吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 我個仔成日o咸要食奶

母乳餵哺今日: 0|主題: 85693

收藏本版

回覆發帖

返回列表

跳至頁

查看: 1062 | 回覆: 9

我個仔成日o咸要食奶 [複製鏈接]

easonkinki

公爵府

積分: 27070

1^#

發表於 05-1-18 11:50 |只看該作者

我個仔成日o咸要食奶

我仔自從第10日開始呢7日,日頭每隔半個~個半鐘就o咸到拆天要食奶,(我每次都係埋身餵,所E唔知佢食幾多)
今日終於頂唔順餵左餐奶粉,佢飲左2安就訓,幾過字後我就再埋身餵,但佢食得咁密因為根本唔飽,我唔知係我唔夠奶的問題,定我寵壞佢,成日食食下就訓,訓半個鐘又再食,再咁落去我就快捱唔住啦!日頭完全無得訓 :cry: 我開始想放棄,因為好大壓力,只係得老公支持我,不過老公見我咁辛苦都叫我補一兩餐奶粉等我無咁辛苦,但我又唔想

私人傳訊回覆引用

gigiso

大宅

積分: 3684

2^#

發表於 05-1-18 12:00 |只看該作者

Re: 我個仔成日o咸要食奶

既然你自己都想繼續餵bb的話, 就盡量自己埋身餵啦, 你餵開奶粉的話, 一習慣左好難唔比佢, 想全人奶就一定會比較辛苦, 唯有其他家務找其他人代勞吧!
可能bb正值猛長期, 又或者bb想o係你懷抱, 親近你和啜下你呢! 記住呀, bb喊唔代表佢唔飽, 請不要質疑自己奶的質素和質量! 你既奶一定夠bb食的! 只要持著這目標, 你信心就好大好多! 我地呢度成班媽咪支持你啊!

私人傳訊回覆引用

easonkinki

公爵府

積分: 27070

3^#

發表於 05-1-18 12:09 |只看該作者

Re: 我個仔成日o咸要食奶

我呢個星期真係好擔心,因為B仔頭10日好好湊,食飽就訓,訓飽又食,個時我又谷奶,而家無乜谷奶感覺,我都覺得自己夠奶o既,因為有時佢訓著我個胸就不停流奶,但我唔知係咪唔夠湯水飲&唔夠營養,so D奶稀得淨,B仔唔飽呢!
佢E家日頭食咁密,搞到我好似由朝餵奶餵到晚咁,我唔知好無佢一o咸就餵定還是餓下佢(佢食奶好唔定時)
唉!!!我都有c猛長期的文章,我都同自己講B仔係呢個介段,但身邊的人又俾壓力我,搞到我都驚B仔食唔飽會跌磅 :cry:

私人傳訊回覆引用

gigiso

大宅

積分: 3684

4^#

發表於 05-1-18 12:25 |只看該作者

Re: 我個仔成日o咸要食奶

你bb仲咁細, d奶稀都唔出奇, 我個囝成歲時我呀媽都話過我奶稀, 但人奶同奶粉根本唔可以相比, 只要你唔好用奶粉作標準, 那怎會覺得人奶稀呢? 而且前奶通常都係水水的, 白白地有些透明的, 比較解渴; 後奶才會比較杰, bb飲左會飽肚。
bb係自己的, 你才有決定比什麼bb。旁人說什麼都輕輕帶過地回應算啦! 因為佢地根本唔明, 只係唔想你太辛苦姐!
總之唔好理bb係咪肚餓喇, 暫時試下佢需要就比佢啦! 因人奶唔同奶粉定時定侯, 要feed on demand嘛!

私人傳訊回覆引用

HappyHelena

禁止發言

積分: 1799

5^#

發表於 05-1-18 14:21 |只看該作者

Re: 我個仔成日o咸要食奶

提示: 作者被禁止或刪除內容自動屏蔽

私人傳訊回覆引用

easonkinki

公爵府

積分: 27070

6^#

發表於 05-1-18 15:31 |只看該作者

Re: 我個仔成日o咸要食奶

本來我好堅持好有信心餵人奶,但B仔呢排咁大轉變搞到我已經無精神(因為我自己一個湊,媽咪只負責煮野俾我食),最hurt係外人的說話,真係.....令到我好傷心 :cry: 又成日講到餵人奶唔好問我幾時轉餵奶粉,加上岩岩生完,搞到呢幾日情緒好唔穩定 :-|
其實我覺得B仔好健康架!出世6磅7,第10日已經去到7磅3,第14日已經8磅,但外人見到佢都話佢瘦.
不過比起剛出世時肥左好多啦!
我媽聽到人地咁講,就想逼我用奶粉谷肥B仔,我而家壓力好大呀 :-(

私人傳訊回覆引用

chaichai

大宅

積分: 1479

7^#

發表於 05-1-18 16:44 |只看該作者

Re: 我個仔成日o咸要食奶

easonkinki,

其實你駛mug埋其他人點講喎! 個仔係你自己既, 你用你既奶去餵佢, 仲餵到依家磅數上得幾好呀! 繼續努力啦!

我囝囝到左12.5個月大時我已經同佢轉左奶粉喇! 因我已達到我既目標~~餵到一歲! 我果時同你一樣都係只得老公支持自己咋! 我媽咪又咪係經常叫我餵奶粉! 但我無理佢仲堅持已見添! 所以佢無可耐何咋! 我兩個家姐都係餵奶粉既, 佢個B經常病! 佢仲話我好有恆心添! 我另一個家姐依家有左4個幾月, 佢見我餵人奶, 佢都唸住生完又好似我甘餵人奶呀!

你唔好比自己甘大壓力! 如果你餵得太辛苦咪臨訓前果餐餵奶粉囉! 我頭兩個月都係甘咋! 每日一餐奶粉, 自己同亞B又可以訓得好D! 到亞B兩個月大果時, 我就無再餵奶粉喇! 改為全人奶添! 無謂比"全人奶"呢3個字攪到自己情緒低落嘛! 放鬆D啦!

私人傳訊回覆引用

evaken

男爵府

積分: 7096

BK Milk勳章

8^#

發表於 05-1-18 19:46 |只看該作者

Re: 我個仔成日o咸要食奶

kinki: 加油呀~

私人傳訊回覆引用

晴朗天

別墅

積分: 794

9^#

發表於 05-1-18 21:47 |只看該作者

Re: 我個仔成日o咸要食奶

我個b望落去都瘦架, 不過我好清楚人奶係對bb最好既, 一直冇理人地講咩, 我同奶奶一齊住, 佢都話我唔夠奶唔好餵, 我都冇理佢, 肥既bb唔等於健康, 我仲特登唔出街, 等佢地冇機會等我唔係屋企餵佢飲奶粉, 出都同阿b一齊出, 我個b 都係出世果個月係咁食, 一日十二餐左右, 到左夜晚仲係咁喊, 喊到3點-4點先肯訓, 雖然果時我都好多疑問, 不過都過左了, 情緒都影響奶量的, 唔好比咁大壓力自己, 要對自己有信心呀, 湊一個bb唔係個個都好湊, 比d耐性吧, 一定等到大家都舒服的一天, 慢慢你一定找到大家都適應到的一天.

相信自己, 人奶係對bb最好的第一份禮物, 休息對奶量都有影響啊! 努力吧! 這裡很多人支持你啊!

私人傳訊回覆引用

米雪兒1101

大宅

積分: 2054

10^#

發表於 05-1-19 02:24 |只看該作者

Re: 我個仔成日o咸要食奶

easonkinki,

其實我都好明白你呀...因為我個仔而家三個月...佢都係成日要食...次次都平均要成個鐘先飽...如果唔係就好快要食...攪到成日都好似埋身咁...佢初初出世個兩個月仲耐...佢可以食成三個鐘...你唸下佢食完都已經差唔多又要再食...我之前都好似你咁...冇咩人支持我...我亞媽仲要咩都唔准我食...攪到我營養不良...所以個陣半個月都有補奶粉俾佢...但當我亞媽走左...我再俾返佢食全人奶...仲辛苦過初頭要餵...我好好好好好後悔當初補過奶粉俾佢呀...仲有見佢食完奶粉之後...d臭臭好硬...我bb又唔肯飲水...見佢肚痛個樣真係好心痛...好左上左黎...同下呢度好好人既媽咪傾下...聽下佢地既經驗...咁我就成功幫佢轉返全人奶...而佢既體重都好理想...最重要佢健康都幾好...因為我同佢daddy都病過...特別我大病左幾次...但佢都冇俾我傳染到囉...講真...就算到而家我有時都會有d負面既想法出左黎...想放棄...但當我唸深一層...自己一時既辛苦...換黎bb既一世健康...真係值得囉!!...所以你要俾心機呀!...同埋我建議你如果奶量夠既...可以泵定d奶出黎以便不時之需呀...咁當然唔好依賴泵奶...得既埋身食好d呀...咁你泵出黎...一來可以俾人餵下你唔洗咁辛苦...二來可以休息下...我都係好後期先開始泵(因為bk既媽咪教我邊餵邊泵)...咁樣一日佢食10餐到啦...我有兩餐用奶樽餵佢囉...不過佢呢幾日唔知做咩唔肯用奶樽食囉...anyway...唔好放棄呀!!...我地好多人會支持你呀!