意見反饋
義工

心聲留言 今日: 2|主題: 15865

查看: 892 | 回覆: 13
原來自己唔開心時,會有想死既念頭...


民房

國民生產總值:4


發表於 05-2-2 11:39 |顯示全部帖子

原來自己唔開心時,會有想死既念頭...

平凡既我,每日返工放工,有時覺得為左供樓而工作,為了一家幾口生活而工作(其實人人如是),好乏味!

太疼愛自己個女,處處遷就,老公唔認同,但又無所行動,不付出,卻要回報。

尋晚自己心情唔好(可能因為 M),睇見老公唔順眼行為就鬧,佢話我搵佢出氣,各不相讓,各自認為自己無錯...原本諗住個囡訓左就食飯,點知我自己訓左,醒番時佢打算訓,佢訓著我就起身,感覺好委屈,後來發覺原來佢自己食左野,就更覺可憐,一喊一路執玩具,一路執玩具又一路期望佢會出黎睇我,點知...

執完上床訓,但係訓極都訓唔著,想東想西,想死...可惜,我無勇氣!

訓吓又醒吓,今朝個囡又早左起身,飲完奶又唔訓,要我同佢玩,好睏!

返工途中,諗諗吓又眼淚流...眼淺既我無法同朋友傾訴,怕未講已經喊,講講吓又喊...最後,我可以用文字宣洩吓,不過打打吓又唔想打,想 post 又唔想 post,因為又覺得好似好少事,但係自己又真係好唔開心。

多謝親子王國借我一個位,多謝各位花時間睇我心聲!


大宅

國民生產總值:1708


發表於 05-2-2 11:52 |顯示全部帖子

Re: 原來自己唔開心時,會有想死既念頭...

唔好想唔開呀,萬事都有轉彎嘅餘地。

我打中文慢,你等等我,我打過另一段同你再傾。
http://www.baby-kingdom.com/index.php?uid-34397-action-spacelist-type-blog


大宅

國民生產總值:1708


發表於 05-2-2 12:00 |顯示全部帖子

Re: 原來自己唔開心時,會有想死既念頭...

傻ge,平凡是福呀,好多人恨都恨唔到呀,你入去"心聲留言"或"夫婦情感"睇吓其他人的遭遇,你就會覺得自己已經不錯。 凡事比上不足,比下有餘就ok la。

http://www.baby-kingdom.com/index.php?uid-34397-action-spacelist-type-blog


民房

國民生產總值:4


發表於 05-2-2 12:12 |顯示全部帖子

Re: 原來自己唔開心時,會有想死既念頭...

GreyParrot
我無睇呀!

我覺得我老公好懶,佢成日都好晏收工返到屋企,又唔爭取時間陪個囡,個囡而家黐我唔黐佢,我真係好睏!


大宅

國民生產總值:1708


發表於 05-2-2 12:20 |顯示全部帖子

Re: 原來自己唔開心時,會有想死既念頭...

男人係咁架la,我老公都係乜都唔理個仔架,不過,佢就有幫手做下家務。 算la,我都化咗好多喇,求其佢唔係有不良嗜好已經好好la。

我都有試過好嬲,好唔開心,半夜爬起來喊。 不過,喊咗好耐,個老公同個仔都唔知,瞓到隻豬咁,一d都唔知,你話係咪激死!

有時兩公婆嘈下實有喇,過咗一排,條氣下咗,一家三咪一樣咁開心。 等心平氣和時,同老公傾下,雖然有d性格嘅野好難改,但起碼佢都知你有乜唔開心。

搵d朋友傾下la,朋友唔會介意你一路喊一路講ge。 再唔係,上BK呻下,就算冇人回應,都可以講出來發洩下,舒服d。 唔好諗埋一邊,好小事,唔值得。
http://www.baby-kingdom.com/index.php?uid-34397-action-spacelist-type-blog


大宅

國民生產總值:1708


發表於 05-2-2 12:37 |顯示全部帖子

Re: 原來自己唔開心時,會有想死既念頭...

白老虎 寫道:
GreyParrot
我無睇呀!

我覺得我老公好懶,佢成日都好晏收工返到屋企,又唔爭取時間陪個囡,個囡而家黐我唔黐佢,我真係好睏!


我老公都好夜收工,好多時放假(特別係長假期),佢都要返工,為口奔馳,無辦法la。 呢d都係佢嘅付出之一。 你估佢好想咁夜收工咩,佢都好疲倦架。 你可能會話自己夠要返工la,呢d咪係我地母愛嘅偉大lor (Oh, 講到自己好似好偉大咁添 )。

可能你個女重細,比較黐身咗d,大d當佢識同你傾下計就唔同喇。 宜家趁佢細細個,未讀書,同佢玩多d,唔好覺得係負擔,好好享受一下你倆的親子時間。 到佢好似我個仔咁大時(六年級),就一d都唔可愛架喇,想錫下,抱下都唔得喇。
http://www.baby-kingdom.com/index.php?uid-34397-action-spacelist-type-blog


民房

國民生產總值:4


發表於 05-2-2 12:38 |顯示全部帖子

Re: 原來自己唔開心時,會有想死既念頭...

GreyParrot
咁你老公都好 d,佢連家務都唔幫手做,成日覺得自己做野好辛苦!

我尋晚去廁所喊,之後出廳,佢到而家都未知o家!

講過啦,又係咁!

係我介意自己喊個樣好醜怪,唔想俾人見到,所以我最後選擇左上 BK 呻,正如你所講,就算冇人回應,都可以講出來發洩下。

多謝你回應我!


伯爵府

國民生產總值:15534


發表於 05-2-2 14:02 |顯示全部帖子

Re: 原來自己唔開心時,會有想死既念頭...

你唔好想不開呀!我成日都想死啦!但衝動過後又沒事的了!有沒有人可幫你帶細路呀?會自覺帶細路的男人好少的!
我是4歲的澤銘,我最愛跑來跑去,破壞看得到的一切東西,和最愛車車 ようこそ!ご覧で下さい !


大宅

國民生產總值:4216


發表於 05-2-2 16:48 |顯示全部帖子

Re: 原來自己唔開心時,會有想死既念頭...

唔好咁傻啦~~~千其唔好做傻事呀, 你要諗下你有個囡囡同老公, 一個幸福既家庭, 已經俾好多人好架喇

我既 case 同你差唔多, 不過我就係要照顧五隻狗, 有時會做到好忟, 甚至響toilet 入面喊, 雖然個衰佬有叫幫下手, 但係始終都係我做既多同埋硬係覺得佢做得唔好

放左工返到去要煮飯, 開飯俾d狗狗, 執佢地既大小二便, 攪到真係無乜時間淨.

你都叫好吖, 個囡囡會長大, 會有佢獨立既一日, 但係我唔同渦, 照顧狗狗佢地仲有好漫長既日子.

而家可能習慣左啦, 所以都小左發脾四, 不過有時都會既 :mrgreen: 其實最緊要係你唔好諗埋一邊, 試諗下個囡囡得意精靈既一面吖, 同埋搵朋友傾下, 好過屈住響心入面吖嘛


禁止訪問

國民生產總值:1430


發表於 05-2-2 17:10 |顯示全部帖子

Re: 原來自己唔開心時,會有想死既念頭...

提示: 作者被禁止或刪除 內容自動屏蔽


水晶宮

國民生產總值:71818

畀面勳章 環保接龍勳章


發表於 05-2-2 18:00 |顯示全部帖子

Re: 原來自己唔開心時,會有想死既念頭...

白老虎,

唔好咁唔開心啦, 生活壓力人人都有架啦, 睇下你自己點去面對唧.

我反而係同個女既問題多D, 佢家陣讀小二, 係生活上, 佢樣樣都同我"撐到恆"晒, 我話東, 佢就話西.佢返左學, 我就好似自己放監咁, 佢一放學, 我既惡夢就開始, 一教功課, 我就真係想死, 你阿B仲細, 唔好咁快就唔開心住, 以後仲有好長既日子.
謀事在人,成事在天,個天先係最終揸"fit"人!!

你恨的人,來生不會再見,所以別在他身上浪費時間;你愛的人,來生也不會再見,所以今生要好好對他。


複式洋房

國民生產總值:262

好媽媽勳章


發表於 05-2-2 18:41 |顯示全部帖子

Re: 原來自己唔開心時,會有想死既念頭...

白老虎:

我最近同妳都有相似感受,真係同病相憐.

同老公相戀至結婚,先至發覺戀愛同結婚係兩件事,結左婚,老公再冇耐性容忍我既不是,生左bb,更加冇彎轉,兩個人對bb都如珠如寶,偏偏兩人性格又強硬,自己幾辛苦都please唔到老公,亦覺得老公成日為小事嬲我/話我.

工作壓力亦大,好驚冇左份工.

每日拖住疲憊既腳步回家,路上靜悄悄,我會望住黑黑既天空,好空虛, 我有時想放棄自己,只有囡囡係一點強心針,亦都唔想對唔住為我付出良多既父母.

但係,我既不快樂,好似一個樽,水滴慢慢裝滿,我想逃避,想去一個冇人既地方,痛快咁哭一場,大叫洩心中屈結. 想消失一下,暫時做返自己,身份唔再係人地媽咪,人地老婆.

有時真係想放手,我只係一個唔重要既人.


別墅

國民生產總值:844


發表於 05-2-3 13:04 |顯示全部帖子

Re: 原來自己唔開心時,會有想死既念頭...

最近買了本書<找回生命的答案-自殺者親友的重建書 / 作者 : Rita Robinson / 繙譯 : 胡州賢>, 我剛開始看, 書大概有兩點大家要注意的 :

1) 自殺成功者有70%以上有憂鬱症
2) 自殺是一種疾病, 當人腦中神經傳元素諸如血清素不足時, 病人便可能會出現嚴重的憂鬱症狀及強烈的自殺念頭.

而大家更加要注意的是 : 自殺成功者的身邊親友. 他們好可能是被忽略的一群, 因為他們會自責... 我才剛開始看序, 詳細內文有待閱讀.

[size=medium]有不開心, 要找方法說出來, 不要悶在心裡; 有需要的, 一定要看醫生.

平時可以聽一些輕鬆的音樂, 例如 : Kevin Kern, 人會輕鬆愉快的.

該用戶已被刪除

發表於 05-2-3 17:37 |顯示全部帖子

Re: 原來自己唔開心時,會有想死既念頭...

提示: 作者被禁止或刪除 內容自動屏蔽


  • 搜 尋
  • APP
  • 網 站
© Baby-Kingdom.com Limited. All rights reserved.