意見反饋
義工

心聲留言 今日: 1|主題: 15975

查看: 1406 | 回覆: 9
點樣可以客氣d 講?


男爵府

國民生產總值:7783


發表於 05-1-31 11:13 |顯示全部帖子

點樣可以客氣d 講?

我同老公的家姐細妹住了很久, 她們都未嫁, 從未結緍到現在, 我囡囡都近四歲了, 昨天同老公細妹傾計, 佢有個拍拖3年的男友, 但她男友無打算和她結緍, 我問她不會和你結婚的男人, 你還和她一起, 她說現代人係咁, 咁我咪會同佢兩姐妹一齊住到老, 我唔想呀...我可以點同佢客氣d 講出此問題呢? (我家現在只有兩房, 我和老公囡囡在主人房, 佢兩姐妹在隔離房), 間屋係我和老公名同供的.


子爵府

國民生產總值:13922


發表於 05-1-31 12:16 |顯示全部帖子

Re: 點樣可以客氣d 講?

daichoigo,

呢啲事情點講都很難用到客氣說話因無論怎樣講佢哋都覺得你唔好, 其實最初為何她們會跟你們一起住呢? 最好是讓你老公出聲或許你說想間房給回囡囡住可以嗎?


珍珠宮

國民生產總值:31129

醒目開學勳章 畀面勳章 環保接龍勳章 BK猜猜猜慶中秋 親子王國15週年勳章


發表於 05-1-31 14:30 |顯示全部帖子

Re: 點樣可以客氣d 講?

可唔可以叫老公同她們講,我覺得最好用囡囡大要自己一間房做借口,最好講埋自己想生多個﹙生唔生就後話啦,但咁大個人都應該明個囡同你地同房唔方便啦!﹚咁她們都應該明掛!
武裝的心臟為你 Break Down
剩下赤裸的告白 沒防備的愛
奮不顧身要勇敢 擋開流言的子彈
So Baby Let’s Go Go Go Go Go


侯爵府

國民生產總值:22720


發表於 05-1-31 16:59 |顯示全部帖子

Re: 點樣可以客氣d 講?

唔...都幾kick手吓喎, 我覺得首先你要同你老公兩個自己私下傾清楚先, 睇吓你老公覺得咁樣落去有無問題, 如果你老公同你一樣咁諗, 就最好啦, 仲要叫你老公開聲添; 但如果你feel到你老公覺得無問題, 咁你就要坦白話佢知, 你覺得好有問題啦. 唔好話第日生唔生多一個, 就算你女女大咗, 都唔夠地方住架?! 你哋2個聯名間屋, 咁佢哋會唔會幫吓手, 分擔d家務, 水電媒各樣?! 不如叫佢2姊妹自己出去住囉..


等待驗證會員

國民生產總值:934


發表於 05-1-31 17:00 |顯示全部帖子

Re: 點樣可以客氣d 講?

你都幾難送,我都因姑仔結婚搬走,另一個姑仔就因奶奶有屋所以至搬.你點講或客氣都無用,因為佢地只知你要佢地走.極其量是用你囡囡來說,重要最好你老公出聲,不過到頭來佢地都認為是你主意 :mrgreen:
[size=medium]mymyso


侯爵府

國民生產總值:22756

2019勳章


發表於 05-1-31 18:16 |顯示全部帖子

Re: 點樣可以客氣d 講?

最緊要同你老公取得共識先, 如果佢都認為現在有問題先再想用咩說話/方式同兩個姑仔講。

一係講時話囡囡大喇, 要分房睡, 現在唔夠房, 你
我將這事告訴你們,是叫你們在我裡面有平安.在世上你們有苦難,但你們可以放心,我已經勝了世界. (約16:33)Born 3.02kg/1m 4.52kg/2m 6.06kg/3m10d 7.19kg/4m25d 8.38kg/6m 8.79kg/7m 9kg/8m 9.6kg/10m3w 10.2kg/12m 10.2kg/13m 10.8kg/16m 11.2kg


別墅

國民生產總值:747


發表於 05-2-2 01:08 |顯示全部帖子

Re: 點樣可以客氣d 講?

其實真係冇話客氣d講o家!!
因為佢地覺得你地趕佢地走就一定唔鍾意o家喇!!
真係你只有話個囡大, 想比多d空間佢.
dd先可以講下, 仲要你老公講, 起碼佢地冇得同你奶奶講你點唔好, 又趕走佢地個d丫嘛.


男爵府

國民生產總值:7783


發表於 05-2-2 20:57 |顯示全部帖子

Re: 點樣可以客氣d 講?

好多謝各位媽咪的意見! 其實我知暫時都唔可以改變了, 不過我會讓老公知道我的想法, 但唔會比壓力佢, 始終佢兩姐妹係佢屋企人, 我地三個住埋一間房係迫d, 但始終有一日佢地會搬gei. ~ 我相信! 希望唔會到我老先等到啦!
等囡囡上了小學, 我就一定會同佢地兩姐妹講清楚, 你們說得啱, 囡囡大了, 應該有自己的空間及私穩. 到時希望佢地識做啦.


大宅

國民生產總值:2723


發表於 05-2-4 11:59 |顯示全部帖子

Re: 點樣可以客氣d 講?

首先係佢兩個有冇能力自己搬出去先,如果冇,講鬼咩.
我老爺奶奶搬,係因為我嗰時喺屋企同老公研究緊點間多間房俾阿仔咋.但我唔係特登俾佢哋聽架,但佢兩個老人家好識做,喺房偷聽到就自己開始去睇樓,睇到咁上下先同我哋傾,所以,佢哋真係好唔話得架.
老實講,呢啲說話邊有客氣架,一聽到個搬字都黑面啦.唯有希望佢哋自己feel到唔夠住,自動自覺囉


子爵府

國民生產總值:11965

好媽媽勳章


發表於 05-2-4 14:41 |顯示全部帖子

Re: 點樣可以客氣d 講?

我諗你老公既家姐細妹唔會住得耐既...有邊個人會知道聽日發生咩事呢...可能佢地第二日同你講佢地想搬...又或者結婚呢...就算佢地而家唔結婚既...都有機會同居架嘛...如果目前佢地唔會搬出去住...而你老公又覺得無問題既...咁將來既事...將來先決定啦...如果大家相處暫時都無問題的話...如果佢地唔黑人憎...大家又無乜野既話...咪比d時間佢地...遲d你個女大d既話...你老公覺得唔方便既...你老公自然會開聲架啦...



[url=http://lilypie.com][img]


  • 搜 尋
  • APP
  • 網 站
© Baby-Kingdom.com Limited. All rights reserved.