香港18區媽媽會 今日: 0 | 主題: 156974

積分: 4837

醒目開學勳章

1^#

發表於 09-9-30 16:53 |只看該作者 |倒序瀏覽 |打印

有無小朋友讀緊呢間呀???感覺如何呢????

可以俾d意見嗎???

0 0 0

私人傳訊

積分: 4079

好媽媽勳章

2^#

發表於 09-10-1 02:19 |只看該作者

你好呀~我兩個小朋友都係讀呢間，大既已經畢左業，細既而家讀緊ｋ２，呢間學校可以話天水圍區入面學費都算貴既一間，雖然佢收得貴左少少，但係老師校長同嬸嬸都好有愛心，而且校內既設施亦非常新，每年都會添加新既物品俾小朋友用，由我大女入學時走廊只係放學生既畫，到而家已經改左做感官廊(即有玩樂既設施)，今年佢地仲引入左一套JELIC智力寶盒既教具，呢套教具都真係幾好，所以佢地收貴少少都抵，因為都係用晒係小朋友身上，而環境都算寬敞，光線非常充足，又多戶外活動俾小朋友玩，親子活動都好多，某Ｄ節日亦會搞親子活動，好似今晚咁佢地就搞左個中秋提燈晚會，俾Ｄ家長同小朋友返學校玩燈籠猜燈謎。而功課方面亦唔多，亦無話要考試默書，英文佢地就用Jolly Phonics教，亦都有舉辦家長英文工作坊，教埋家長Jolly Phonics(我無記錯係免費既)，等我地家長都知道小朋友既發音正唔正確。

以下係呢間學校既視學報告，對你想了解呢間學校都有幫助，如果有任何問題，都歡迎你問我架，因為始終我大女讀左３年，二女而家讀緊，細仔出年都會入讀，所以我對呢間學校都可以話幾清楚架～
http://www.edb.gov.hk/FileManager/TC/Content_6605/CUHKFAA_ChanChunHa.pdf

歡迎大家參觀"李家的牧場物語"李家牧場，有隻好勤力賺錢既大老鼠，一隻兇惡既大白兔，一隻成日俾大白兔鬧既馬女，一隻入左金霸王電芯既雞女，而家多左隻豬仔添呀∼

私人傳訊

積分: 4079

好媽媽勳章

3^#

發表於 09-10-1 02:23 |只看該作者

另外以下係呢個網址係介紹JELIC智力寶盒係Ｄ乜，或者對其他想了解既家長都有幫助！

http://infinitychildren.com/c_PgmPhilosophy.aspx

私人傳訊

積分: 1632

4^#

發表於 09-10-1 13:43 |只看該作者

回覆 2# 小巫女女的文章

請問功課方面唔多，亦無話要考試默書.課會否太淺.上小學易適應嗎?

語言教得如何.畢業后英文和普通話度好嗎?

請問妳女女讀全日或半日.讀上午班會否太多人.
若報上午班難入嗎?

另是否

私人傳訊

積分: 4079

好媽媽勳章

5^#

發表於 09-10-1 14:03 |只看該作者

功課方面，ｋ１一定唔多，主要都係下學期先開始畫線條同填色，但到左ｋ２就會開始學寫字，每日兩樣左右，呢間學校唔會太著重串字，因為而家教統局完全唔讚成小朋友幼稚園階段串字，所以呢方面就要靠家長喇，當然我地同小朋友係做功課既時候，都會串下字，上到ｋ３大家就一定要串字喇！所以我大女係升上小一果個暑假，我就俾佢參加左升小一預備班，等佢可以預習下小一既課程同乜野叫溫習同默書，而學校亦都會係ｋ３下學期尾安排小朋友去小學返小一適應班，為期一個禮拜，俾小朋友知道小學上堂既形式，例如去洗手間唔會再好似幼稚園咁，有嬸嬸或者老師幫你，你要自己搞掂，上到小學點坐，同會做ｄ乜咁！至於語言方面，佢地有外籍英語老師，另外一位專科專教既普通話老師，程度點，你可以上學校門口睇下ｄ畢業生既畢業喜訊，有好幾間小學都有寫信返去表揚ｄ畢業生，而人手方面，上午班今年好似係１：１１定唔知１２，每班有兩位老師，都可以話人手充足，上午班難唔難入呀，咁我就唔知喇，因為我黎緊既小朋友都係跟家姐入讀，所以一定收，而我兩個女都係讀全日班，所以細仔都會讀全日班！

私人傳訊

積分: 1632

6^#

發表於 09-10-1 20:11 |只看該作者

回覆 5# 小巫女女的文章

謝謝妳的回覆...
還有以下問題:

是否有興趣班. 幼兒班可以開始上嗎? 是不是多數等全日班下課才開始. 妳的女女有上興趣班嗎?感覺如何?

多不多新移民讀呢?

2個女女這幾年的學校生活是否都很開心. 是否很喜歡上學?

升小學派位如何?妳女女讀那間小學?

隔鄰有一間幼稚園. 上下課的時候會否太多人?

面試有什問題呢?

實全日班是否學多很多東西,半日班+興趣班ok嗎? 請指
教..

私人傳訊

積分: 4079

好媽媽勳章

7^#

發表於 09-10-2 13:15 |只看該作者

１．是否有興趣班. 幼兒班可以開始上嗎?
　　幼兒班有跳舞，畫班及跆拳道班，但係要係下學期先
　　會開始俾小朋友參加，因為要俾小朋友熟習左學校既
　　環境先，因為怕一開學無耐就俾小朋友上，怕喊多過
　　上堂，咁變左小朋友就學唔到野喇！

２．是不是多數等全日班下課才開始. 妳的女女有上興趣
　　班嗎?感覺如何?
　　佢地每年都唔同，上年就係半日班完左課程，２點到
　　先開始上，但今年就係晒下午班放學後，即４點１５
　　分先開始！
　　因為我女今年係低班，所以有上跳舞，畫班，同小蜜
　　蜂，而跳舞佢地會俾好多機會小朋友出去表演，畫班
　　如果小朋友畫得好，就會張作品貼出學校門外展覽，
　　小朋友好有滿足感架！

３．多不多新移民讀呢?
　　可能我返全日班啦，所以好少接觸其他家長，不過
　　我都見有幾個小朋友係搭跨境校車返學，不過聽ｄ
　　嬸嬸講，好似係因為父母都係上面做野(唔係上面既人
　　，係香港人，只不過搬左上去住)，所以都唔覺有太多
　　新移民！

４．2個女女這幾年的學校生活是否都很開心. 是否很喜歡
　　上學?
　　哈～～佢地兩個可能返全日既關係，長時間都係學校
　　，所以佢地都當左學校係第二個屋企，加上全日班到
　　左下午完晒延展活動後，會有影碟睇，所以佢地成日
　　都叫我唔好咁早去接佢，等佢地睇完先接喎，激死！

５．升小學

派位如何?妳女女讀那間小學

?
　　佢地呢幾年派位都好好，你可以上佢地既網頁，今
　　年佢地都有放ｄ派位情況出黎，你可以參考下架！
　　以下係佢地既網址，你可以去睇睇！
　　http://www.cchk.edu.hk/index.htm　　

６．隔鄰有一間幼稚園. 上下課的時候會否太多人?
　　因為我唔係返半日，所以呢個問題我答唔到你，不過
　　佢地放學既時候，巴士站果邊會開多一部升降機，而
　　且由１樓行上去都唔會太攰，所以應該都唔怕多人既

７．面試

有什問題呢?
　　呢樣你放心都得喇，因為老師通常只會問家長問題，
　　小朋友就會因應返小朋友既反應先會睇下問唔問，因
　　為佢地唔係著重問小朋友野，而係著重觀察小朋友玩
　　玩具時既情況，睇下佢識唔識玩啦，同埋睇下佢點玩
　　架，所以你唔使太擔心既！

８．實全日班是否學多很多東西,半日班+興趣班ok嗎?
　　請指教..
　　或者我都講下佢有ｄ乜野興趣班啦！
　　跳舞班，畫班，跆拳道(ｋ１下學期就可以開始參加)
　　手工藝班，小蜜蜂，小鼓隊，珠心算班(ｋ２先可以
　　開始報讀)
　　以上所有既興趣班都會係９月中到尾就會出通告

希望我解答得夠清楚啦，如果你仲有乜野問題都歡迎你再問我架，希望幫到你啦！

私人傳訊

積分: 4079

好媽媽勳章

8^#

發表於 09-10-2 13:27 |只看該作者

都唔記得話俾你知我大女讀邊間添，佢讀循道衛理架，係第一志願，係前年既事，而我朋友今年佢個女就派到天水圍官立，又係第一志願，仲係係自行收生階段收到佢架！

私人傳訊

千千媽咪

積分: 4309

好媽媽勳章

9^#

發表於 09-10-2 14:03 |只看該作者

我個女3年前讀呢間,老實講就唔係好得,阿女讀元朗名牌小學就跟得好辛苦,仲要唔係佢一個唔得,而係同期有好多個都唔得.so細佬都唔會讀返.
ps:對面果間(熊定X)仲哀過呢間.(我個女2間都讀過)

私人傳訊

積分: 1632

10^#

發表於 09-10-2 23:13 |只看該作者

回覆 8# 小巫女女的文章

非常謝謝小巫女女 & 千千媽咪的回覆.
本人對這間幼稚園眞是有興趣的.但看完千千媽咪的評語,又好驚課程太淺...
可否比多些意見呢.

私人傳訊

cutiesasa

積分: 3448

11^#

發表於 09-10-3 00:22 |只看該作者

你地一問一答...好全面..簡直幫尼間學校買緊告白...好做媒..好難令人相信..haha

私人傳訊

積分: 4079

好媽媽勳章

12^#

發表於 09-10-3 00:53 |只看該作者

哈～～～cutiesasa，你講得無錯呀，我睇完自己寫既野都好覺得自己係度做緊媒咁，不過如果你真係上過去學校，係學校門口有一塊叫畢業生喜訊既板，果度有好幾間小學都主動寫信去表揚過去既畢業生，我諗咁樣對幼稚園係咪會中肯ｄ呢？以我個女畢業果屆為例，天官，天天，科技創意，十八鄉，好似有天水圍靈愛定唔知係英業，同有間好似係九龍區既馬頭涌都表揚佢地，因為呢幾位學生都係小一時考全級頭三名以內，呢ｄ通通都係小學自己寫信去幼稚園的(我估！

)，咁我諗呢ｄ唔會做假喇掛！

另外我個女果屆都有個小朋友係元朗讀光明，我好多時都見到佢，問佢媽咪小朋友係元朗讀書，跟唔跟得上(因為我自己都覺得元朗ｄ學校始終傳統ｄ，課程應該深ｄ)，果位媽咪都話都可以接受到，無乜問題，係一開始要默書方面差少少，因為始終幼稚園唔使默書，所以點都有ｄ吃力，其他都無問題。

唔知我咁樣答大家會唔會覺得好ｄ呢？(哈～～～今次自己睇完都係覺得好hardsell，呵～～～～)

私人傳訊

積分: 4079

好媽媽勳章

13^#

發表於 09-10-3 00:59 |只看該作者

千千媽咪，可能你個女讀果時學校仲係好新，所以ｄ設施同教學始終都未係咁完善，我諗佢地當時都仍係摸索階段啦，所以未係咁好！另外我想問下，你女女一開始係讀”熊”先定”陳”先架，因為我都聽聞”熊”那一間一開始時都有好多負面評語，好多家長讀左一年都轉去其他幼稚園(陳震夏同翰林)，唔知你係咪其中之一呢？不過而家黎講，”熊已經俾以前好左ｄ喇，雖然我個女讀”陳”，但係我都有留意隔離既！

原帖由 千千媽咪 於 09-10-2 14:03 發表
我個女3年前讀呢間,老實講就唔係好得,阿女讀元朗名牌小學就跟得好辛苦,仲要唔係佢一個唔得,而係同期有好多個都唔得.so細佬都唔會讀返.
ps:對面果間(熊定X)仲哀過呢間.(我個女2間都讀過) ...

私人傳訊

積分: 1632

14^#

發表於 09-10-3 11:56 |只看該作者

回覆 11# cutiesasa 的文章

Hi cutiesasa. 令妳有這個感覺.眞是對不起.
不個都沒所謂.反正得到小巫女女的意見. 都好值得參考...

小巫女女: 請問全日班午飯是否學校安排. 餐單ok嗎?

另若有其他家長可比多些意見就更好啦...

私人傳訊

積分: 4079

好媽媽勳章

15^#

發表於 09-10-3 13:29 |只看該作者

全日班既午餐係學校安排架，我d女成日叫我學下嬸嬸煮飯,佢地話嬸嬸煮飯好好食喎

～可能學校嬸嬸煮d野都係啱小朋友口味啦，唔似我地咁就算煮都要就返大人，所以變左有d野唔係咁啱佢地食啦，佢地每個月月尾就會出一張下個月既餐單俾全日班既家長睇，家長如果發現小朋友有某d野唔食得，就可以即刻通知學校，而學校門口亦都會張貼出呢個星期既餐單俾家長睇！

原帖由 SzeSea 於 09-10-3 11:56 發表
Hi cutiesasa. 令妳有這個感覺.眞是對不起.
不個都沒所謂.反正得到小巫女女的意見. 都好值得參考...

小巫女女: 請問全日班午飯是否學校安排. 餐單ok嗎?

另若有其他家長可比多些意見就更好啦... ...

私人傳訊

cutiesasa

積分: 3448

16^#

發表於 09-10-6 14:20 |只看該作者

唔好意思...其實我都無負面的意思...你地真係講到間學校好到加 0 1....唔知你地對真光..英藝...箂思..有咩看法和意見..

私人傳訊