產前產後

跳至

首頁
1

尾頁
   0


複式洋房

積分: 273


發表於 05-1-19 19:55 |顯示全部帖子

好煩呀!<有關胎盤前置>政府同私家醫生照Ultra sound 結果不同

我係政府同私家兩邊都有做檢查,佢哋一直都話我胎盤前置,所以政府都keep住有幫我照,私家就每次檢查都有照,直至32weeks私家話胎盤己經正常番,但33weeks政府話重係低,上星期35weeks私家都係話正常,今天36weeks在政府照話重係低,要我下午入院住到生,我話唔得,佢要我簽拒絕入院信,跟住叫我下星期一入,我話星期三先得,咁就比咗封入院信我啦,但我想在私家生。

我現在好予盾都唔知邊個先啱,唔知好唔好再揾其他醫生照多次?我依家睇緊盧乃本醫生,請問你哋有冇其他醫生介紹呀?


民房

積分: 17


發表於 05-1-21 15:10 |顯示全部帖子

Re: 好煩呀!<有關胎盤前置>政府同私家醫生照Ultra sound 結果不同

我的情況同你差不多,在32週時,政府醫生話我是pp3,叫我立即入院,我當時當然反對,完全未有心理準備,又有好多嘢未做;當時私家醫生話最多pp2.點知3日後的半夜,突然大量出血,要入急症,好在入到院後,停咗流血,可以住院到37週先開刀.BB出世都有7POUND.

我的意見喺政府醫生較為可信D....

如有任何關於胎盤前置的問題,可PM我......

正正於2004年7月12日出生


大宅

積分: 2589


發表於 05-1-21 15:39 |顯示全部帖子

Re: 好煩呀!<有關胎盤前置>政府同私家醫生照Ultra sound 結果不同

胎盤前置要好小心及要開刀的﹗
點解妳唔信政府?? ?-(


民房

積分: 20


發表於 05-1-22 11:21 |顯示全部帖子

Re: 好煩呀!<有關胎盤前置>政府同私家醫生照Ultra sound 結果不同

我現在34週, 亦是胎盤前置, 屬pp1, 醫生要我36週入院再照, 若然未升番, 要住院直至到生 (可能開刀). 其實我最怕會大量出血, 對自己或bb的性命有危險, 但我又唔想農歷新年都住在醫院, 真是予盾.


複式洋房

積分: 273


發表於 05-1-22 18:33 |顯示全部帖子

Re: 好煩呀!<有關胎盤前置>政府同私家醫生照Ultra sound 結果不同

今日我揾咗另外一個醫生再照,結果眞係低,左面正常,右面低,所以都係低,但唔算好嚴重,但都有風險,佢有兩個建議比我:

1. 如果唸住係政府生就卽刻放產假入醫院住到生就最安全。

2. 如果唸住係私家生就38weeks開刀,如等到穿水或見紅先入院,胎盤無露出子宮,都可試吓順產,但會比正常人流多d血,如果胎盤露出子宮都係要開刀。但佢唔贊成後者,需然佢覺得我唔算太嚴重,但如果流血時處理得唔好,都有機會太量出血,缺氧,暈倒,對兩個生命都有影響,唔值得冒險。

我覺得佢講得都好啱,今晚我要唸清楚再安排應該點做好。


大宅

積分: 2589


發表於 05-1-22 18:47 |顯示全部帖子

Re: 好煩呀!<有關胎盤前置>政府同私家醫生照Ultra sound 結果不同

Cat628:

祝 一切平平安安


民房

積分: 55


發表於 05-1-24 16:19 |顯示全部帖子

Re: 好煩呀!<有關胎盤前置>政府同私家醫生照Ultra sound 結果不同

Hi Cat628,

我想我同你的case差不多, 現在35週我一路去私家檢查都話我胎盤低, 醫生話要胎盤同出口要有5cm距離先可以安全順產, 但我到現在只有2.幾cm距離, 多數都要於38週開刀, 但醫生話再check 吓會不會升返再決定, 今日會覆診如果都係低就book手術室開刀. 但我之前順產試過產後大量出血, 所以我都唔會博, 會38週開刀. 之前五個月在政府照詳細超聲波都話我低, 叫我34週返去再照, 再去照個助產仕話佢哋標準是2.8cm, 我現在有2.2cm, 好大機會可以順產, 佢好想我係政府生同順產, 就安排我即刻見醫生, 但醫生話英國最新標準係4.5cm, 話我都有機會順產, 問我會於那裡生, 我話會38週私家開刀, 距就叫我唔洗返去覆診.
所以我想你如果都要博就唔好啦, 因為好危險, 我試過產後出血差d冇命, 輸左4包血, 雖然不是胎盤前置做成, 但太恐怖了, 所以要以安全為大前堤. ?-(

首頁
1

尾頁

跳至