Baby Kingdom - 親子王國 香港 討論區 › 首頁 › 心聲留言› 有關女兒拍拖 ~

心聲留言

收藏本版
發帖
返回列表
跳至頁
有關女兒拍拖 ~ [複製鏈接]

首頁
1

尾頁
   0
fanpapa


民房

積分: 4


1#
發表於 09-9-30 13:32 |只看該作者
大家好，我第一次POST，唔知道係呢度係唔係POST問題既地方，如果OT 或者POST錯地方請見諒。
最近好心煩，因為發生件事，我自己唔知點做先係最好，月頭開學既時候發現左，個女係網上識左個男仔，其實之前千叮萬囑同佢講網上交友既危險，更加唔好話係識男仔。個女今年係十二歲，但係一年入面發現佢變得好反叛，本來覺得青春期，轉變係正常，開認識朋都啱，而佢而家係讀女校既，但係諗唔到佢會識到一個18歲既男仔。
開頭佢地係facebook識左，之後加Msn，識左唔到一個星期個男仔主動問佢攞手機號碼，個女諗都無諗就俾左佢，之後個女就成日抱住個電話，其他咩事都唔想理，等電話等短訊成左佢而家既第一重要事情。因為我覺得好擔心...所以就算知道唔啱我都有偷睇佢既Msn記錄，見到攞左電話個幾星期，個男仔就問佢幾時可以同佢出街，可以拖佢。由佢地對話既親密情度，佢地好似情侶咁。
同朋友講個呢個問題，佢就話而家既細路女早熟。而且發生左都無計，但係真係可以唔理咩？我都有暗示同個女講話現階段唔好拍拖，因為佢仲係小6，今年要升中。佢話佢道有識男仔喎。我知道咁真係好傷心架。如果要罵穿佢，又好傷佢自尊心。我真係覺得好無助，因為無論點，十二歲我係唔贊成既，但係又可以點,迫佢只會令佢更加收埋佢既野，令佢更加反叛，唔通就無其他好既方法？
我相信呢個係小問題，但係對我呢刻黎講真係大煩惱，希望大家無介意我係度講呢D野，如果有人可以分享一D經驗俾我知道，我會好感激。
私人傳訊

ccmelody


大宅

積分: 4529


2#
發表於 09-10-2 09:23 |只看該作者
不如你同你個女傾多啲計，話佢知媽媽唔係唔比佢同男仔做朋友，話佢知同男仔出街要注意啲咩，叫佢要想清楚咩係可以做、咩係唔可以做......同佢講媽媽真係唔想佢咁早拍拖，就算真係拍拖都要話比媽媽知，叫佢得閒帶個男仔參與家庭活動(例如BBQ、食飯、睇戲...)，話佢知如果個男仔唔肯出嚟參與家庭活動，即係個男仔唔係好尊重佢，叫佢一定要堅持自己嘅原則，唔可以就晒個男仔，希望你可以比你個女同你好似朋友咁，咩都講你知，加油呀!!!
私人傳訊

fanpapa


民房

積分: 4


3#
發表於 09-10-3 17:31 |只看該作者
問題依然未解決,依然未向佢開口,但係只係見佢沖涼都帶埋電話入toilet, 或者真係我太笨, 女既心思我真諗唔透... 噙晚聽新香蕉,主持同個小朋友講14歲你想拍拖太細喇, 我諗咁我果個呢?12呢?同佢溝通係需要既, 只怕處理得唔好會令佢更反感, 令裂左個小花瓶增加裂紋...

今日中秋,祝大家團圓,快樂
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見