心聲留言

跳至

首頁
12

尾頁
   0


侯爵府

積分: 23331


發表於 05-2-7 10:46 |顯示全部帖子

如果佢一郁手, 我實兜把星佢!

尋日我一個帶亞仔(三歲)去太古城買波鞋, 當時好多人, 我地搵到個位坐, 個位有個大約六, 七歲嘅男仔, 佢隔離無人, 但放左張難紙係度, 咁我抱亞仔過去坐, 點知個細路唔比, 仲叫我走開, 我望周圍都無人識佢, 咁我就話, 張chair係比人坐黎試鞋嘅, 但佢仲係叫我走開, 我無埋佢, 點知佢放隻腳係我個仔隻腳上面話’信唔信我踩佢呀嗱’, 我話你試下! 嘩! 佢真係踩左一下(細力), 我問佢做咩! 佢話係我迫佢, 我問佢媽咪係邊, 佢話佢無媽咪. 咁我無理佢, 繼續同亞仔試鞋, 點知佢唔放過我地, 又叫我走開, 又話呢度你架, 你大哂呀, 又話信唔信我話你打我, 有無攪錯, 仲諗住屈我, 我真係火都黎埋, 我話最好你報警, 等警察驗下有無我指毛. 佢跟住舉起隻手話信唔信我打佢(亞仔), 我好大聲咁喝佢, 我話你試下掂下佢, 我當時真係好惡, 好大聱, 成間舖都聽到, 我唔知點解佢屋企人聽唔到, 我後面個sales都忍唔住同個細路講, 唔好駁媽咪嘴, 我即刻澄清我唔係佢媽咪, 我諗如果佢一郁手, 我一定星佢, 最後佢個唔知係咪亞媽嘅女人係我後面行埋黎, 佢一路行一路同個男仔講, 你又攪人呀! 我就同個女人講, 亞太太, 你個仔好曵, 我試鞋傘, 又要打又要殺, 個女人即刻講唔好意思, 跟住拖佢走, 個細路仲邊行邊話我打佢先, 如果個女人質問我係咪打佢, 我實同佢開戰. 都唔知咩細路, 佢個樣好陰濕, 講每一句嘢都好平靜, 仲咪咪嘴笑, 好恐怖. :evil: :evil:


男爵府

積分: 7009

2020勳章


發表於 05-2-7 12:11 |顯示全部帖子

Re: 如果佢一郁手, 我實兜把星佢!

嘩!!六, 七歲已經咁惡,我個仔係咁就幣喇,不過我一定唔會縱到佢咁!!
~~最鍚我個寶貝仔仔~~


大宅

積分: 1141


發表於 05-2-7 12:31 |顯示全部帖子

Re: 如果佢一郁手, 我實兜把星佢!

通常呢d都會父母o既影子, 個細路o既父母是但一個一定係咁做佢先會學到. 所以話父母一定要做一個好榜樣


大宅

積分: 1425


發表於 05-2-7 14:28 |顯示全部帖子

Re: 如果佢一郁手, 我實兜把星佢!

六歲人仔就咁恐怖!!
e+ d細佬真係難教呀!!
:evil: :evil: :evil:


子爵府

積分: 10572


發表於 05-2-7 14:32 |顯示全部帖子

Re: 如果佢一郁手, 我實兜把星佢!

睇完你咁講,真係好恐怖呀!
一個咁細既妯路點解可以咁架!
講埋 D 野仲好恐嚇性添,連大人一D都唔怕.
仲話自己冇阿媽,係我,一定同佢阿媽講呀!


侯爵府

積分: 24623

好媽媽勳章 畀面勳章


發表於 05-2-7 14:43 |顯示全部帖子

Re: 如果佢一郁手, 我實兜把星佢!

呢d小朋友 :evil: :evil: :evil:
我尋日去阿奶奶家食飯,見未開飯我帶阿仔落街行,搭


侯爵府

積分: 23331


發表於 05-2-7 14:50 |顯示全部帖子

Re: 如果佢一郁手, 我實兜把星佢!

嘩!你果個都無小嘢喎, 推人落樓而個亞媽又唔鬧, 真係唔知點教仔, 比我實鬧埋個亞媽.


伯爵府

積分: 18025

2020勳章 2018復活節勳章 開心吸收勳章 醒目開學勳章 hashtag影視迷勳章 15週年勳章


發表於 05-2-7 14:50 |顯示全部帖子

Re: 如果佢一郁手, 我實兜把星佢!

真係好離譜喎! 個細路有恃無恐, 佢媽咪管教認真有問題。
下次遇到同樣的case, 千祈唔好動手打人, 自己好蝕底, 寧願叫店舖sales處理。
千 山 我 獨 行......... 不 必 相 送..........


侯爵府

積分: 23331


發表於 05-2-7 14:57 |顯示全部帖子

Re: 如果佢一郁手, 我實兜把星佢!

好彩佢無出手咋! 如果唔係,打左佢我都幾大wok, 蝕底嘅實係我.


水晶宮

積分: 71818

畀面勳章 環保接龍勳章


發表於 05-2-7 15:07 |顯示全部帖子

Re: 如果佢一郁手, 我實兜把星佢!

講開呢個話題, 我都想up下. 我老公個朋友(A君)成50歲先生個仔.(佢老婆係國內人, 年輕.), A君係一個唔鍾意有束縛既人, 佢老婆有左個時, 佢都叫佢唔好要. 佢老婆唔肯, 咁佢係深圳生BB, 到個仔3歲到就黎左香港, 可能係上面比佢阿媽"縱"到壞晒, 佢做乜野, 佢阿媽都話佢岩, 如果A君想打個仔, 佢老婆一定同佢死過. 久而久之, 呢個細路越黎越頑皮,屋企所有野都比佢破壞晒, 到處all 尿, 吐口水, 連露台既玻璃都推塌. A 君已經心灰意冷(可能係冇咁好氣), 成日都去街避開.

佢老婆要幾個月就返上去簽一次証, 係個段時間, A 君先至有機會教訓下個仔. 早幾日佢老婆返左黎, 個仔又故態復萌, 琴晚仲一張凳飛埋佢老豆度, 佢阿媽仲話個仔做得岩.

A 君今日打比我老公訴苦, 佢話佢老婆開口埋口都係講錢, 又比個仔煩到嘔. (佢話如果佢係屋企, 佢個仔實整D野比佢嘆喎.)我老公咪話囉, 細路仔出世跟本就係一張白紙, 係D父母點去教佢. 你老婆咁縱法, 都冇辦法啦.

我真係未見個一個細路咁百厭既, 得個四歲半人, 已經成個"小霸王"咁, 大個真係唔知點算.

?-(
謀事在人,成事在天,個天先係最終揸"fit"人!!

你恨的人,來生不會再見,所以別在他身上浪費時間;你愛的人,來生也不會再見,所以今生要好好對他。


公爵府

積分: 25934

大廚勳章 好媽媽勳章 醒目開學勳章 畀面勳章


發表於 05-2-7 15:09 |顯示全部帖子

Re: 如果佢一郁手, 我實兜把星佢!

Super-Man,

理性話俾自己聽梗係唔好還手啦, 不過如果有人打我個囝, 我諗我點都有d本能反應掛(一手推開佢先啦).

catnapper


民房

積分: 82


發表於 05-2-7 15:11 |顯示全部帖子

Re: 如果佢一郁手, 我實兜把星佢!

我都覺得現在的小孩好霸道又百厭...
之之是我的乖乖 :pint: :wave:


珍珠宮

積分: 35736

2020勳章


發表於 05-2-7 15:11 |顯示全部帖子

Re: 如果佢一郁手, 我實兜把星佢!

我有次同阿b係'玩具反斗城',
阿b玩緊個煮食爐, 有個4-5歲既男仔
行埋黎玩仲推開阿b (好大力),
我就同佢講一切玩喇, 佢照推 :evil:

咁我同阿b玩隔離果個喇,
佢有黎玩, 又推, 佢個老斗,
就scold佢話唔比佢玩,
跟住個sales都出聲話佢,
佢個阿媽竟然話
'佢唔係唔比小朋友玩,
佢驚個爐 辣親小朋友呀!
咁都得 ?-(


男爵府

積分: 6166


發表於 05-2-7 15:14 |顯示全部帖子

Re: 如果佢一郁手, 我實兜把星佢!

家下d細路真係好難教,好似我老公個表弟咁,都係7/8yrs,又冇禮貌又陰濕,我真係忍得好辛苦至唔掀巴佢呀!
阿女係我心肝小寶貝.希望佢大左開開心心,無憂無慮. 佢快樂就是我快樂.


伯爵府

積分: 18051

好媽媽勳章


發表於 05-2-7 15:49 |顯示全部帖子

Re: 如果佢一郁手, 我實兜把星佢!

其實好大部份責任, 係D.........大人處
又或者家庭環境問題.........唔怪得晒個細路


等待驗證會員

積分: 1323


發表於 05-2-7 19:04 |顯示全部帖子

Re: 如果佢一郁手, 我實兜把星佢!

唉,有d咁既父母就有d咁既細路,真係睇到都眼火爆! :evil:
bk閒人


等待驗證會員

積分: 1323


發表於 05-2-7 19:08 |顯示全部帖子

Re: 如果佢一郁手, 我實兜把星佢!

不過講時講,如果遇到呢d情況,最好大力推開(跌)佢,唔好兜把星佢,推開佢都可以話自衛,保護自己小朋友,兜把星佢,佢父母報警就好難defense!
bk閒人


大宅

積分: 1760


發表於 05-2-8 14:26 |顯示全部帖子

Re: 如果佢一郁手, 我實兜把星佢!

大人同小朋友發生問題
系唔系要用武力先可以解決呢?
如果佢同一班大漢系度,佢一郁手,
唔知仲會唔會兜把星佢呢?


侯爵府

積分: 23331


發表於 05-2-8 14:49 |顯示全部帖子

Re: 如果佢一郁手, 我實兜把星佢!

如果佢有人係身邊(唔一定係一班大漢), 我諗佢都唔會有機會講咁多嘢啦! 你估大漢大哂, 段估佢都唔會成班大漢恰我一個女人瓜. 我話兜把星佢, 係想強調我當時有幾嬲姐. 唔好講到我好似欺善怕惡咁.
sa_628 寫道:
大人同小朋友發生問題
系唔系要用武力先可以解決呢?
如果佢同一班大漢系度,佢一郁手,
唔知仲會唔會兜把星佢呢?


禁止訪問

積分: 205825

畀面勳章 環保接龍勳章


發表於 05-2-8 15:16 |顯示全部帖子

Re: 如果佢一郁手, 我實兜把星佢!

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽

首頁
12

尾頁

跳至