大仔大女媽媽會 今日: 0|主題: 177857

可以講下每日靚粥, 靚湯, 小吃, 營養補充。

我今日諗住返去買三文魚煮返個:

合掌爪蕃茄三文魚湯

未有人入來, 等我又自言自語下先。

我想問妳地依家俾bb食既野(粥仔/湯水) 係唔係依家咩調味料都唔加呀, 紫鈺依家食粥好唔乖, 要玩要睇電視, 有時都唔肯食, 一碗粥餵得好辛苦, 出盡法寶餵成30-45分鐘先餵完。好似無一次係乖乖坐定定俾人餵晒碗粥架。

屋企人個個話我, 叫我加d鹽or豉油落D粥度, 但我自己試過D粥係有味架, 唔係淡MAO MAO架MA。

妳地BB依家食野情況又係點呢?

我個仔係要加少少鹽落D粥度先肯食. 佢都係唔會乖乖咁食, 要睇電視 or 有時周圍走來走去我地要追住餵. 餵一碗粥真係幾辛苦ga.

我又係度諗, 係個個小朋友都唔同, 定係我一開始做錯左, 竉壞左佢呢?

因為我大伯兩個女唔使坐hign chair都可以坐定定係度俾人餵晒一大碗粥, 仲要餐餐都係瘦肉雞蛋粥(可能有加一兩滴豉油)。朋友個仔餐餐食兩碗粥, 都係一啖接一啖唔使玩具。真係好頭痛呀!

Hi cathy,

我好耐冇上 BK post message 喇，近哩個月公司忙到不得了(因年近歲晚)，返到屋企又要陪囝囝，所以都冇乜時間上網，有時上一上黎睇

花仔,
係囉!好耐無見妳了。

原來可以食鹽啦! 我都有試過入去果度偷師架。

三文魚我試過買魚腩, 試過買刺身, 發覺都係差唔多。

今日餐粥係用摛晚d魚湯煲既, 紫鈺又好肯食喎, 逢親用湯底烋既粥佢都會食得快d, 主動d, 但有時我唔得閑買餸無湯底, 睇來我可以選擇性加鹽。

我住果度得百佳, 無咩魚賣, 好慘, 其實紫鈺好鐘意魚做既食物架, 我通常都係用三文魚, 魚宛魚。

my bb could finish his meal very fast say 15-20 minutes, but he must has his toy in hand. Nevertheless, I tried before to delay his dinner time say 1 or half hour and under this case, he could finish the meal without any toy. i think he is really hungry and thats why. haha. so mycathy u may try to do and see if it works on 紫鈺.
usually i do not add salt except for spinach meal as my bb doesnt like the spinach taste!

my bb's favourite:
white noodle
thick cognee
steam finish
steam egg
rice &
choi sum
today's menu: chestnut + chicken fillet + broccoli

bette,
紫鈺既食飯時間都幾規律, 不過我都會試下將兩餐既時間拉長少少睇下會唔會好d, 唔該晒!

今日整左:
淮山杞子圓肉燉雞湯

cathy,

到現在為止,我比家楠食o個d食物全部都冇落鹽,費事佢食左有味野其他野唔肯食,所以我奶奶有時都話我帶bb去飲茶,點解唔比d佢食,不過佢食粥每次可以食到兩碗,但當然要睇住電視或者有玩具玩啦!佢最鍾意食南瓜瘦肉粥或者菜心瘦肉粥.

CarmenYsm,
我媽咪好鐘意飲茶, 成日帶紫鈺去, 佢又勁為食, 所以都會叫d飽類俾d皮佢食。
我依家開始俾少少大人既餸菜佢試了, 好似摛晚佢吃完粥到我地食飯, 佢又坐埋來食d蝦+西蘭花+白飯咁。

圓肉節瓜瘦肉粥

我好想鎬鎬大個好似Ｄ西方人咁高大，所以之前有從外國訂“Ｄ“ＢＢ食譜，嘩！原來的西人好得意，佢地為左方便，會將Ｄ材料先用ＢＬＥＮＤＥＲ攪拌左先，然後再將佢地做成冰塊，一次過準備一至二個星期的材料，要用的時候將佢地ＤＥＦＲＯＳＴ。　

我曾經聽過有Ｄ賓賓因為咁準備材料比阿ＭＵＭ抄左，而家“林“番都覺得好好笑。

mandy2003,
外國人做野好多時都會以方便行先, 唔似中國人咁講究, 我覺得始終唔同種, 所以佢地既一套未必啱我地。

依家d小朋友營養好, 一代比一代高大。俾鎬鎬做多d運動啦, 第時一定玉樹臨風。

今天鎬鎬食

西芹雞胸薯仔數字粉

改返個正常d既名先。

紫鈺今天美食：

紅蘿蔔豬骨湯菜心瘦肉粥

好名, 好名!!

noel 今日美食係 奶奶~~~~ 仲有一陣嘅飲茶美點.....heheeeee :mrgreen: :mrgreen: :mrgreen:

Cathy, 慧兒美食閣，好正呀！

Cyrus 今日menu :
青紅羅白豬展湯+蒸魚+灼菜心+ABC通粉

Pizza

點解妳唔煮飯比noel 食呀????妳呢個媽媽呢真係有少少懶惰喎

Jasmine's today menu

谷芽+麥芽+豬橫利+馬碲湯
節瓜+鯇魚+cheese

jasmimipan,
哇! jasmiine既餐單真係好豐富呀, 妳得閑多d入來, 等我地可以偷下師啦!

谷芽麥芽有咩好處架? 邊度買呀?

cathy

唔好講偷師la, 妳開左呢個Topic好好呀!!!大家係呢到可以分享下煮食既經驗.

我姑姐教我煲呢個湯比bb飲, 佢話d豬橫利煲湯對d腸胃好好, 大大會暢順d. 其實谷芽麥芽係開奶茶都有, 係清熱既. 落馬碲就甜d同清熱. 大人都可以一齊飲.

谷芽麥芽可以係藥房買($5)就夠la.