7-31 16:00 |只看該作者
我去playgroup老師教我們一個方法,有一堂老師給小朋友一張圖,是一個媽媽把手交叉在胸前,老師問小朋友媽媽的心情,說媽媽很生氣,然後教小朋友也同樣把手放在胸前,說如果生氣就做這個動作,

我的小朋友都會哭鬧又會罰地,不過有時她也會雙手放在胸前告訴我她不開心,她有錯我也會說生氣,然後把手放在胸前給她看,或者這樣可以幫到你
私人傳訊

little-angie


大宅

積分: 4072


20#
發表於 09-7-31 16:23 |只看該作者
原帖由 qqbabe 於 09-7-31 13:29 發表
http://forum.baby-kingdom.com/thread-2343238-1-1.html
呢度都有講唔同方法可以參考; 試下佢地做得好, 乖既時候多d讚佢, right timing讚係好重要, 真係讚唔好中間又哦下或有條件. 扭計就ignore, ignore時自己唔可 ...


係呀！我好多教言言嘅方法都係跟佢，我覺得好得囉，不過一定要全屋會照顧言言嘅人都一致，唔好一個鬧一個氹，仲要加埋有耐性，做人父母真係唔簡單，加油啊！
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見