Re: 我個仔成日o咸要食奶
easonkinki,
其實我都好明白你呀...因為我個仔而家三個月...佢都係成日要食...次次都平均要成個鐘先飽...如果唔係就好快要食...攪到成日都好似埋身咁...佢初初出世個兩個月仲耐...佢可以食成三個鐘...你唸下佢食完都已經差唔多又要再食...我之前都好似你咁...冇咩人支持我...我亞媽仲要咩都唔准我食...攪到我營養不良...所以個陣半個月都有補奶粉俾佢...但當我亞媽走左...我再俾返佢食全人奶...仲辛苦過初頭要餵...我好好好好好後悔當初補過奶粉俾佢呀...仲有見佢食完奶粉之後...d臭臭好硬...我bb又唔肯飲水...見佢肚痛個樣真係好心痛...好左上左黎...同下呢度好好人既媽咪傾下...聽下佢地既經驗...咁我就成功幫佢轉返全人奶...而佢既體重都好理想...最重要佢健康都幾好...因為我同佢daddy都病過...特別我大病左幾次...但佢都冇俾我傳染到囉...講真...就算到而家我有時都會有d負面既想法出左黎...想放棄...但當我唸深一層...自己一時既辛苦...換黎bb既一世健康...真係值得囉!!...所以你要俾心機呀!...同埋我建議你如果奶量夠既...可以泵定d奶出黎以便不時之需呀...咁當然唔好依賴泵奶...得既埋身食好d呀...咁你泵出黎...一來可以俾人餵下你唔洗咁辛苦...二來可以休息下...我都係好後期先開始泵(因為bk既媽咪教我邊餵邊泵)...咁樣一日佢食10餐到啦...我有兩餐用奶樽餵佢囉...不過佢呢幾日唔知做咩唔肯用奶樽食囉...anyway...唔好放棄呀!!...我地好多人會支持你呀!
[size=small]Mason is my life! :-)[url=http://www.babyhome.com.tw/bb/56857][size=small]